غرباء في بيت اهلي

الحلقة -9-

قصة "غرباء في بيت اهلي "

"الحلقه -9-"

اســاور حـسـيـن 🕊🤎
.....................................
تكول غرور ..
ولــــٓــيس لــــٓــنا فــــٓــي الــحنين يــــٓــد ..
وفــــٓــي الــــٓــبعد كــــٓــان لــــٓــنا الــــٓــف يــــٓــد ..
ســــٓــلامــــٓــا عــــٓــليــــٓــك ، افتقدتــــٓــك جــــٓــدا ..
وعــــٓــلي الــــٓــسلام فيمــــٓــا افــــٓــتقد .

ذبني من ايدة وكاام طلع برة فتح خط ورد بغضب:-نعممم خييير ...!!

طلع برة بقة يحجي اني رجعت غفييت
الثاني يوم كعدت شبعانة نوم وهو مبدل وطالع للشغل
رتبت البيت وسويت غدة خابر كال :-ربع ساعة واني
يمج عيناي الكاج امبدلة واكفتلي بالباب ..

غرور:-وين نروح؟

المهيب:-حجزتلج بمركز صار هواي ماماخذج ..

غرور:-منو كال محتاجة مركز شمدريك اريد اكلك ..

المهيب:-تنسين تكولين بس من تفتحين مواضيع
تحرك الكلب تذكرين كلشي وكلش زين ..

ضحكت وسديتة منة رحت بدلت وسديت الكهرباء
وقفلت بوب الشقة نزلت لكيتة منتظرني بالسيارة
صعدت كتلة:-الله يساعدك ..

مد ايدة سحب راسي باسني بخدي :-عوفج من الله يساعدك
من تسلمين علية بووسي باباتي لا بس تحجين ..

غرور:-دخيل الله شكد تحب البووس ..

المهيب:-اكو احلة منة ..

كرصتة بيدة وهمست:-بس ويااي حلوو ويا غيرري امووتك ..

المهيب:-منو غيرج يستاهل ابوسة قربان الوجهج اروح ..

وصلني كال:-راح انتضرج هناا شوفي شنو تسوين
براحتج حسابج مفتوح ، بس ممنوع احد يكص طرف شعرج ..

هزيت راسي ونزلت دخلت سلمت علئ ام المركز
غرور:-بلازحمة حاجزة يمكم ..

طلعت الحجزز الي وستلموني تنظيف بشرة وتقشير
جسمي ميحتاج تنظيف لان اني دائما انظفة
عدلولي حواجبي طلعت غير شيي
غسلولي شعري ونشفو شسورتة وكوتة صار بعد اطول من قبل
حتى ايدي ورجلي سويتلهم تنظيف ..

طلعت ورة ساعتين خابرتة :-اني قريب منج اطلعي جاييج.

رحت وكفت باب السيارة واشرت بيدي :-فلووسس بسرعة ..

ضل صافن علية صحت بي:-شبببيييك مممهيييب ..

المهيب:-يلعن يومج شمسوية طالعة تموتتتينن
ضربني صداع نصفيي ..

رفعت عيوني للسماا وضحكت علية شلون مصددوم
غرور:-استمرر كمل بقيني هيج واكفة بالشارع
هسة يشوفوني ويخطفوني منك ..

المهيب:-انعل والدييهمم شحدة اليقترب من عشتاري ..

سحب محفضتة طلع 100وديتها الهن ورجعت
الطريق كلة يتغزل وايدة داعبة ملامح وجهي ..