زوجوني عريس ختي 💍مكتملة 💍

الجزء 7💍

‎لبارت 7
جاااء صباااح جديييد فاق بتغوبيشتو المعهودة على اشعة الشمس اللي ضربت فيه منين طلع الريدو كان ناعس غير بشورط وشعرو مخربق طايح على وجهو شاد الناموسية كاملة بحجموو .. ناض وهو كايرجع شعرو اللور .. نزل لتحت ... البلازما : صباح الخير موسيو هارون .. دخل الكوزينة وجد قهوتو هزها وخرج للجردة وهو هاز جريدتو كيالعادة.. فاقت على نداء مها حلت عين وهي كاتسوط... الام:واااريناااااااا­س اريناس:وصااااااااافي­يييي هاناااا نضت ناضت دخلت الحمام قدات حاجتها وخرجت لبست شورط قصير دجين مع تيشيرط فيها تصويرتها وفوقها تجاكيت دجين سبادرين بويض الشعر خلاتو مطلوق هزت كارتبلها وهبطت خطفت كرواسة وخرجت دغيا لليسي وصلت تلاقات مع البنات ودخلو مجموعين للقسم ... لبس سروال كحل مع قميجة فالزيتي مفتوحة شويا على صدرو وصباط نفس اللول دار نضاضرو وخرج ركب فالطنوبيل وديمارا ....وصل لشركتو ...كلشي كايلقي عليه التحية وهو فقط كايكتفي بتحريك راسو ..السكرتيرة من موراه كاتفتي عليه موااعيد اليوم حتا وصل للمكتب ودخلو وهو كلس مرجع راسو للور وهي بقا كاتفتي عليه حتا سالات... هارون:امم اوكي دار ليها اشارة باش تخرج وحل بيسيه كايراجع حساباتو سمر بعد ما جمعت الطابلة جات عندها صاحبتها اكرام وبقاو واقفين قدام الدار كايتعاودو اكرام؛شوفي اش بالك نمشيو للبحر للعشية نبدلو الجو والله اختي حتا تخنقت ومليت فالدار سمر: اه علاش لا صافي واخا اكرام؛يلاه صافي هانا مشيت حتا ندوز عليك سمر : واخا بالسلامة دخلت سمر بحالها واكرام غادة كاتعوج هازة جناب الجلابة وكاطرطق فالمسكة حتا وصلت عند شخص كان عاطيها بالضهر .. اكرام: درت اللي قلتيلي .. ضار عندها الشخص وحرك راسو برضا الشخص: مزيان طلع فالطنوبيل مد ليها جوا عامر بالفلوس وديمارا خلا غير العجاج وصلات 12 خرجات اريناس وهي عيانة باغا غير فوقاش توصل باش ترتاح ...وقفت عليها طنوبيل وعلات راسها فيها .. الشخص: الزين ميشرفناش اريناس (خنزرت فيه) سير اخويا بدل ساعة باخرى مانقصاكش الشخص: مال الزين معصب ركبي ركبي نفوج عليك وتفوجي عليا (غمزة) اريناس : تفووووو على بشاااااار قلبت الطريق وهو ديمارا تابعها وكايحبس عليها الطريق فهاد الاثناء كان هارون راجع للدار ...جات عينو عليهم بلاصة الطنوبيل ونزل وهو كايشمر القميجة على يديه وملاميحو مكاتعبر على حتا حاجة بحال ديما... وصل لعندو حل عليه الباب وجرو خرجو لعندو تكاه على الطنوبيل وطاح عليه بلكروووشي والبونيات للوجه خلاه كلو دمايات وضار جرها وهي باقا مصدومة لاحها فالطنوبيل وطلع ديمارا وكان الصمت سيد الموقف وهو سايق مكايشوفش لجيهتها وهي كاتفرك صبيعاتها بتوتر حتا كانت اتهضر تشكرو وهو يهضر ... هارون:كون كنتي لابسة حواايجك كااع مايضسرو عليك الشمااايت والزوااامل اريناس (تحلو عنيها) منسمحش لييك تهضر معايااا هاكاااا وماااااشيييي شغل قاطعها مني شد فكها بيدو مزير عليها وكايشووف فيها بعنيه اللي كايخلعو عوج راسو فيها رافع حاجب هارون: بالي بحال اللي كاتغوتي عليا ؟؟!! اريناس(تعمرو عنيها حيت قسحها) هارون:اخررر مرة ترفعيي عليااا صوتك طلقها وهي بقات كاتقيس ففكها وضارت كاتشوف فالزاج حابسة البكية حتا وقف قدام باب الدار وحلت الباب ونزلت دغيا باغا غير فوكاش تهنا منو حلت الباب ودخلت تكات على الباب كاتاخد انفاسها سمر( خارجة من بيتها) اريناس مالك كانو كايجريو عليك اريناس: اا لا والو غير عييت وصافي طلعت لبيتها دازت من حدا المرايا ووقفت كاتشوف ففراسها اريناس: على مالو لبسي معقد كيداير (حطت ادها على فكها كاتحركو ) الله اصبرك اختي نااااري ويزغبك الله وتشدي معاه الضد اردك كفتة قاطع تفكيرها نداء سمر كاتقولها اجي تغداي خوات راسها من اللي وقع وهبطت ... تغدات ورجعت طلعت كاتختش فتليفونها بينما وصلات 2:00 حتا دخلت سمر حلت المجر كاتجبد المكياج اللي مشاركينو اريناس:خارجة؟؟ سمر: وي مع اكرام اريناس:ناااري واش مزال مابغيتي تفرقي مع هاديك سمر: علاش مالك معاها مسكينة والله حتا ضريفة راه غير نتي مانعرف مالك معاها اريناس:اودييي سيري كلشي كايهضر عليها بالخايب راه كاديرهم غير من تحت للتحت سمر: انا ماداااارتليي والو وغاديين غير نخرجو وصافي اريناس: (حركات كتافها بعدم مبالات) ونتي تعرفي .. يتبع