ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*83* ခင်ဗျားတစ်ဘဝလုံးနောင်တရနေလိမ့်မယ်

ယင်ယန်က ချီလန်ရဲ့တစ်ကိုယ်လုံးကိုစစ်ဆေးကြည့်လိုက်ကာ ယင်ကျင်းရဲ့ကိုတစ်ချက်လှမ်းကြည့်လိုက်ပြီးမှ သူ့ပါးစပ်ကိုဖွင့်လာသည်။
"ရင်ညွန့်ရိုးကျိုးသွားတယ်..အရွတ်တွေနဲ့သွေးကြောလေးတွေလည်းပျက်စီးသွားတဲ့အပြင် သူ့တန်ထျန်းလည်း ထိခိုက်သွားတယ်..ဒါတွေကိုပြန်လည်ကောင်းမွန်လာအောင်လို့ သခင်ချီ အချိန်အတော်ကြာအောင်အနားယူသင့်တယ် အဲ့အချိန်အတောအတွင်းမှာလည်း သူ့ဝိညာဥ်စွမ်းအားကိုသုံးလို့မရဘူး..မဟုတ်ရင် သူမိုးကြိုးစမ်းသပ်မှုဖြတ်ကျော်နိုင်မဲ့အခွင့်အရေးကိုဆုံးရှုံးသွားရလိမ့်မယ်..အကယ်၍ သူဖြတ်ကျော်ဖို့ကြိုးစားခဲ့ရင်တောင်မှ အဲ့ဖြစ်စဥ်အတွင်းမှာ သေသွားနိုင်တယ်"

"ဘာ!"
ရှင်းယွဲ့ ယင်ယန်ကိုမယုံကြည်နိုင်စွာ ကြည့်လိုက်သည်။
"ဒါက..ဒါက..အဲ့လောက်တောင်ပြင်းထန်တာလား"

မဟာယာနအဆင့်ကကျင့်ကြံသူတစ်ယောက်က ချီသန့်စင်အဆင့်က ကျင့်ကြံသူတစ်ယောက်ကြောင့် အပြင်းအထန်ထိခိုက်သွားရသည်။ ဘယ်သူမှ ဒါကိုယုံကြည်နိုင်မှာမဟုတ်ပေ။ သူမတောင်မှ ကိုယ်တိုင်မြင်တွေ့ခဲ့ရတာတောင် မယုံကြည်နိုင်သေးပေ။

ယင်ယန် အလေးအနက်ခေါင်းငြိမ့်ပြလိုက်သည်။
"ဟုတ်တယ်..အကယ်၍ မင်းသခင်ကိုကောင်းစေချင်ရင် သူ့ကို ဒေါသထွက်တာတွေ မှော်သိုင်းကွက်သုံးတာတွေ မလုပ်စေနဲ့"

"နင် သခင့်အတွင် အကောင်းဆုံးဆေးတွေဘဲပေးရမယ်"
ရှင်းယွဲ့က ချီလန်ကိုမြေပေါ်ဖြေးဖြေးလေးချလိုက်ပြီး ဓားကိုဆွဲကာ ရုန်ယိဘက်ကို ဒေါသတွေနဲ့ ချိန်ရွယ်လိုက်ပြီး..
"နင်...မကောင်းတဲ့ကောင်..ဘယ်လိုလုပ် သခင့်ကိုထိခိုက်အောင်လုပ်ရဲရတာလဲ..ငါနင့်ကိုသတ်ပစ်မယ်!!"

သူမရဲ့ သတ်ပစ်မယ်ဆိုတဲ့စကားကိုကြားတဲ့အခါ လူတိုင်းကရုန်ယိရှေ့ကိုရောက်လာကာ ကာပေးထားလိုက်ကြ၏။

ရုန်စု ဒေါပွကာ ပြောတော့သည်။
"မင်းသခင်က မဟာယာနအဆင့်ရောက်နေတာတောင်မှ ချီသန့်စင်အဆင့်ကသူကိုရှုံးခဲ့တာလေ..ဒါတောင် မင်းက သူ့အတွက်လက်စားချေပေးဦးမယ်ပေါ့..မင်းမရှက်ဘူးလား..ဒါ့အပြင် မင်းသခင်က သူ့ကိုအရင်သတ်ဖို့ကြိုးစားခဲ့တာ..သူသာ ဒီလိုသေစေလောက်တဲ့တိုက်ခိုက်မှုမျိုးမလုပ်ခဲ့ရင် ငါတို့သခင်လေးကလည်း သူ့ကိုထိခိုက်သွားအောင်လုပ်မှာမဟုတ်ဘူး..ငါတို့သခင်လေးက ကိုယ့်ဘာသာကာကွယ်ဖို့လုပ်ခဲ့ရုံဘဲ!..."