ယင်ထောင် ပျော်ရွှင်စွာခေါင်းလေးလှည့်လာပြီး သူ့ရဲ့ကြီးမားပြီးတလက်လက်တောက်ပနေတဲ့မျက်လုံးတွေနဲ့ ရုန်ယိနဲ့ယင်ကျင်းရဲ့ကိုကြည့်လာသည်။ ထို့နောက် ပြတင်းပေါက်ကိုပြန်မှီလိုက်ပြီး ကောင်းကင်ပေါ်ကိုညွှန်ပြကာပြောလာသည်။
"ဖေဖေ သားလည်း အဲ့ပေါ်မှာထိုင်စီးချင်တယ်""သားကဘယ်နေရာမှာထိုင်စီးချင်တာလဲ"
ရုန်ယိ သူ့ဘေးနားလာထိုင်ပြီး သူ့အကြည့်အတိုင်းလိုက်ကြည့်လိုက်သည်။ ကျင့်ကြံသူတွေက သူတို့ခေါင်းပေါ်မှာပျံသန်းနေကြပြီး များစွာသောစုံတွဲတွေကလည်း သူတို့ရဲ့ဓားတွေပေါ်မှာဘေးချင်းယှဥ်ရပ်စီးနေကြသည်။အမျိုးသားကျင့်ကြံသူတွေက အမျိုးသမီးကျင့်ကြံသူတွေရဲ့ခါးကနေထိန်းပေးထားတဲ့အချိန်မှာ အမျိုးသမီးကျင့်ကြံသူတွေက သူတို့လက်ထဲမှာ နှစ်နှစ် သုံးနှစ်အရွယ်ကလေးတွေကို ချီထားရင်ထား..မဟုတ်ရင် ကိုးနှစ် ဆယ်နှစ်ကလေးတွေကို သူတို့ရှေ့မှာရပ်စေပြီးထိန်းပေးထားကြသည်။ တစ်ချက်လောက်ကြည့်လိုက်တာနဲ့ သူတို့တွေက မိသားစုတွေဆိုတာသိရှိနိုင်လေ၏။ကလေးတွေက ကစားရတာနှစ်သက်ကြသည်။ တစ်ခြားကလေးတွေက သူတို့ထက်ပိုမြန်မြန်ပျံသန်းသွားတာတွေ့တဲ့အခါ သူတို့က စိုးရိမ်ပြီး သူတို့အဖေတွေကို တစ်ခြားသူတွေနောက်အမှီလိုက်ဖို့ပြောပေလိမ့်မည်။ ဒီလိုနဲ့ ဓားပျံစီးတာက ကလေးတွေကြားမှာ ပြေးတမ်းလိုက်တမ်းကစားနည်းတစ်ခုဖြစ်လာသည်။
ရုန်ယိ ယင်ထောင်ကိုမေးလိုက်သည်။
"သားလည်းအဲ့လို လုပ်ချင်လို့လား"ယင်ထောင်ပျော်ရွှင်စွာနဲ့ခေါင်းငြိမ့်ပြလာသည်။
"အင်း..သား ဖေဖေရယ် အဖေရယ်နဲ့တူတူဓားပျံစီးချင်တယ်"ရုန်ယိ "......"
သူကအခုမှ ချီသန့်စင်အဆင့်၁ သာရောက်သေးတာကြောင့် အခြေတည်အဆင့်မတိုင်ခင်ထိတော့ သူဓားပျံမစီးနိုင်သေးချေ။
ဒါပေမဲ့ သူကဒါကိုမလုပ်နိုင်တာနဲ့ဘဲ ယင်ကျင်းရဲ့လည်း မလုပ်နိုင်ဘူးလို့မှမဆိုလိုတာ..။
ဒါကြောင့် ရုန်ယိသူ့ခေါင်းကို ထပ်ပြီးစာဖတ်နေပြန်ပြီဖြစ်တဲ့ ယင်ကျင်းရဲ့ဆီသို့ လှည့်ကြည့်လိုက်သည်။
YOU ARE READING
ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]
Historical FictionI Became A Virtuous Wife And Loving Mother In Another Cultivation World Original Title - 贤妻良母 (xiánqī-liángmǔ) Original Author - 金元宝 (jīn yuánbǎo) English Translator - Guy Gone Bad Total Chapter - 315+ 14 extra **I'm just translate this and I don't...