Unicode //
"ဈာန်း...အဲ့ကောင်လေးက မင်းရဲ့ငယ်လေးဆိုတာသေချာလို့လား"
"အင်း...သေချာတယ်"
"ဒါပေမဲ့ ကလေးကမင်းကိုမမှတ်မိသလိုပဲ
နော်""....."
"ဒါနဲ့ နေပါဦး...မင်းက အဲ့ကလေးရဲ့အင်္ကျီကိုဘာလို့ချွတ်ဖို့လုပ်တာလဲ"
ထိုမေးခွန်းကိုတော့ ဈာန်းချက်ချင်းမဖြေသေးဘဲ ငြိမ်နေပြီးမှ...
"အမာရွတ်ကြောင့်...ငယ်လေးငယ်ငယ်ကဓားဆော့ပြီး ဓားထိတာ လက်မောင်းမှာချုပ်ရာအမာရွတ်ကျန်ခဲ့တယ်...အဲ့ဒါသာတွေ့ရရင်ငယ်လေးသေချာပြီ...သေချာတာနဲ့ ငယ်လေးကို ငါပြန်ခေါ်ထားလို့ရပြီ"
ဈာန်းဦးခိုက်၏အဖြေကြောင့် အကုန်လုံး သက်ပြင်းဖွဖွချမိကြသည်။
ထို့နောက်...
"ခေါ်ထားပြီးမင်းကဘာလုပ်မှာလဲ"
ကောင်းထက်ယံ၏အမေးကြောင့် တစ်ဝိုင်းလုံးငြိမ်ကျသွားသည်။ဈာန်းလည်း မြက်ခင်းပြင်ကိုစူးစိုက်ကြည့်ရင်းငြိမ်ကျသွားသည်။
"ဈာန်း...ဒီကိစ္စကမပေါ့ဘူးနော်...
ဘယ်လိုပဲဖြစ်ဖြစ် အခုဆို မင်းကနှိုင်းမန်ရဲ့သက်ဆိုင်သူဖြစ်သွားပြီ...မင်း နှိုင်းမန်ကိုမငဲ့လို့မရဘူး"ထိုစကားကြောင့် သူ့အတွေးတို့က ထိုကောင်လေးဆီသို့ရောက်သွားသည်။
အငယ်...
ဟုတ်သည်။ သူအခု အငယ့်အပေါ် အရမ်းမတရားရာကျလွန်းနေပြီဖြစ်သည်။ ထို့နောက် သူစိတ်လေးစွာဖြင့် သက်ပြင်းချလိုက်မိပြန်သည်။
အားနာတယ်အငယ်...ကိုယ်တို့နှစ်ယောက်ရှေ့ဆက်ဘယ်လိုသွားကြမလဲ...
ထို့နောက်...
"ဒါနဲ့ ဈာန်း...မင်းနဲ့စောပြည့်သျှင်နဲ့က ဘယ်ကဘယ်လို ငြိထားကြတာလဲ"
ရဲရင့်နိုင်၏အမေးကြောင့် ဈာန်းဦးခ်ိုက်နှင့်ကောင်းထက်ယံတို့ ခဏတာမျက်လုံးချင်းဆုံသွားပြီးနောက်...
"အရင်က ငါတို့လုပ်ငန်းနဲ့သူတို့လုပ်ငန်းက Partnerတွေ...ဈာန်းနဲ့ကတော့ စင်္ကာပူမှာကတည်းက ဆုံခဲ့တာ...နောက်တော့ သဘောထားချင်းမတိုက်ဆိုင်တော့ပဲ ခွဲထွက်သွားပြီး သူ့ဘက်ကရန်ငြိုးထားနေတာ"
![](https://img.wattpad.com/cover/289955642-288-k594541.jpg)
YOU ARE READING
ကန့်လန့်ဆန်သောအချစ်
RomanceCredit to the owners of artworks in the cover photo. အရေးအသားနဲ့ဇာတ်အိမ်တအားပေါ့ပါတယ်၊ စာလုံးပေါင်းသတ်ပုံအမှားတွေလည်းပြန်မစစ်ထားပါဘူး၊ ဖတ်ဖူးတဲ့စာဖတ်သူအဟောင်းတွေအတွက်ပြန်တင်ပေးတာမို့ အသစ်တွေအနေနဲ့ သေချာစဉ်းစားပြီးမှဖတ်ကြပါ၊ ကျွန်မကိုယ်တိုင်တောင်မှ...