احببت والدي

البارت التاسع

حقيقتي
،،،،،،،،،،،،،،،،،،،،،،
،،،،،،،،،،،،،،،،،،،

تحت صدمة الكلمات ال نزلن مثل الصاعقه عله مسامعي دموعي تنزل بهدوء وبعدم تصديق

باوعت بعيونه المدمعه والدمعه الراسمه مجراهة عله خدة

گتله
سلاسل،،أني أبوي باعني ألك
علي،،هاذة التردين تسمعي مو لا مو هاي الحقيقه الحقيقه الوحيدة الأعرفهة أنتي بنيتي وأني أبوچ

سلاسل،،أهئ أهئ أهئ أني باعوني ألك أني نبعت ألك أهئ أهئ أهئ

علي،،بنيتي سلاسل أني أبوچ بس هاي الحقيقه

سكتت ما أعرف شنو أحچي كل الحروف متگدر توصف أل أني بي رجليه ميحملني بعد وگعت عله أركبي

درت وجهي ومسحت أدموعي صار أگبال وجهي القرأن گمت شلته وبسته نزلت أدموعي مجاي أفرزن شي

أحس كلشي صعب أفهمة مشيت گعدت أگباله بل گاع لزمت أيده حطيت أيدة عل قرأن

سلاسل،،أحلفك بكل حرف بل قرأن تحچيلي كلشي بل تفصيل منو أني شنو أصلي شنو فصلي شلون أنبعت ألك أهئ أهئ أهئ كلشي أبوس أيدك

مسح أدموعي وباس راسي وگال
علي،،گتلچ أنتي بنتي والحقيقه مراح تغير شي
سلاسل،،أبوس أيدك أريد أعرف كلشي ابوس أيدك

أخذ نفس وگال
علي،،چان عمري عشرين سنه چنت وحدي بل بيت أمي وأخوي وخواتي مسافرين علمود علاج أمي وأني عل أساس أسافر وياهم بس مگدرت بسبب
الجامعه ما أگدر أعوفهة

چنت أطلع الصبح للجامعه وأظل وي صاحبي  للعصر أرجع للبيت چنت راجع للبيت أرتاح وشفت

رجال محتاج أول مرة أشوفه وبحضنه طفله

رفعت راسي وگتله
سلاسل،، هاي الطفله چانت أني مو
علي،،أنتي بنيتي أوووووووووف أمي علمتني أذا شفنه محتاج ننطي طلعت فلوس من جيبي ورحت أنطي

أحنه مبين علينه عدنه فلوس بسبب لبسنه لأن چنه نلبس لبس غالي أحنه صح عشنه طفوله بعوز بس من مات جدي نص أملاكه موصي نص أملاكه بأسمنه

المهم رحتله مديتله الفلوس باوعلي وخذة الفلوس رجعت للبيت ومرت الأيام صرت أشوف هاذة الرجال هواي

لأن أني أمر هواي من هاذة الدرب بيوم چانت الدنيه باردة شته والجو بارد الرجال لابس ملابس شتائيه صح تعبانه بس تبقه ملابس أدفي

والطفله بطرگ الحضينه وصايرة زرگه من البرد وهوة يجدي بيهة رحتله وگتله

علي،،ليش هيچ خطيه باردة عليهة
الرجال،،ماعندي أشتريلهة
علي،،لعد ليش أجيبهة وياك عوفهة يم أمهة
الرجال،،أمهة ميته
علي،،هاي فلوس أشتريلهة ملابس أدفيهة
الرجال،،مشكور

عفته ومشيت بوكتهة الطفله چانت حيل صغيرة ما صارلهة أيام مولوده وهوة يطلع يجدي بيهة