كرونيك: و_شاءت_الاقدار

18

🎶 الحلقة 18 🎶
قعدو كاك لين فيقهم تاليفونو ... بعد عليها و جاوب و هي واقفة تغزرلو
-الو .
-.....
-تلها انت بالحكاية تو نجي
-......
-ساعة و نكون غادي باي ...
--------------
-أحلام. لازم نمشي تو (حملها و حطها عالكنابي) استنا شويا نحظرلك فطورك و نجي ..
-(عملتلو برأسها باهي )
ربع ساعة و خرج مالكوجينة و في يدو طبق ... فيه قهوة و jus و croisant .... و ياسر حاجات .... حطهولها فوق الطاولة قدامها و قام يلبس في الفاست متاعو ... و هي باقي تغزرلو و تثبت فيه
-أفطر بالباهي ... و رد بالك على روحك المرة الجاية .. و انا تو نكلمك نطمن عليك... أيا باي
هو جا خارج و هي شدتو من يدو رجعتو .
-أسد. ... ابقا. ... ا.... ابقا هكا . ماتتبدلش عيشك ...
باسها من جبينها و تبسملها و خرج ....
شدت بلاصتها تفطر و تتفرج في التلفزة ... و وئام كلمتها
-وئام موش قتلك ماتكلمنيش ....
-.....
-لاباس و رأس اختي مافما شي ... أسد يعقد في الحكاية ... صحن طاح على ساقي كهو .... استنا الساعة وقتاش طلبك هو .. تو كان هنا
-.........
-باهي يا للا إيجا و شوف بعينيك الي انا ما بيا شي ... نستناك. ....
نص ساعة و الباب دق ... قامت تسند في روحها بلي قدامها و حلت
-😨😨😨😨😨
-باش تخلينا في الباب (زينب)
-ااه ... سامحوني ... تفضلو .. مافيباليش بيكم جايين ...
-كي سمعوا الي انت مضروبة انا جايتك شدو فيا صحيح .. باش يجيو يطلو عليك(وئام)
دخلو الكل للصالة
-الدار داركم ياجماعة لحظة و نجي
-حلومتي ... إيجا اقعد انت ساقك توجع ... الدار داري انا زادا (وئام)
أحلام رجعت قعدت و وئام مشات تركح في الضيافة ...
-أحلام. !رجلك لاباس !! (زيد)
-لاباس عيشك موش حكاية كبيرة
-هه كيفاش تضربت بالله (مريم )
-طاح عليا صحن ... الصباح بالنوم ... دخلت بعضي شويا
-أيا الحمد لله جات خفيفة (خليل )
-أي الحمد لله (زينب )
-اما والله خليت علينا بلاصة اليوم ... توحشناك (عمر )
-حتى انا توحشتكم
-كان تسمعك ياسمين مشيت فيها ههه ( زيد ) (قالها بتفكيك و هو يغزل ) ...
-ههه يا ولدي ... عادي ... حلوما كيف اختي كهو
-خهههه
و جات وئام و قعدو يحكيو و يفدلكو و يضحكو. ... عملو جو و في العشيه روحو الكل .. قعدت عندها كان وئام ... حكاتلها كل شي و واساتها و خففت عليها