غرباء في بيت اهلي

الحلقة -37-

قصة "غرباء في بيت اهلي "

الحلقة -37-

أساور حسين 🫀🤎

لا تنسون التصويت تعليقاتكم الحلوة بين الفقرات مااريد اي فقره فارغة ممكن اذا وصل البارت التصويت الف انزللكم بارت باجر هدية احبكم ❤️
----------------
غرور ..
- ﭑنيٰ ﭑنثى مہ تؤمن پـٰ مِٛبدأ فُرصةة ثانيٰةةَ ۿيٰ مرهَ
وحدهَ ياتكسبنيٰ يا تخسرنيٰ للأبد🖤 .

المهيب ..

لا غيب الله وجهك الذي أحبه، ولا أطفأ النور فيه، أرجو أن يظل هكذا دائمًا، يلمع في زحمة الوجوه، يعرفني وأعرفه، يحملني في قلبه وأحمله في ملامحي.

شمرت التلفون بالكاع وطلعت للباب اركض واتعثر
وكعت اكثر من مره بس اكوم ومااهتمم للوجع
اسمع امي تصيح ورايه بسس صوت شخط السيارة البررره نخر خلايه عقلي لطمت ؏ وجهي واحس الباب صار شبعده
طلعت وصاروا ملثمين اثنين كبالي

صرخت بعلو صوتي هم من شافوني شخطوها وطلعوا
علي الأكبر يبجي والجبس واكع بالكاع سحبته وفتت
وارام وياي لان واكفين اثنينهم بالباب .

اريد اسد الباب وسمعت صوت السيارة
اجه لواء وجهه صاير اسود من الهبطه
صاح بحركة قلب:- وينه غرور علي الأكبر وينه.

ضربته ؏ صدرة وصرخت بي:- كله منك ومن الكح... التزوجتها
ولك ابنييي راددد يررروح بيها حسبي الله ونعم الوكيل بيكم
رووح منااا ما اريد اشوفك بعد .

لواء:- اهددي خلي نحجي مو وكت الصراخ
احنه كلنا بخطر ، قبل شكيت بيج كلت غرور
بدت تنتقم .

ملخت روُحـي وصرخت بي والرجفه بعدها بيه
؏ وليدي :- شووفف حالي شوفهه زين اني وجهالي
مهددين هسه رادو يخطفون ابني تفتهم يعني شنو يخطفون ابني
اخلي عليك وعليها تيذاب واحركم اذا يصير علينا شي
اني اشتري الشر مشتراة احترموا نفسكم اثنينكم وابتعدوا منا كااافيي

اشرلي بيده بس فقدت عليه شكد ما هو ضخم بس اجتني
قوه وما اعرف شلون دفعته من صدره وصلته الحد الباب والعالم
كلها ملمومين علينا تباوع ومصدومين من الديصير .

سديت الباب ملخت روُحـي لطمت صرخت
ذبيت روُحـي بالكاع وكلبي يدك دكات فضيعه
وراسي يضرب جسمي كله ينفظ من الخوف
صارت عيوني بعين علي الأكبر وكعت حسيت بجسمي
يتحرك بقوه وراسي يركع بالكاع
وصريخ امي وارام ترس الشارع ويصد بأذني
دخلوا عليه ونقلت للمستشفى ، بعد التحليلات وتشخيص حالتي
تم تشخيص المرض وشكل عندي الصرع ..

مرت ساعات واني غالقه عيني واتمنى بعد ما افتحها واخلص
من هل كم من العذاب الرافض جسدي وروحي تقبله
فاض بيه التعب والامتحان صعب ، وعرفت ايام ضحكتي
معدوده ومكتوبلي بعد ڪُـل فرحه حزن تنزف بعده روُحـي