ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*68* ဒီနေ့ကတစ်ကယ့်ကိုငါ့နေ့မဟုတ်ဘူးဘဲ

ရုန်ယိ သူတို့ကိုပတ်ဝိုင်းထားတဲ့ လူ ၁၆ယောက်ကို ကြည့်လိုက်၏။ ထိုထဲကတစ်ယောက်က သူဒီကမ္ဘာကိုကူးပြောင်းလာတဲ့နေ့က သူ ဖိတ်စာကတ်နဲ့ဒဏ်ရာရအောင်လုပ်လိုက်တဲ့သူဖြစ်သည်။
ရုန်စုသူ့ကိုခေါ်လိုက်တာက...ချွမ်...ချွမ် ဖုန်း..ဟုတ်တယ်..ချွမ်ဖုန်း!!

ပုချီက ခေါင်းလေးအနည်းငယ်ငုံ့ကာရုန်ယိကိုပြောလိုက်သည်။
"ဆရာ သူတို့ကထိုက်ယွမ်ဂိုဏ်းက တပည့်တွေ"

"ကျွန်တော် သိတယ်"

ချွမ်ဖုန်းက ရုန်ယိကိုလက်ညှို့းထိုးကာ ထိုက်ယွမ်ဂိုဏ်းက တပည့်တွေကိုပြောလိုက်သည်။
"ငါတို့ဆရာတူအစ်မကို စွန့်ပစ်ခံရပြီး တစ်ဂိုဏ်းလုံးကနေ လှောင်ပြောင်စော်ကားခံရအောင်လုပ်တာ အဲ့ကိုယ်ဝန်လွယ်ထားရတဲ့အခြောက်ဘဲ..သောက်ချီး..ငါမင်းကို ကျင်းလင်ခြံဝန်းမှာစောင့်နေတာ နာရီအနည်းငယ်လောက်ရှိနေပြီ...နောက်ဆုံးတော့မင်းရောက်လာပြီဘဲ..မင်းကိုသတ်ပစ်တာကဘဲ ငါတို့စိတ်ကိုသက်သာရရစေမှာကွ!"

ရုန်ယိ ဆွံ့အသွားသည်။ သူ့ကိုစောင့်နေဖို့အတွက်နဲ့ သူတို့က ဒီကိုတောင်လာခဲ့ကြတယ်ပေါ့..။

ပုချီက ကလေးကိုတစ်ဖက်နဲ့ချီလိုက်ပြီး ဓားကိုနောက်တစ်ဖက်နဲ့ထိန်းကိုင်ထားလိုက်သည်။
"ဆရာ..ကျွန်တော့်ကိုသေချာထိန်းကိုင်ထား..ပြုတ်ကျမသွားစေနဲ့နော်.."

"အင်း"
ရုန်ယိ သူ့လက်တွေနဲ့ ပုချီရဲ့ပုခုံးတွေကိုလှမ်းကိုင်ထားလိုက်သည်။

ချွမ်ဖုန်းက ရုန်ယိကိုခက်ထန်စွာစိုက်ကြည့်လာသည်။
"သူ့ကို သတ်ပစ်ကြရအောင်!!"

ထို့နောက် ထိုက်ယွမ်ဂိုဏ်းက တပည့်၁၆ယောက်လုံးက သူတို့ကိုဝိုင်းပြီး တိုက်ခိုက်လာကြသည်။

ဒါပေမဲ့ ပုချီက သူ့ဓားကိုသူတို့အားလုံးဆီကိုဝှေ့ယမ်းလိုက်သည်။ ဓားလှိုင်းက ချက်ချင်းဘဲ ထိုတပည့်တွေအားလုံးကိုလေထဲကို လွင့်ထွက်သွားစေခဲ့၏။

ဒါက ကျိုရွှီဂိုဏ်းရဲ့ပိုင်နက်ဖြစ်နေပြီး တစ်ဖက်ကလည်း ထိုက်ယွမ်ဂိုဏ်းကလူတွေဖြစ်နေတာကြောင့် သူတို့ကိုပြင်းပြင်းထန်ထန်ထိခိုက်စေတာကတော့ မသင့်တော်ပေ။ ထိုသို့လုပ်လိုက်ရင် ဂိုဏ်းချုပ်ကို သူတို့ရဲ့ပြဿနာတွေကြားဆွဲသွင်းလိုက်သလိုဖြစ်သွားပေလိမ့်မည်။ ဒါကြောင့်ထိုတပည့်တွေကိုလွင့်ထွက်သွားအောင်လုပ်လိုက်ပြီးနောက် ပုချီတို့တွေ ဓားပျံစီးကာ ထွက်လာခဲ့ကြတော့သည်။