سلاسل،،
ما أعرف شصار بذاك اليوم بس الأعرفه گعدت لگيت روحي بحضن علي نايم عله بطنه وحاضني
نزلت دمعتي من تذكرت كلامه فز عله صوت شهگاتي مسح دمعي بأبهام أيده وباقي أصابعه حاضن وجهي بيهن
باس عيوني تنهد وگال
علي،،لا تبچين بعد أبوچ
سلاسل،،،كلههه منك كلههه منككككك ليييييشش ما خليتني أشوفهم ليييشش
علي،،سلاسلي بويه والله سويت كل الأگدر علي حته أطلع أمچ وخواتچ من ذاك المكان بس مچان عندي دليل
وبالتالي أضطر أرجع لأن أمچ متقبل تعترف عله أبوچ سلاسل لتحكمين علي بهاي الطريقه سويت كل الأگدر علي
وأخر مرة داهمت بيتهم چانت بموتت أمچ چنت بوكتهه أگدر ألزم أبوچ بس چان راح يسويهه قضيه شرف لأن چانن معميات عيونه بحب أمچ
حسب ما فكرت بيهه تنشهر أمچ وتنفضح بين الناس وأبوچ هوة المظلوم ما أعرف شنو حكمت رب العالمين من ماتت بذاك الوضع
أستغفرالله سلاسل بابه والله لو مو الوضع الهمه بيه ولو أبوچ الباعچ ما موجود صدگيني أني أوديچ بأيدي ألهم
لأن واثق كل الثقه بنيتي راح تجازي تعب عمري بيهه ومتعوفني
حضنته أبچي وأگله
سلاسل،،علييي أبوس أيدك بس أشوف خواتي أمي ماتت ونحرمت من شوفتهه بس أشوف خواتي
علي،،تشوفيهم يا بعد حيلي بس مو هسه خلي شغلي يخلص عله أكمل وجه وأخذچ ألهم
باس راسي وطلع
ظليت أكل بروحي أمي ماتت شگد تمنيت يصير عندي أم تعوض حرماني
صرت أبچي وأني أردد اللهم أبعد عني الجزع اللهم أبعد عني سوء الظن بك أللهم أرحمها بما فعلت
تعببت وإني أشكي ال ربي ياااارب والله تعبت حيييل تعببببتت ماتت أمي وأني مشايفتهه ماتت يااااارب
مسحت أدموعي سحبت شالي وطلعت أروح العمو أحمد
،،،،،،،،،،،،،،،،،،،،،،،،،،،،
،،،،،،،،،،،،،،،،،،،،،
قيس،،
لتضوجين يم عيون حلوة
شجون،،لا ما ضجت
قيس،،ممكن سؤال شجون
شجون،،أي
قيس،،أني سمعت الشرطه داهمت بيتكم أكثر من مرة بس يطلعون وهمة ممحصلين شي ليش
شجون،،السجان چان يهدد أمي بشموس أذا تحچي شموس تنذبح
قيس،،زين شسمه السجان
شجون،،ههههه متعرفه
قيس،،لا أعرفه بس گوليلي أسمه
شجون،،ناظم
بعد ما گالت أسمه طفيت التسجيل طبعاً مچانت تعرف جاي أسجل صوتهه درت عليهه
قيس،،شجون گومي لبسي السيت الأسود خلي أشوفه عليچ
گامت بهدوء بدون صوت لبست الأسود وأجت گعدت يمي
YOU ARE READING
احببت والدي
Romanceسلاسل،،،أني مو بنتك لدگول بنتي علي،،سلاسلللللللل طلعي برة قبل ما أفقد أعصابي وساعتهة متلومين أله نفسچ سلاسل،،ما أطلع شسوي سوي أني مو بنتك أنيي ألي گلبهة دگ بس بأسمك أحل عليك وتحل علي ما حسيت غير نار شعلت خدي باوعتله ودموعي تنزل بعمرة ما مد أيدة عل...
