قصة "غرباء في بيت اهلي "
"الحلقه - 15-"
"اســاور حـسـيـن" 🕊🤎
قبل لاتقرون لاتنسون التصويت وتعليقاتكم الحلوه على فقرات عشتاراتي احبببكم ❤️🩹
.....................................
عِندمـا سُئـل محمود دَرويش عن لونِ عينيهـا
قال :'' لا أدري في كل مَرة أتأمـل عينيهـا أفقد الذاكرة ."
خليت شال على راسي ورحت
اول مافتحت الباب بلعت ريكي
وجمدت لكيت كدامي
نسوان بيهن اربعه
وحدتهن لابسة محل ذهب كامل
ارتبكت رجعت ليورة وهمست
غرور:-اهلا وسهلا تفضلو .
فاتت مرة جبيرة حضنتني وباستني
_اني والدته لواء حبيبه انطاكم خبر بـ جيتنه .
غرور:- تنورونا بكل وقت تفضلو .
فاتت وحدة ردت علية :-واني عمتة لواء حبيبتي.
دخلن بعد اثنين وحدة عمرت عمه والثانية خالتة
طلعت امي رحبت بيهن وكعدتهن بالاستقبال
رحت حضرت الصينية والاستكاين
صبيت الجاي وايدي ترجف اول مره اعيش هل شعور
لاول مرة اعرف شنو خجل البنية من يجوها
خطابة يشوفوها بحيث الصوبة مشتغلة والبيت
دافي ورجلي وحدة تضرب بالاخ .
بس الفرحه العايشتها ماانطيها الاحد
عندي احساس بداخلي يكلي الدنيا بدت تضحكلي
مااعرف ليش مطمئن كلبي وروحي الواء
ومتأكدة هو اليعوضني عن كل ايامي الصعبة العشتها
اخذت الصينية وفتت عليهن اوزع
بالتدريج ، باوعت امه واني انطيها الجاي
موجهه كلامها الـ امي :-لعد جنتي غرور وين؟
رديت ببتسامة :-اني غرور خالة .
نوال:-يمااي يابعد خالتج صدك انتِ ، واني اكول شبي هل ولد
يلوب صار شهرين ثاري حكه حرك الدنيا عليها
ولج ياخيه يا سميرة .
سميرة:-واللة ونعم مااختار حبيبتي فدوه شهل جمال
ولا توقعناها الرادها لواء بـ هل جمال .
ردت خالتة وهية تضحك:-ولجن صلن على محمد
شبلاجن نزلتن فرد نزلة على بنية .
نوال:-اي والله لا يصير بيها شي ولواء يتخبل .
غرور:-تسلمين خالة هذا من جمال عيونج .
سحبتني من ايدي بخفة وكعدتني يمها
نوال:-خية ام غرور كانه بخدمتكم جاهزين انتو احجو واحنه
انجهز اي شي ابالكم اي شروط طلبات نلبيها برسم الخدمة .
ردت امي بس ابد ماراضية وكل شوية خازرتني
صبيحة :-مانطلب عيوني هية تتفاهم ويا ابنكم
بعد الخطبة ، النريدة هسة بس حاضرها وغايبها
نتفق عليهن .
نوال:-بالخدمة عيوني انتو تأمرون غرور تستاهل كل خير .
كمت منهم لان صكيت من نظراتهن
حجن ويا امي شوية وكامن طلعت سلمت عليهن
وراحن ، وره ساعة خابرني سلم وشغل جكارة
أنت تقرأ
غرباء في بيت اهلي
Romanceعشت غريبه بين اهلي م̷ـــِْن انا ومن اين اتيت لقد قست عليه الحياة بدأت اختنق لااعرف كيف ساعيش وانا غريبه في بيت اهلي اصبحت سلعه... بعدها وحيده احمل ثمرة اخطاء اهلي.. ها قد عدت ممتلى بالخيبات،، طفله محمله بالوجع والخذلان .. حاولت النهوض رغم الالم والص...
