ထည်ခန့်မောင် + မိုးနှင်းဆီ
ခန်းမရှေ့မှာထောင်ထားတဲ့
နာမည်လေးတစ်ခုက
ဘာလို့များ ဒီလောက်ဆွေးစရာကောင်းနေရတာတုန်း။"သူ တကယ်ကို
လက်ထပ်သွားပြီပဲ"တချိန်တုန်းက "ခန့် "လို့အခေါ်ခံရရင်
သဘောတကျ ရယ်တတ်တဲ့ကောင်လေးက
အခုတော့ "မောင်" ဆိုတဲ့နာမ်စားလေးမှာ
မျှောနေရှာပြီပေါ့။
~ ~ ~
လွန်ခဲ့တဲ့ 7နှစ်၂၈နှစ်အရွယ်ခပ်ဆိုးဆိုးကောင်လေးတစ်ယောက်။
ပြိုင်ကားတစ်စီးနဲ့ ကမ္ဘာပတ်ဖို့ခေါ်ခဲ့လေသောလူ။
ရယ်တော့ ရယ်ရတယ် အတိတ်တွေက
လက်ရှိနဲ့ အလွန်ခြားနားစွာ
ပျော်ခဲ့ဖူးပါတယ် သူနဲ့ပေါ့။"မင်း ငါ့ကိုအဖြေပေးမှာလား"
"နေပါဦးဗျာ
ကျွန်တော် ခင်ဗျားကိုစောင့်ကြည့်ချင်သေးတယ်""မင်းက မူနေတာပဲ
မင်းလဲယောက်ျား ငါလဲယောက်ျား
ဘာမှရှက်မနေနဲ့""ရှက်နေတာ မဟုတ်ဘူးဗျ။
ခင်ဗျားကိုယ် ခင်ဗျားလဲကြည့်ဦး""ဘာဖြစ်လို့လဲ
ငါက အရမ်းလန်းနေလို့
မင်းက ငါနဲ့တွဲရမှာ အားငယ်နေတာလား"(အဖြေတောင်းတာတောင်
အကျောကြီးနဲ့တောင်းတဲ့
အကျင့်ပုတ်တဲ့လူ)" ပြောရဲတယ်နော်
ကျွန်တော်ပြောတာ ခင်ဗျားပုံစံက
လူမိုက်လိုလို ဘာလိုလိုနဲ့ အဲ့တာကိုပြောတာ""စိတ်မပူပါနဲ့ ငါတရားမ၀င်တာ
ဘာမှမလုပ်ပါဘူး။""ပြီးတော့
ကျွန်တော် မသေချာဘူး
ကျွန်တော်က gay ဟုတ်မဟုတ်ဆိုတာ""သေချာသွားအောင်
ဒီလိုလုပ်ကြည့်ရင်ကော"ပခုံးနှစ်ဖက်ကို ဆုပ်ကိုင်လာတဲ့
သူ့လက်တွေမှာ အားမပါပေမယ့်
မရုန်းနိုင်ခဲ့။
သာမာန်လူနဲ့မတူ
အနက်ရောင်မဟုတ်တဲ့မျက်လုံးတွေဟာ
နေရောင်အောက်မှာ
ခပ်စိမ်းစိမ်းလေးဖြစ်နေရဲ့။
နှာတံချွန်ချွန်လေးက ပါးထဲကိုနှစ်၀င်သွားချိန်မှာတော့ကန္တာရထဲမှာ အိုအေစစ်ကို
ရှာတွေ့သွားတဲ့ ခံစားချက်မျိုးသူ့အသက်ရှုသံနွေးနွေးက
နေရာပြောင်းသွားသလို။
ဘာမှန်းမသိခင်မှာပဲ
မျက်လုံးတွေကို စုံမှိတ်ချမိသည်။ထိကပ်သွားတဲ့နှုတ်ခမ်း တစ်စုံဟာ
ဘာလို့ပြုံးနေခဲ့တာပါလိမ့်။သူလေ သိပ်ရဲလွန်းတယ်။
ချစ်သူတွေတောင် မဖြစ်သေးပဲနဲ့လေ။ခက်ချင်တော့လဲ
ကျွန်တော် သိပ်ကြိုက်တဲ့အရာလေးတွေက
အနီရောင်တွေ ဖြစ်နေပြန်ရော။~ ~ ~
ခန်းမရှေ့မှာ စီထားတဲ့
pre wedding ပုံတွေကိုကြည့်ပြီး
ငိုနေတဲ့ ကောင်လေးတစ်ယောက်"ဟိုလေ
ဒီက ဘာလို့ငိုနေတာလဲ"ဇီဇ၀ါကို တွေ့လိုက်သည်ကို
လန့်သွားဟန်ရှိသော
ကောင်လေးက မျက်ရည်တွေကို
လက်ခုံဖြင့် ဖိသုတ်ရင်း
ပြုံးပြလေသည်။"ဟို ..ဟို
ကျွန်တော်က မိုးနှင်းဆီရဲ့ ပရိတ်သတ်ပါ""ဪ...အေးအေး
ပရိတ်သတ်ဆိုတော့လဲ ကိုယ့်idolကိုနှမြောမှာပေါ့""ဟုတ်..ဟုတ်တယ်ဗျ။
ကျွန်တော့်ကို ခွင့်ပြုပါဦး"မုသားတွေလဲ သုံးမိပြန်ပြီ ခန့်ရယ်...
YOU ARE READING
မောင်ရယ် ကျွန်မရယ် မောင့်ကောင်လေးရယ်
Randomအချစ်ဦးလား အချစ်ဆုံးလား သေချာတာကတော့ မင်းမှာ တစ်ယောက်ကိုပဲ ရွေးချယ်ပိုင်ခွင့်ရှိတယ်