Forbidden Romance (Published)

CHAPTER 4

A/N: Per request of Kaye Tungol. Hehe. Enjoy.Last update for this story. 

CHAPTER 4

Maagang-maaga palang ay haggard na si Kara. Tawag doon, tawag dito. Halos hindi na nga niya alam kung saan siya magsisimula sa dami nang papeles sa table niya. Mga schedule yon nang pupuntahan niyang photo shoot. Ang masaklap pa ay medyo gusto nang pumikit ng mga mata niya. Si Shane naman kasi kagabi, kung hindi yon naglasing ay hindi siya mapupuyat nang ganito.

“Kara, eksaktong alas-nuebe, dapat nasa lugar ka na kung saan ang photo shoot nang model.” Wika sa kanya nang head nila sa photography section.

 “Yes, ma’am.” Sagot niya. Gusto na niyang mag protesta pero trabaho ito kaya kailangan gawin niya nang mabuti para naman matuwa ang kuya niya sa kanya.

Nasa kalagitnaan siya ng pagtingin sa mga papeles na nasa mesa niya ng tumunog ang cell phone niya.

Sinagot niya ang tawag ng hindi tinitingnan ang Caller I.D. “Hello?”

 “Hi. Musta na ang trabaho, girl?” Tanong sa kanya ng nasa kabilang linya na nakilala naman agad niya kung sino.

 “I’m doing fine, Giane. Ito nga ang dami kung pupuntahang photo shoot. Pakiramdam ko talaga e pinapahirapan lang ako ng Shane na yon. Alam niyang wala akong talent sa ganito at dito pa talaga ako nilagay.” Aniya ng naiirita.

Narinig niyang tumawa si Gianne sa kabilang linya. “Speaking of Mr. Shane, your cousin. Nai-in love ka na ba sa kanya?” tudyo nito.

Alam ng mga kaibigan niya na ampon lang siya ng mga San Miguel kaya naman palagi siya nitong tinutudyo sa pinsan niyang hilaw. Hindi niya itinatago ang impormasyong ‘yon. Masaya siya at may pamilyang umampon at nagmahal sa kanya.

 “Giane! In-love? No way! Kahit hindi kami magpinsan hindi ko yon papatulan. Eh naabala nga ako niyan kagabi.” Inis na wika niya.

 “Owww! Kagabi. Anong nangyari kagabi?” Pilyang wika ni Giane sa kabilang linya.

 “‘Yang tuno nang pananalita mo, alam ko yan! Naabala ako dahil naglasing siya at ako ang naghatid sa unit niya, ang kapal, wala man lang salamat na nabanggit!”

 “Wait. Kara, bakit defensive ka masyado pagdating kay Shane?”

 “Hindi! Bye na. Marami pa akong trabaho.” Wika niya at pinutol na ang linya at ini-off ang phone niya. Ayaw niyang tumawag ulit si Giane at kulitin siya tungkol kay Shane.

Nagmamadaling lumabas si Kara sa kotse niya at tinungo ang lugar kung saan ang photo shoot. Ini-on na niya agad ang kanyang camera at umupo sa isa sa mga stool na bakanti pagkadating niya sa isang kwarto na pagdadausan nang photoshoot.

“Hoy! Anong ginagawa mo!?” Sigaw sa kanya nang isang bading sa.

 “Huh!? Anong gagawin ko?” Tarantang tanong niya rito.

Tinarayan siya nito. “Duh! Magtrabaho ka na.”

“Oo, magtatrabaho na. Huwag mo lang ako sigawan please.” Pagtataray din niya.

“Magtrabaho ka na kasi. Nagrereklamo na ang model.”

“Sino ba kasi naman yong model na yan?” Irita niyang tanung. “Napaka hot-headed naman!”

“Please.” Maarteng wika nito. “Pumunta ka nalang doon. Take a picture.”

Sa halip na mag salita ay tumayo nalang siya at ikinuyom ang kanyang kamao. Hindi pa siya nasisigawan ng ganito sa buong buhay niya na hindi siya lumalaban. Gusto talaga niyang sabunutan ang lalaking, este, baklang ito pero iniisip niya ang lalabas na image niya at baka maibalita pa yon sa kuya niya at sigurado patay siya rito.