أساطير_الورد
#حصري
الفصل السابع والعشرين بقلمي #نعمه_حسن
ـــــــــــــــــــــــــــــــــــــــــــــــــــــــــــــــ
بعد مرور شهر •••
كانت ورد تقوم بزيارة والديها فجلست أمام قبرهما بعد أن وضعت فوقه الزهور وقالت:
_ربنا يرحمك يا بابا إنت وماما.. عارفه إنكوا سامعيني و حاسين بيا وعارفين إني مبسوطه وفرحانه.
وأدت دمعةٍ خانتها لتسيل علي جانب خدها ثم قالت بإبتسامه:
_فرحي الأسبوع الجاي!!
شردت قليلاً ثم أكملت: كان نفسي تكوني معايا يا ماما.. تطمنيني و تقوليلي متخافيش.. كان نفسي توصي حسام عليا وتقوليله خلي بالك من ورد دي بنتي الوحيده حطها في عنيك.. وكان. نفسي بابا يسلمني ليه يوم الفرح ويشوفني وأنا عروسه وفرحانه بجوزي.
إزداد تأثرها لتنفجر في بكاءٍ مرير قبل أن تشعر بيدٍ تربت علي ظهرها بحنان فإلتفتت لتجده حسام. فنهضت عن الأرض فوراً وإحتضنته بإحتياجٍ شديد ليضمها أكثر إلي صدره و يقبّل جبينها قبل أن تمتد يده وتمحي آثار دمعاتها وقال:
_ربنا يرحمهم ياروحي تعيشي وتفتكري.
أومأت بهدوء دون أن تتحدث ثم وقفت إلي جواره و قام كلاً منهما بقراءة الفاتحه والدعاء لهما ثم خرجا ليستقلا السيارة سويّاً.
دون أن ينطق أياً منهم بكلمة سار حسام بالسيارة حتي توقف أمام البحر ليعود وينظر إليها فيجدها لازالت تبكي فناداها قائلاً:ورد.
نظرت إليه وهي تحاول كفكفة دمعاتها و منحه إبتسامةٍ ولكنها فشلت لتعود و تحتضنه مجدداً فقال وهو يضمها إليه بحنان:
_وحشتيني أوي يا ورد.
=وإنت كمان وحشتني.
نطقتها بصدقٍ ولأول مرة تصرّح له بشوقها الحار ثم تسائلت:
_جيت إمتا؟!
إبتعد عنها بهدوء وقال: لسه واصل من شويه يادوب روحتلك البيت قالولي إنك بتزوري المقابر.
أومأت بهدوء وقالت بإبتسامةٍ حزينه: كنت بقولهم إن فرحنا الأسبوع الجاي.
إحتضن كفيها بين يديه وتمتم بلطف:وينفع عروسه قمر زيك كده يبقا وشها دبلان و زعلانه بالمنظر ده؟!
_لأ أنا كويسه والله.. قوللي جاي تعمل أيه ومقولتش ليه إنك جاي؟!
=مقولتش إني جاي لأني كنت حابب أفاجئك.. أما بقا جاي ليه فـ عشان كذا حاجه.
هزت رأسها بإستفهام فقال وهو يعدد علي أصابعها التي يحتضنها بين يديه ويقول:
=أولاً عشان إنتي وحشتيني جداً جداً جداً.. ثانياً لأني عاوز أشوف بنفسي القاعه بعد التجديدات اللي طلبتها.. ثالثاً عشان جلسة مريم بكرة وحبيت أكون موجود عشان تكون مطمنه أكتر.. رابعاً بقا والأهم عشان نشتري الحاجات اللي نقصاكي سوا.
YOU ARE READING
أساطير الورد
Romantikaيحكي في الأساطير القديمه أن الورود لم تكن سوي صبايا قد قتلهن الحب فـ تحولن إلي زهور، منهن من قاوم و إستعاد نضارته و منهن من إستسلم و ذبل.
