#ذنبي_أني_ظلمت
الحلقه السابعه.
بعد طلعت مريم للشغل...وقعدت أريج مع نفسها دخلت للمطبخ عشان تضمه وقعدت تفكر ف حياتها ..من يوم ماتوفي بوها..وظلم عمامها وخالها وزواج امها وظلم زوجها ليهم لعند مانسجنت وتخلي عليها الشخص اللي تحبه ..ومرورا بشغلها والكلامم القاسي اللي قالهولها هشام كانت تفكر ودموعها بس اللي ينزلو لعند وصلت لقناعه مع نفسها أن بعمرها مارح تلقي للسعاده طريق وانها رح تظل تعاني ومنبوذه من الكل ومش رح تقدر تطلع من دائرة الظلم والاتهام اللي نحطت فيها وبلحظه وسوسلها الشيطان وقررت انها تهرب من واقعها وتتخلي عن حياتها ...ومن غير مقدمات مسكت السكين وقطعت شرايينها .
.
.
بالوقت نفسه ربي قرر يعطيها فرصه بأن مريم اكتشفت بنص الطريق انها نست ستوش فلوسها فرجعت للحوش بسرعه وأول مادخلت للحوش .
مريم:-
أريج انا جيت حبيبتي ..بناخذ ستوشي نسيته بنطلع.
أستغربت ان ماف حد رد علاها وان الحوش هادي قعدت تنادي وتنادي وهيا خاشه للصاله لمحه فجأه سائل احمر ع أرضيه المطبخ ..خشت مفزوعه تجري.
مريم:-
شن درتي ف روحك يامجنونه حرام عليك
اريج بصوت ضعيف:-
خليني نموت يامريم ارجوك
مريم:-
مستحيل نخليك ياهبله انتي رح تعيشي لانك تستحقي الافضل.
وقعدت تضغط ع شرايينها المقطوعه وقعدت تحاول تقيمها لعند وصلت للباب وقعدت تعيط وتطلب ف المساعده من الجيران لعند جي واحد من الجيران وخذاها للمستشفي هيا وياها.
.
.
.
بنفس الوقت بالمستشفي تحديدا عند هشام:-
كان بقسم الاسعاف وكان يعالج ف طفل طاح من الدراجه وانفتح راسه وكان قاعد يخيط فيه بونتوات وبعد ماكمل غطاله الجرح وتلفت ع امه
د.هشام:-
ماتخافي ياابله حنان ..الحمد الله الجرح مش عميق هلبا خيطناه ورح يشفي بعون الله خلال اسبوع بس من راي ان اديريله صورة ع الراس احتياطيه عشان نطمنوا اكثر .
ابله حنان:-
مشكور يادكتور بارك الله فيك...وان شاء الله رح نديرله الصورة ونجيبهالك تشوفها .
د.هشام:-
بعون الله...الف سلامه عليه البطل عن أذنك
كان هشام طالع من قسم الاسعاف بوقت وصول التاكسي اللي جايبه مريم واريج وفجأه انتبه لصوت مريم .
مريم وهيا فاتحه باب التاكسي وحاطه راس أريج بحضنها:-
أسعاف ارجوكم دكتور ارجوكم.
جي هشام يجري ومعاه الممرضه واول ماوصل انصدم وقعد واقف ثواني مصدوم لما شاف أريج وشاف الدم ملطخ حوايجها وحوايج مريم .
هشام بصوت مفزوع:-
شن اللي صار
مريم وهيا تبكي :-
المجنونه قطعت شرايينها.
هشام للممرضه:-
زهره بسرعه جهزولي غرفه العمليات واكياس دم فصيله B+. .وقرب من أريج ومن غير مقدمات قامها بحضنه وطلع بيها يجري للمستشفي وكانت مريم وراه .
