#ذنبي_أني_ظلمت
الحلقه الرابعه عشر.
هشام بعد شاف أريج كيف تصرفت تصرف حلو مع بنته وكيف ان بنوته فرحت وشاف هالفرحة بعيونها لمجرد ان أريج خذت بخاطرها وماكسرتها قدام الصغار حسم امره ان يدير خطوه عشان بنته .
هشام:-
أريج لو عرضت عليك الزواج توافقي
أريج؛-
عارفين وقت يبدأ الواحد يجري ف سباق كيف قلبه بيطلع من مكانه من كثر النبض ونفسه بينقطع هذا وضعي حاليا حسيت كأن حد ضربني ع راسي وخشيت بكومه وكل حواسي انشلت قتله بنبره صوت مرتعشه.
"شن قلت!!😨".
هشام:-
قتلك لو عرضت عليك الزواج توافقي عشان تكوني ام لهزان مش بس مجرد مربيه ليها.
أريج بأرتباك وهيا تبلع بريقها :-
بجديات يادكتور انت تعرض عليا ف الزواج.
هشام أبتسم لأرتباكها:-
هشام اسمي هشام مش دكتور...وايه انا جد نعرض عليك ف الزواج وطالب يدك ..وقلتلك هالشي عشان بنتي تتعوض عن فقدان امها فكري براحتك وماتعطيني ردك توا ...واعطيني ردك غدوه ولو مهما كان قرارك انا رح نحترمه سواء كان ايجابي او سلبي.
أريج تجمدت بمكانها وماعاد قدرت ترد عليه ولا حرف .
هشام شافلها وسرح فيها وبعدها قاللها:-
تو تقدري تمشي لمكانك المفضل.
أريج مافهمت عليه وشافتله بأستغراب:-
مكان شني !!
هشام ضحك :-
قصدي المطبخ ..اللي اغلب الوقت وانتي قاعده فيه .
أريج:-
اها ..ايه وهربت من قدامه جري .
هشام :-
ضحك ع تصرفها ومشي ركب للدور الفوقي وخش لدار بنته ."هزونه حبيبتي أنزلي ساعدي خالتو وانا بنرقد شوي توا باهي ياعمري ".
.
.
.
تسارع ف الأحداث:-
ف اليوم التاني فاقت اريج بكري من النوم او بالاصح مارقدت أصلا غسلت وجهها وبدلت حوايجها وطلعت من الحوش عشان بتمشي عند صاحبتها مريم لأن بالليل كلمتها ع التليفون وحكتلها ع اللي صار وطبعا مريومه قالتلها لازم يتلاقو ويحكو بالتفصيل ..وماعطت علم لهشام انها بتطلع لأن كان عنده راقد بأعتباره روح الصبح وكان عنده شفت ليل ومش رح ينوض بهالوقت .
.
.
طلعت اريج من بوابه الحوش وطلبت تاكسي ومشت لحوش مريم واول ماوصلت وخبطت ع الباب فتحتلها مريم ع طول .
مريم:-
صباح الفل ياعمري.
أريج:-
صباح الياسمين مريومتي .
مريم مسكتها من يدها ودخلتها:-
بسرعه احكيلي بالتفصيل شن صار من امبارح ماقدرت نرقد من وقت ماكلمتيني ..تعالي للمطبخ موتيه لفطور نفطرو وتحكيلي.
أريج خشت معاها للمطبخ وقعمزت ع الكرسي :-
زي ماحكيتلك امبارح هشام عرض عليا الزواج وأنا مش قادره نصدق .
مريم :-
هالراجل ماعاد فهمته مرات يكون عصبي ووماينطاق ويقسي ويجرح بالكلام وطردك من حوشه وبعد انتحرتي تعاطف معاك وقعد طيب وحنون ..وبعدها قعد يعامل فيك ببرود ومن برود بدي يسخن فيك ويتعارك معاك الوقت كله وتوا يختمها ويطلب منك تتزوجيه وحق ربي هالراجل بيجلطني .
