غرباء في بيت اهلي

الحلقة-27-

قصة "غرباء في بيت اهلي "

الحلقة -27-

أساور حسين 🫀🤎

لا تنسون التصويت تعليقاتكم الحلوة بين الفقرات مااريد اي فقره فارغة ممكن ❤️
----------------

الماشايف الشفتة لايضل يلوم
اليجي للفاتحة مو مثل صاحبها

محمد :-لا تخافين عمه كلشي مابي بس
عالكه جوه يتعارك عمي ..

غرور:-ياربي شلون بيه شلون
فتت للبيت لكيته صاير احمر وشرايين ركبته طاكه
من شافني لزم راسه وسكت ، صاير هنا احد يفهمني

سناء:-خيه ام عشق الحجي ما ادري شبي ويانا
بس يصارخ بوجهنا وهاي هو ولد شيوخ ويعرف
اكرام الضيف ومساعدة الـ محتاج .

تحجي وياي وأنه وسعت عيوني بصدمه
باوعت حوليه وصحت بصوت :-لا تكليلي هاي انتِ مسوويه هيج بَيتي .

بلعت ريكها وهمست:-خيه مو قصدي هيج بس ادك بهل باب محد يفتح
كلت اخاف ماتسمعون شلت طابوك من الشارع وشمرته على بيت
اريد تسمعوني .

غرور :-لااااااا انتِ من صدك صلفة ومااتستتتحيييين بأييي حق ولج تسوين هيج بالله طفل يلعب بالكراج وشمرتي طابوكه تخليها براسه وتموتيهم
علموددد شنو انساعدج ،لج بررربوككك ابتلينااا بيج انعل ابو اليوم الاسود الـ شفناج بي ..

سناء:-احترمي نفسج لا تشوفين نفسج انتِ مو احسن مني
خلف الله على حجي مخليج مره تلبسين وتكشخين وتشمرين
بيدج على محتاج وانتِ ما تسوين .

تقدم لواء عليها عترضت طريقه وصحت:-لا تدخل ابو منير لان شايف هذا ابو شوارب الماعنده غيره الواكف كدامك وچايب اخته على بيت رجال غريب يجدي بيهاا اذا تدخل يسويها بس هي وبس وتعال والله تعده على شرفنا هذني دروبهم الوصخه واضحه وضوح الشمس ومااتعبر عليه .

رد عليه اخوها :-احترمي نفسج اختي لا تجاوزين ..

غرور:-لا والله اجاوز ونص شسويلي بله أنه مره تجاوز عليه سويها وشوفك انجوم الظهر واخلي الزلم تصرف وياك هم دايسين بيتي ومفلشين طابوك بي بوكت غيابنا وهم الك عين وترادد .

التفتت على لواء متوتره اسحب انفاس سريعه :-هسسه تبلغ الشرطة عليهم وخليهم يصرفون ويااهم غير تصرف اذا ما بيتهم بالحبوس لان الظاهر هذولي طمعانين انطيناهم وبكل مره يطمعون بينا اكثر وبدو يجبرونا ننطيهم
وانه هل افعال ما اسكت عنها اليوم يتحاسبون يعني يتحاسبون على هل هبطه
الوكلوها الناا .،

تهسترت منهاا شلون واكفه ومتخوصره وتخزر بيه
بكل عين وكحه صلفه قبيحه.