Unicode
ကျောင်းခေါင်းလောင်းသံက တဒေါင်ဒေါင်မြည်နေပြီ။ အပေါက်ဝတံခါးက ဂျိန်းခနဲ ပိတ်သွားလေပြီ။ နောက်ကျပြီဆိုတာ သိတော့ ရှောင်းကျန့်က သူ့ရဲ့ခြေတံရှည်ရှည်တွေကို အနောက်ပေါက်ဘက် ခပ်သွက်သွက်အလုပ်ပေးလိုက်တယ်။ ဟိုရောက်တော့ သူနဲ့အကြံတူ ရန်သူကောင်နဲ့ တည့်တည့်တိုးတယ်။
ဝမ်ရိပေါ် .....
ဝမ်ရိပေါ်က အုတ်တံတိုင်းကျော်ဖို့ကြိုးစားနေတယ်။ ဒီကောင့်အရပ်က ရှောင်းကျန့်ထက်နည်းနည်းပုတော့ သားပိုက်ကောင်ခုန်သလို ခုန်ခုန်ပြီး ကုပ်တက်နေတာ ရယ်ချင်စရာကြီး။
"ဟေ့ကောင် ဝမ်ရိပေါ် "
ဝမ်ရိပေါ်ကလဲ ပေစောင်းစောင်းနဲ့ ရှောင်းကျန့်ကို ပြန်လှည့်ကြည့်တယ်။ ကျောင်းအကျီအဖြူက ကြယ်သီးပြည့်အောင်မတပ်ထားတဲ့အပြင် ကြယ်သီးပေါက်ပါ ကသိုက်ကရိုက်မှားတပ်လာတာကြောင့်ကပိုကရိုဖြစ်နေတဲ့ ရှောင်းကျန့်ကို ခြေဆုံးခေါင်းဆုံးကြည့်ပြီး မျက်နှာကိုမဲ့ရွဲ့ပြတယ်။
"မင်း ဘာလုပ်နေတာလဲ "
"မမြင်ဘူးလား ကျော်နေတာလေ "
"အဟက် အဲ့ဒါပဲ လူစဉ်မမှီ အပုလေးဆိုတော့ ဒီအုတ်တံတိုင်းတောင် မကျော်နိုင်ရှာဘူး "
" မင်းကများပြောရတယ်ရှိသေး....စားသမျှ ကိုယ်ကကြီးထွားမလာပဲ အရပ်မှာသွားစုနေတဲ့ ဂျပိန်ကောင် .. "
"မော်ဒယ်ကိုယ်လုံးကွ "
"တော်စမ်းပါ ရှည်ရီးရာ "
( * ရှည်ရီး = အရှည်ကြီး )
"ပေါက်စီကောင်ကများ "
"ဘာ ! ဘာပြောတယ် ..ငါ့ပါးဖောင်းတာ မင်းထည့်ပြီး ဘော်ဒီရှိန်းမင်း လုပ်စရာမလိုဘူး "
"မင်းလဲ ငါပိန်တာကို လာမပြောနဲ့ "
တယောက်နဲ့တယောက်က သွားဖြဲလို့ ရန်စောင်နေကြပြီး မျက်နှာချင်းတောင်ကပ်လို့ နှာခေါင်းချင်းတောင်ထိ့တော့မယ်။
"ကျစ် ! တော်ပြီ မင်းနဲ့ရန်မဖြစ်တော့ဘူး ..ကျောင်းခန်းထဲ အရင်ရောက်မှ့ဖြစ်မယ် နောက်ကျနေပြီကွ "
YOU ARE READING
Short Stories Collection
Fanfictionစိတ်ကူးရရင်ရသလို yizhan ဇာတ်လမ်းတိုလေးတွေကို ဒီထဲမှာ အားလုံးစုပြီးရေးပေးမှာပါ။ စိတ္ကူးရရင္ရသလို yizhan ဇာတ္လမ္းတိုေလးေတြကို ဒီထဲမွာ အားလုံးစုၿပီးေရးေပးမွာပါ။ Paung~pus ♡. Start Date - 16.9.2021
