زوجوني عريس ختي 💍مكتملة 💍

الجزء 2💍

‎البارت 2
بعد مرور 16 سنة في مدينة الدار البيضاء ..وسط هذه المدينة العملاقة الناس غادة جاية كل واحد كاايجريي مع الحيااة كل واحد وشنو فبالو وكل وااحد وهموو شي غادي فرحاان وشي غادي مهمووم الدنيااا افراااح واحزااان والفرق هو انه كل واحد وكيفاش كايتجااوز صعاابوو كااين اللي كايمشي للابعد مكااان ويغوت حتااا ابح صوتو ويخرج للي فقلبووو وكاين اللي كايفرغها في الرياااضة بالجرااا والقتال وكااين فن اخر ارحم من هاذ الاثنين ...هو الرقص... وسط ارضية لاصال.. عيوون الكل عليها... كاتسيطر على المكان بسحرها ورقصها اللي كلشي كايشهد بروعتو جسمها كايتمايل مع الزدحاااات وشعرها الطويل المارو كايطير وطيح على وجها الملائكي ذو اللون الحنطي وعنيها العسليين المشفريين وفمها الوردي المنيفخ اللي كايتحرك مرددا لكلمااات الاغنية كانت كاتحرك كانها ملكة الميدان بجسمها المنحوووت وفورمتها اللي كاتسطي كل واحد طاحت عينو عليها ، بدااات التصفيقاااات كاتعالا وتصفييراات المعجبين عاد وقفات وهي كاتنهج وخصلات شعرها كايطيرو من على وجها بتاسمت وهي كاتشوووف فعيووون زملائها الاعجااااب والانبهااار ولكن هاد المنضر ولفاتو ....بداو اتقدمو نحوها وكل واحد وشنو كايقووول ويعبر على اعجابو ولكن هي كانت كاتشووف فالجهة الاخرى حيث كان كالس بكلستو الرجولية ..راسم على محياه ابتسامة جانبية عاد ناض وقف جاي لجيهتها بمشيتو المرزنة .. المدرب: براااافووو اريناس كالعادة اشعلت لنا الميدان اريناس: ههههه المدرب(شاف فالساعة) يلاه les jeunes نتلاقاو فحصة اخرى كلشي مشا كايهز لي كارتابل ديالو ومنهم اريناس اللي جمعت شعرها كود شوفال وهزت كارتبلها الطويل وخرجت مع صحابتها ...تفارقو فالطريق كل وحدة ركبات فطنوبيلتها وهي تنهدت ككل عادة مني كاتشوف كاااع زملائها كايركبو فالطنوبيلات غير الكلاص وعايشيين حيااتهم ديال بصاااح بسباب وسخ الدنيا كيكايقولولهم الناااس اما هوما راهم حلاوة الدنياا كيكاتقوول هي وهادشي اللي مخليها تقااتل مع قرايتها باش توووصل لمرتبة اللي كلشي احني ليها الراس كيما كاتمنا ...قاطع تفكيرها وسهوتها مني وقفت طنوبيلة قدامها وكلاكصونات عليها.. مجد: (دار ليها اشارة بيدو باش طلع) .. هاااااا سعدييي وااافرحييي واخييراااا طيحتيي كواااريك ...وجيتي لعندي ولكن والله وماااتنطقها بفمك لا ركبت .. مجد: اريناس طلعي نوصلك .. اريناس: اامم لا ماشي مشكيل نشد طاكسي مجد؛ باركة من العناااد ديال والو وطلعي اريناس: اوووكي اللي بغيتي .. طلعت حداه وهو بتاسم ليها وديمارا ضارت هي كاتشوف فالسرجم وحابسة الضحكة بزز حيت مخطط انها طيح مدربها فشباكها بدات تنجح .. مجد؛ مالكي غير ساكتة .. اريناس: ههه لا والو غير مالقيت مانقول .. مجد؛ عرفيني على راسك كتر انا كانعرف عليك غير سميتك .. اريناس:(ابتسامة فخر ) وشنووو تبغي تعرف مجد؛ ههه كلشي .. اريناس: يااك اوا انا اسيدي اريناس العمراني عمري 16 سنة عندي الباك هاد العام علووم فزيائية كبرت وتربيت هنا فهاد المدينة حنا فالدار 4 بينا ماما وبابا وختي الكبيرة سميتها سمر .. مجد؛ متشرفييين انا مجد 23 سنة مدرب رقص كبرت وتربيت ففرنسا هادي عماين باش دخلت هنا للمغرب عندي ختي صغيرة عليا ب 3 سنين واب مدير فندق وام استادة جامعية .. اريناس: اه وعلاش دخلتي للمغرب زعمة مم.. مجد: ههه فهمت هو اه الخااارج مااكينش بحالو لا فالقاانووون ولا فناااسو ولا فاي حاجة ولكن توحشت بلادي بصارحة ... اريناس: من نيتك انا لا مشيييت حتااا خرجت من هنااا والله لا ولييت .. مجد:غير كايجيب ليك الله وصاف ... اريناس: لا والو ههه مهم صاف خليني غير هنا .. مجد؛ واخا اللي بغيتي ..(مد يدو ليها) تشرفت بمعرفتك.. اريناس: (بادلاتو السلام) حتا انا ... نزلت من الطنوبيل وكملت على طريقها وهو بقا متبعها بعينو حتا غبات عليه وديمارا .. يتبع