حب رغم الفوارق الاجتماعية ( الجزء الثاني) سكان العمارة مكتملة ☑️

الفصل الثاني عشر

الفصل الثاني عشر حب رغم الفوارق الاجتماعية الجزء الثاني سكان العمارة

عمر هو دا نفس الدكتور بتاعك اللي مطلع عينك و بعدين اي كميه الصواريخ دي اللي انتي ربطاها في الخيط

سجده هو بعينه بغباوته.. الصواريخ دي لزوم الواجب معاه أما خرجته من عندنا قاطع الخلف مبقاش انا سجده

عمر بخبث ناوية على اي و انا دايس معاكي طلما هتدفي اصل انا بحب اعمل خير اوي

سجده بنفس الخبث ناوية على كل خير بإذن الله .. بص يا برنس انت هتاخد الخيط دا و تلفه علي الكرسي بتاعة كله يعني حوالين رجليه كدا و تجيب طرف الخيط التاني هنا احنا نولع الخيط و اللي فيه الخير يقدمه ربنا

عمر شرير انت يا مان أوي .. بس انا معاكم اصل انا طيب أوي و لازم  اساعد اخواتي حبايبي

نظرت له هبه بقرف مصطنع ثم قالت اخواتك حبايبك برضوا اتقي الله هتروح فين من ربنا

عمر اقعدي انتي علي جنب هاتي يا سجدة الخيط .. التقط الخيط من اخته ثم تسحب علي أصابع قدميه لتنفيذ تلك الخطه السخيفة التي و من وجهه نظرهم خطه في منتهي الذكاء ... قام عمر بالمهمة و تبقي آخر خطوه و هي إشعال ذالك الخيط ..

اتجه عمر مسرعا إلي غرفته اخته ثم قال جاهز يا كبير يلا ولعي الدنيا و خلي ابوكي يجي يطردنا من البيت

سجده بحماس استعنا علي الشقا بالله ثم قامت بإشعال الخيط ووضع كل منهم يده على أذنه

💕 سبحان الله وبحمده سبحان الله العظيم 💕

دلف صخر إلي الداخل و جلس على اقرب مقعد له ثم القي القنبلة على أذن محمد قائلا أنت عارف طبعا اني دغري فهدخل في الموضوع علطول أنا طالب ايد أروي بنتك

اصطدم محمد بشدة من ذالك الطلب .. ثم قال أنت جاي تسخر مني يا ابني .. بطل هزار

صخر والله ما بهزر يا عم محمد انا بتكلم جد ثم أكمل بصوت منخفض بص أنا بحبها بس مش عاوزها تعرف دلوقتي .. عاوزها تكون حلالي مش متخيل غيرها زوجته ليا .. خلي الكلام دا بيني وبينك بالله متعرفهاش حاجة غير في الوقت المناسب

محمد بس يا ابني انت عارف حالنا مش كدا .. فرق طبقات بينا كبير أوي انا بواب عماره و حضرتك دكتور في الجامعة

صخر فرق اي بس اللي بتقول عليه يا راجل يا طيب هو لسه في حد بيفكر كدا ..و بعدين بنتك مهندسه قد الدنيا يا حاج و متاكد لو خليتها على المستوى دا هتبقي حاجة كبيرة أوي .. كل اللي انا عاوزك تعرفة اني هشيلها في قلبي قبل عيني ..

محمد طيب يا ابني اديني فرصه اخد رأيها .. لأن دي في الأول و الآخر حياتها هي ..

صخر طبعا هكون متنتظر رد حضرتك بفارغ الصبر بعد وقت قصير استأذن بالانصراف