زوجوني عريس ختي 💍مكتملة 💍

الجزء 41💍

‎البارت 41
اريناس(كلست فطرف الناموسية مكاتشوفش فيه وعنيها مغرغرين ) منين مقاادش بيااا علاش وااخدنيي وعلاش مدخلني فهاااد الشيي اللي كبير علياا اليووما جاو الصحاافة وغرقووني اسئلة لقيييت رااسي معاانديي حتاا جوااب لاي سؤال واش انا مراتك ماعرفتش ؟ واش حبيتك؟؟ لا حتا هي ..وشكوون اناا وباشمن صفة خااصنيي نتعاامل معاك (هبطت دمعة من عينها) الا مكنتييش رااضي بيااا خلينيي نمشيي بحالي والا كنتي باغي نبقى حدااك قوولهم هي راها مراتي وانااا مامخبييها على حتا وااحد (كاتمسح دموعها) جاااوبهم على اسئلتهم وسكتهم خليني نخرج من دااك الباب وانااا عااارفة راسي شكوون ..(جمعت رجليها لعندها وكاتهضر وهي رااخية شناايفها بحال الاطفال حابسة البكية) كنت نقدر نكدب ونقوول دااكشي اللي بغيييت واللا دااكشيي اللي اناا باغا اتكتب ولكن مغاانكووونش مرتااحة حيت حتااا انااا بحالهم حتا انااا ماعرفااش الجوااب حاااسة رااسي ضايعة ومعارفاااش فين انااا وشنووو مصيري من هنااا الغدااا ... كانت كااتهضر وتعبر بيدها وهو مارمش عنيه عليها بحال الا خاايف ضييعلوو شي حركة من حركااتهاا اللي كايسطييوه.... عوينااتها ولاو حمرييين وهي حاابسة فيهم البكية وشنايفها كيفااش كااتعض فيهم منين كاتحبس الهضرة ويدها اللي كاترجع بيها شعرها اللي كايطييح على وجهاا محسش فووكااش كاان حدااهاا وكاالس قداامهاا وهي بقااا كاتهضر حتا حست بيه وسكتت ... هارون: (داايب فعنيها) كملي .. بقات غير كاترمش فيه كيفاش تكمل شنوو زعمة هو مامعصبش ماغادييش اغوت ككل مرة باش تسكت لا هو بااغييي تكمل مشابعش من هضرتهاا مشابعش من شنايفهاا وهوو كايشووفهم كايتحركوو بطرييقة طفوولية ومغرية .. حيد شعرها من على وجها وقربها لعندوو كاايلتااهم فشنااايفها غمضت عنيها مابعد حتا حس بدمعتها على وجهو ..كايشوف فيها عاضة على شنافتها حابسة البكية .. اريناس(بصوت مغمغم) شكرا حيت فكرتيني ...انااا غيير وحدة جاايبهاا باش دوز بيها وقتك يااك ..دوز بيها ليالي ولكن اللي كايميزني على العااهرات هو اني انا مكنتخلصش ومخبية موور ورقة الزواااج... سكتت بعد ماقاالت هاد الجمل ونزلت عنيها من عنيه تنهد هو كايمسح دموعها على خدهاا ... كان يقدر يمشي ويخلييهاا ومااشي شغلوو على دااكشي اللي فبالهاا ولكن شي حاااجة ماانعاااه هارون؛ يلاه نوضي .. اريناس:(هزت فيه عنيها وهي كاتنخصص) ف فين .. هارون: للجااايحة ضربنييي واتهنينييي منك .. اريناس:(بلا ماتحس) الله انجييك.. رفع فيها حاجب وهي بدات كاضرو فعنيها .. هارون:(ناض وقف كايجبد صباطو) ونووضي نووضي مغانبااتوش هنا .. اريناس؛ (كاتلعب بصبيعاتها) انمشي معاك.. هارون؛ وهي الاا تحركتي من قدامي .. طاااارت علييه بتعنييقة وهي كاااضحك وضربتها بجرية لبيتها اريناس؛ ههه كوووون كااان المخ اتحيد كوون حيدتك وبستك ههه احح عليااا .. جبدات كسوة طويييلة فالكحل شحاال وهي كاتحلم تلبسها منين شرااتها باش تحضر بيها فحفلة للرقص .. كانت طوييييلة بكمامها برزاات طاايتهاا معاها طاالوونها فالفضي وحلاقاات نفس اللون.... بووكلات شعرها شويا من التحت كتافات بميكاااب خفيف جاااي برييء على وجها هزت بوشيطة فيدها فنفس لون الطالون خرجت وهي كاتمشا بثقة راسها مرفووع مبتااسمة ...لقاتو خارج من البيت كايركب ساعتو طلعهااا وهبطهااا ...ورجع سبقها وهي مورااه سااهية فمشيتو وتكلضيمتوو منين كاايتمشاا للحضة تمنات تخشي اديها بين درااعو باش كلشي اعرف انها مراتو فيقها من سهوتها منين طلع فالطنوبيل ...ركبات حداه باش اديماري ...هبطت المراية كاتشوف راسها وتمص فشنايفهاا ... حتا حست بالطنوبيل ضاااارت بالجهد كون مشادتش فيه كون طاحت عند رجليه.... هارون: ديري السمطة دارتها وضارت كاتشوف فالزااج.. الطريق مضوية والنااس غادين جااييين محسااتش بالوقت حتااا وقفت الطنوبيل وهزت عنيها كاتشوف ...كانوو واقفييين قدام بناااية ضخمة معلقة على بابها لوحة مكتوب فيها ( دار الخير) واقفين حداها غير الطنووبيلاااات الهااااي كللااص وحدة تنسيييك فالاخرى نزل ونزلت شادة فلاغووبها يلاه اتقدم خطوة حتااا كاتسمع الجوووقة ديال الصحافة جااية وليكاارد شادينهم ضار كايشوف فيها وورجع بصرو ليهم ...ووما ليهم بارسو باش اخليوهم ... الصاحفي1: موسيووو هاارووون الكل يتساائل عن هذه الفتااة التي بصحبتك ؟؟ الصحافي2: هل هي زوجتك واين هي خطيبتك السابقة؟؟ هارون: (شاف فداااك الصاااحفي 2 بشوووفة كاتخلع خلاه غايطلقهاا فسروالو).. هارون: هادي اريناااس العمراااني مراات هاااروون العلاااامييي (رجع بصرو ليه) والمااضي مكايتجبدش والاسئلة ديال الخصوووصية مكايتقاالووش.. شد فيدها غاديين دااخلين واضوااء الكاميراات كااتلتقط ليهم صور كاانت فرحاااانة ...شااادة رااسها غير بزز باش مااطييرش عليه بتعنييقة وتاااكلوو دووك الشناايف اللي ديماااا مشهيااهم .... يتبع