Unicode
" ပထမ ကောင်းကင်နဲ့မြေကြီးကို ဂါရ၀ပြုပါ "
" ဒုတိယ၊ ဘိုးဘွားဘီဘင်၊ဆွေမျိုးများကို ဂါရ၀ပြုပါ"
"တတိယအနေနဲ့ ဇနီးမောင်နှံအချင်းချင်း ဂါရ၀ပြုပါ"
မိမိရှေ့က သတို့သား၀တ်စုံနဲ့ မုယုံကို ဇာပဝါအောက်ကနေ အသာခိုးကြည့်ကာ ဂါရ၀ပြုရင်း ရှောင်းကျင်ပြုံးလိုက်၏ ။ ငယ်စဉ်ကတည်းက တိတ်တခိုးမေတ္တာသက်၀င်လာခဲ့သည့် မုယုံက ရှောင်းကျင်၏ခင်ပွန်းဖြစ်လာခဲ့ပြီ ။ ဒီနေ့ဒီအခါက သူမအမျှော်လင့်ရဆုံးအချိန် ။ ဒီအမျိုးသားဟာ ဘ၀တစ်သက်တာလုံး သူမနဲ့သက်ဆိုင်တော့မည်ဆိုတာ တွေးမိတော့ သူမအပျော်တွေကို ဖုံးဖိမရနိုင် ။
ဤလက်ထပ်ထိမ်းမြားပွဲကို အစ်ကိုတော်ဘုရင်မင်းမြတ်က စီစဉ်ပေးခဲ့တာပင် ။ မုယုံကို ရှောင်းကျင်နဲ့လက်ဆက်စေပြီး အိမ်ရှေ့စံအရာထိပေးခဲ့တာ ။ အစ်ကိုက ရှောင်းကျင်အတွက် စဉ်းစားပေးလွန်းတာမို့ အံ့အားသင့်ခဲ့ရ၏ ။
မုယုံလို လူရိုးလူအေးကြီးအစွမ်းအစနဲ့သာဆို ရှောင်းကျင်လက်ထပ်ဖို့ မဆိုထားနဲ့ ၊ သူ့ရင်ထဲကစကားတွေကို ထုတ်ပြောလိမ့်မယ်မဟုတ်။ မိမိပေးတဲ့ ပိုး၀တ်စုံကိုတောင် ငြင်းခဲ့တာသာကြည့်တော့ ။ တကယ်ပဲ ရိုးအလိုက်တဲ့လူကြီး ။
" မင်္ဂလာအခမ်းအနား အောင်မြင်စွာပြီးဆုံးပါပြီ "
အသစ်စက်စက်မောင်နှံဖြစ်သော ရှောင်းကျင်နှင့်မုယုံက တစ်ယောက်မျက်နှာတစ်ယောက် ရွှန်းရွှန်းစားစားကြည့်ကာ ကြည်နူးစွာ ပြုံးလိုက်ကြသည် ။ ခန့်ညားပြီး တည်ကြည်တဲ့ မုယုံနဲ့ သုံးပြည်ထောင်မှာ ပြိုင်စံရှားအောင်လှတဲ့ မင်းသမီးရှောင်းကျင် ။ သူတို့နှစ်ဦး၏ပေါင်းဖက်မှုသည် လိုက်ဖက်လွန်းတာကြောင့် အခမ်းအနားရှိ လူအားလုံးသည် မောင်နှံနှစ်ဦးကို အကြည့်မလွှဲနိုင်ကြ ။ ထို့အထဲတွင် ဧကရာဇ်ရှောင်းကျန့်လည်း အပါအ၀င်ဖြစ်သလို သူ့မျက်၀န်းတွင် ညီမငယ်အတွက် ၀မ်းမြောက်ခြင်းနှင့်အတူ နှမြောတသဖြစ်ခြင်းကပါ အရိပ်ထင်လျက် ။ သေချာသည်က သူနူးနူးညံ့ညံ့ပြုံးနေခဲ့ပါ၏ ။
YOU ARE READING
𝐻𝑜𝑙𝑑𝑖𝑛𝑔 𝐴 𝑅𝑜𝑠𝑒 ( Completed )
Fanfiction𝓟𝓻𝓮𝓼𝓮𝓷𝓽 𝓯𝓸𝓻 𝓙𝓾𝓮 𝓙𝓾𝓮 ပွင့်လွှာနုထွေး၊ဆူးခက်ဖွေး၊နီသွေးမာန်၀င့်စွာ ။ ရနံထုံမွှေး၊ပန်းနီလေး၊ပိုက်ထွေးဖို့ကြံခါ ။ မညှာဖောက်လူး၊အဆိပ်ဆူး၊ခူးသူမောင့်ရင်နစ်သည်သာ ။ ပြင့္လႊာႏုေထြး၊ဆူးခက္ေဖြး၊နီေသြးမာန္၀င့္စြာ ။ ရနံထုံေမႊး၊ပန္းနီေလး၊ပိုက္ေထြး...
