Unicode
_________
"ငယ်လေး...လာလေ။အခန်းဝမှာ ဘာရပ်လုပ်နေတာလဲ"
စာရေးစားပွဲပေါ်မှာ စာရေးနေသော သူ့ကို ကောင်လေးက အခန်းဝကနေ ချောင်းကြည့်နေသည်။သူ့ပုံကြည့်ရတာ ဝင်လာဖို့ မဝင့်မရဲနှင့်။
"လာပါဦး ကိုကို့ဆီ။မင်းလေးတောင် အရွယ်ရောက်နေပြီပဲ။ကိုကို့မျက်စိရှေ့မှာပဲ အရွယ်ရောက်လာလိုက်တာ"
ပိုမိုထွားကျိုင်းလာသော ခန္ဓာကိုယ်က ကြွက်သားအဖုအထစ်တွေနဲ့ လူကြီးပေါက်စလေးတစ်ယောက်လိုပင်။အရင်ကဆို သူ စာရေးနေချိန်ဆို ပေါင်ပေါ်လာထိုင်တတ်တဲ့ ကလေးလေး။
ကလေးက အကျင့်ကောင်းပါသည်။ဘယ်တုန်းကမှ မနှောင့်ယှက်ခဲ့ပါ။သူကြိုက်နှစ်သက်ရာ ချိုချဥ် ဖြစ်စေ၊မုန့့်တစ်မျိုးမျိုးကို ဖြစ်စေ ငြိမ်ပြီးစားနေလေ့ရှိသည်။
အခုတော့ ချိုချဥ်ကျွေးလျှင် စားတော့မည့်အရွယ်မဟုတ်သလို၊ပေါင်ပေါ်တက်ထိုင်သင့်တော့သည့် အနေအထားလည်း မဟုတ်တော့ပါ။
"ကိုကို့ကို ခုနောက်ပိုင်း အရမ်းရှောင်နေသလိုပဲ။စိတ်ဆိုးစရာ တစ်ခုခုရှိနေတာလား"
ကောင်လေးက ခေါင်းခါပြသည်။စိတ်ဆိုးစရာဘာမှ မရှိပါဘူးတဲ့လေ။
"ဒါဖြင့် ဘာဖြစ်လို့လဲ"
ကောင်လေးက သူ့ဆီက စာရွက်နဲ့ ဘောပင်ကို ယူကာတစ်ခုခုရေးပြသည်။
"ဒီည ကိုကိုနဲ့လာအိပ်လို့ရမလား။အိပ်မပျော်တာကြာပြီ"
"ဘာများလဲလို့ကွာ။ရတာပေါ့..ကိုကိုစာကြည့်ပြီးရင် လာခဲ့နော်"
ကောင်လေးက ကျေနပ်သွားဟန်ဖြင့် ခေါင်းတစ်ချက်ငြိမ့်ပြသည်။
သိပ်မကြာခင် ခေါင်းအုံးလေးတစ်လုံးကို ပိုက်ကာ အခန်းတံခါးကို ဖွဖွလာခေါက်သည်။
"လာခဲ့..ကလေး"
"မင်းက ဒီကုတင်ပေါ်မှာအိပ်၊ကိုကိုက ခုံပေါ်မှာအိပ်မယ်နော်"
သူ့စကားအဆုံးမှာ ကောင်လေးက ခေါင်းခါပြသည်။ထို့နောက် သူ့လက်ကို ဆွဲကာ ေဘးနေရာလွတ်ကို ပုတ်ပြသည်။အတူတူအိပ်ချင်သည့် သဘော။
YOU ARE READING
UNDER THE CHERRY || JINKOOK ✓
ספרות חובבים" ဇာတ်သိမ်းမလှခဲ့တဲ့ ဒဏ္ဍာရီလေးတစ်ပုဒ်အတွက်.. မင်းကို ထပ်ပြီး ချစ်ခွင့်ရဖို့ နှစ်ပေါင်းများစွာတိုင်အောင် ကိုယ် စောင့်နေဦးမှာပဲ " JEON JUNG KOOK & KIM SEOK JIN .. " ဇာတ္သိမ္းမလွခဲ့တဲ့ ဒ႑ာရီေလးတစ္ပုဒ္အတြက္.. မင္းကို ထပ္ၿပီး ခ်စ္ခြင့္ရဖို႔ ႏွစ္ေပါင္းမ...
