حب رغم الفوارق الاجتماعية ( الجزء الثاني) سكان العمارة مكتملة ☑️

الفصل الثالث

الفصل الثالث حب رغم الفوارق الاجتماعية الجزء الثاني سكان العمارة
نظروا الثلاثة إليها و قالوا في نفس واحد طلقها الست دي طلقها

نظرت إليهم بغضب و قالت اه يولاد الجذمة بقي دا جزاتي عاوينه بطلقني بس انا عارفه أنه بيحبني و مش هينصركم عليا .. ثم نظرت اليه و أكملت حديثها مش كدا يا ياسين

نظر إليها بوجه متهجم ثم وقف أمامها و امسكها من زراعيها ثم صاح بها قائلا انتي هتعقلي امتي بقي .. و أشار على أبنائهم و أكمل قائلا دول جايين من مدارس و وراهم مذاكره .. انا تعبان طول اليوم و طالع عين اهلي و في الاخر منلقيش حاجة نكولها لمجرد انك بتلعبي و مش عاوزة تطبخي.. للاسف انتي بقيتي مهمله اوي حاجة لا تطاق..

سجدة اهدي يا بابا حصل اي بس لكل دا .. محصلش حاجه مهي دي ماما و متعودين عليها طول العمر كدا

ياسين بعصبية و زعيق حصل إني تعبت و قرفت من صغر عقلها دا .. معنتش قادر استحمل لعب العيال دا

كادوا أن يتحدثوا الا انه صاح بهم قائلا مش عاوزة اسمع صوت حد فيكم انتوا فاهمين اتفضلوا اطلبوا اكل من بره .. و لما يجي نادوا عليا احاسب ..عشان الست امكم مش عارفه تعمل اكل اي .. ثم صاح و هو مغادرا المكان دي عيشه تقصر العمر و رزع الباب من خلفه...

اتنفضت من مكانها علي صوت رزع الباب و هبطت الدموع علي وجنتيها بعد أن كانت حبيسه اتجهت إليها فيروز محتضنه إياها قائلة متزعليش يا ماما بابا اكيد مكنش يقصد ولما يراجع نفسه هيتاكد أنه غلط و هيعتذرلك ..

مسحت دموعها دون التفوه بكلمة ثم اتجهت إلى الطاولة تزيح تلك الأطباق الفارغة و بدأت بوضع الطعام الذي اعدته ثم اتجهت إلى غرفة عمر لتستريح بها .. فعلي الرغم من أنها أعدت الطعام إلا أنها كانت تود بعض الاهتمام ليس أكثر .. فعلت تلك الفعلة ممازحه إياهم ليسود جو من المرح بعد يوم شاق علي كل منهم و لكن قد فُسير ذالك بطريقة خاطئة ..

أخذها فكرها الي الذهاب من البيت و لكن كان الوقت متاخرا فقررت البقاء للغد .. فقد تيقنت من تناقص الحب بقلب ياسين تجاهها أو هكذا فسر عقلها الموقف

.....

اتنظرته بمكانهم ما يقارب الساعة و لكن لم يأتي بعد فاسودت عينيها من الغضب و قررت الدلوف إلي الداخل و عدم الحديث معه مره اخري

بقي أنا يوقفني دا كله و ميجيش وراه اي حضرته ماشي يا صخر ماشي طب وحياتك ما هعديها بالساهل صبرك عليا .. مش انت اخترت طريق التجاهل يبقي انت اللي بدأت و البادي اظلم.. و الشاطر اللي يكسب في الآخر

.....
البيدج الاصليه عالم زهرة Zahra's World
....

مني يا احمااااد

احمد اي قاعد في البلد التانية ما انا جمبك اهو

مني بضحك عشان تسمع يا حبيبي و تسيبك من الفون بقي شوية