St. Agustin Hospital | ON-GOING

Checkpoint 13

Soldier or Warrior?

★

FELIX COULDN'T sleep tight because of the coldness of the night. Aside from this, he was thinking about Aether's worried face since he helped treating Corporal Alegre.

Ano kaya ang iniisip niya?

Bumangon si Felix at napag-alamang wala ang babae sa tabi niya kaya naisipan niyang lumabas at hanapin si Aether. Hindi na niya kailangan pang maghanap sa buong kampo dahil pagkalabas niya pa lang sa tent ay nakita na niya ang babaeng naroroon sa gilid ng mga natutulog na sundalong nasa labas ng tent, ginagatungan ang apoy na halos matupok na.

"Bakit hindi ka pa natutulog?" Bungad ni Felix at lumakad palapit sa kan'ya.

"Hindi ako makatulog." Naglagay ng isa pang kahoy si Aether sa apoy. Nang lumakas nang kaunti ang apoy, ay inilapit ni Aether ang mga kamay para mainitan siya.

Bahagya namang ngumiti si Felix at tinabihan siya sa nakatumbang puno ng kahoy at itinapat rin ang mga kamay malapit sa apoy para mainitan rin siya.

Ang lamig lang kasi sa pakiramdam na wala kang katabing matulog.

"Ikaw." Nilingon siya ng babaeng sundalo. "Bakit hindi ka pa natutulog? Kayo itong mas pagod kaysa sa akin, hindi ba? Kailangan mong magpahinga."

Bahagyang natawa si Felix, "Wala 'yang pagod na 'yan kapag ikaw ang iniisip ko." Nilingon niya ang babaeng sundalo na siyang agad ring naglayo ng tingin sa kan'ya. "Nag-aalala ako sa 'yo, Aether, kung bakit hindi ka pa natutulog. Alam mo na, gabing-gabi na at baka anong mangyari sa 'yo rito sa labas. Ayaw ko namang matulog nang hindi ko nasisiguro ang kaligtasan mo."

"Salamat sa pag-aalala, Felix." Ngumiti si Aether sa kan'ya na siyang ikinatuwa ni Felix. "Matutulog rin ako mayamaya. Nagpapainit lang ako rito, ang lamig kasi sa loob ng tent."

"Yayakapin na lang kita," malapad ang mga ngiting binigay ni Felix kay Aether dahilan para mapatawa ang babaeng sundalo.

"Loko ka! Ayaw kong yumakap sa taong parang patay kung matulog, 'no."

"Fine! This fire is fine." Sumimangot si Felix pero mayamaya ay napalingon sa kan'yang paligid, isa-isang tinignan ang mga sundalong natutulog sa likuran nila ni Aether pati na rin sa kinaroroonan nina Shelton kung saan binubugbog siya nila Gilbert. "Ahm, hindi ko yata nakikita ang kaibigan mo rito?"

Nangunot ang nuo ni Aether, "Si Shun?"

Felix hummed as his reply and nodded before turning his head again, trying to find Shun in the place, but Shelton found Felix instead.

"Martines! Felix! Halika rito, tulungan mo ako!" Pasigaw na tawag ni Shelton kay Felix habang kinukulong ni Gilbert ang leeg nito.

"Naman, oh! Gusto kitang kasama rito, eh!" Laglag ang balikat na binagsak ni Felix ang mga kamay at walang buhay na yumuko. Nagbuntong hininga si Felix na para bang sasabak na naman siya sa bakbakan, pero ngayon, haharapin niya lang ang kadaldalan ni Shelton.

"Sige na. Kawawa si Shelton, oh," natatawang sabi ng babae sa kan'ya dahilan para lingunin niya si Aether. "Hahanapin ko lang si Shun." Tumayo si Aether.

"Sigurado ka?" nag-aalalang tanong ni Felix sa babae at umayos ng pagkakaupo. Tumango ang babae nang may ngiti pa sa labi kaya walang nang nagawa pa si Felix kun'di ang magbuntong hininga at tumayo na lang. "Mag-iingat ka. Sigurado akong nasa paligid lang ai Shun at gustong mapag-isa. Ibayong pag-iingat ang gawin mo, ah? If something happens, call me, or someone near to you so that we could provide some help."

"Yes, sir!" Nakangiting sumaludo ang babaeng sundalo kay Felix.

Ngingiti na sana si Felix nang muli na naman niyang narinig ang pagtawag ni Shelton sa kan'ya dahilan para inis niya itong nilingon.