زوجوني عريس ختي 💍مكتملة 💍

الجزء 16💍

‎لبارت 16
خرجت من تما وطلعت فالدروج راجعة لبيتها .. كلست فالناموسية كاتشوف فالغرفة اللي هي بمثابة غرفة احلام كل بنت ولكن هي ماابقاات كااتهمها حتا حاجة ... حلت الشانطات جبدت حوايجها ..بدات تستفهم فالبلاكار اللي كان عادي حيت هو مجهز غير بيتو بالاجهزة المتطورة ... سالات وحست بكرشها كاتغرغر بالسيف من الصباح مطاحت حتا دغمة ففمها خرجت كاطل بالها خارج من الاسانسور ومشا لبيتو مشافش لجيهتها مشات الاسانسور بقات كاتختش فيه حتا تحل وطلعت هابطة لتحت .... بدات كادور فوسط الفيلا ...بانت ليها الكوزينة ومشات في اتجهاها... اما هو فكان فمكتبو غاارق فخدمتو وطاس ديال القهوة كحلة بلا سكر حدااه كايجغم منها مرة مرة وكايلعب بصبعانو فوق المكتب ومركز مع كل سطر وكايتمعن فيه عاد كايوقع ... وقفت وسط الكوزينة حايرة اش غادي دير كانت كوزيينة مجهزة بكااااع المستلزمااات عجبااتها بزاف حلت التلاجة جبدت قرعة شربت منها تفزك حلقها ولات رجعتها وشافت طبسيل باقي فيه قطعات بيتزا جبداتهم وهي كاتقلب على المقلة تسخنهم كيما كايعجبوها حتا لقاتها ودارتهم فيها شعلت العافية اللي خدامة غير بالبصمة ...سخنو حطتهم فالطبسيل وكبت كاس ديال العصير وكلست على الطاابلة كتاكل ... كملت ومشات غسلت اديها فالروبينو داير بحال الكاسيطة رقييق وكايخدم بالبصمة حتا هو عجبها جاها الفضووول تخرج تزيييد تكتاااشف هاد الفيلا العجيبة داكشي اللي كان خرجت وهي كاضور عنيها دخلت لكاااع صاالوونااات وكلست فكاااع الكليساااات الرااقييين والمريحييين ...خرجت منهم بانت ليها ديك البلازمة ومشات وقفت قدامها وهي تشعل ليها فوجها التلفاز:مرحبا سيدتي اريناس: لا هاد المرة مغاادييش تخلعيني مهم بغيت نسولك اللي بغا اتفرج اش ادير التلفاز؛هل تريدين ان اقوم بتشغيل التلفاز ؟؟ اريناس: اه التلفاز:حسنا شعلت ليها التلفازة ومشات اريناس كلست مقابلة معاها فالفوتاي بعد ماهزت التليكوموند كاتبقشش فيه ولا جاها الملل وناضت وقفت قدام باب ديال الجردة اريناس: حليلي هاد الباب التلفاز:لا يمكن فقط سيدي من لديه الحق على هذا الامر اريناس(صبعت ليها) هااكي نتي ويااه مالي غادي نهرب ... مانعرف شحاال داز ديال الوقت وهو منغامس فخدمتو حتا حس براسو عيا ورجع راسو اللور كايحك فشعرو ولا ناض خرج من المكتب حتا كاتبانلو فالبلازما كااضور فالفيلا واااخدة راحتها حتااا كان نساها ، خرج من البيت هابط لعندها لقاها مدابزة مع داك الباب باغا تفتحو اريناس: اووووف خدام بالبصمة (بدات تختش فالنقاشي) كلشيييي مبلعووو تقولي انهرب اوديي واااحلة وااحلة فيك التلفاز: مرحبا سيدي هارون ضارت بالزربة مني سمعت سميتو لقاتو جامع اديه لعندو ورافع حاجب فيها هارون: فين باغا تمشي بالسلامة اريناس: اا .. حتا بلاصة غير تخنقت وبغيت نخرج شويا بارا هارون: اهاا بصااح واخا الالة اناا نقوولها دبا تحلك وخرجيي تساراااي مع راسك ولا ستنااي مابغيتيش تشربي شي حاجة ونتي كاتساراي اريناس: (ابتاسمت) بصاح لا مابغيتش بغيت غير نخرج و... هارون: واااااش اصحااااابليييييييييي­يك جااااااايبك دوووووريييي ليااااا هناااااا وتسااارااااي ياااااكمااااا اصحبلييييك رااااك فداااار بااااااك قفزت مخلوعة وتعمرو عنيها ..حنات راسها حابسة البكية هارون: وبداااااي عاااود دمعييي ليااااا تماااا داااكشييي اللي كااتعرفيلو مشا طلع وخلاها هي واقفة هزت راسها مابلهاش وهي تمسح دمعتها اريناس: الا كااان باااا مادارلييش اعتبار اش كاانتسناا منك نتا مثلا ولكن صاافي ماااابقاااا بكاااا من اليوووم ياك بغيتيني نكووووون مرااتك اوا تحمل المسؤولية.... يتبع