كرونيك: و_شاءت_الاقدار

25

🎶 الحلقة 25 🎶
-أيا اليوم القعدة عند شكون !! (زينب)
-برجولية شاهي حاجة من يديات حلومة (خليل)
-ههههه مسكين انت ... تبات في الرازي كان تأكل من عندها (وئام)
-ياحسرا عليك لل وئام شبيهم البرياني و الكاري و اللادو !!! تراه قول خايبين ... المرة الي فاتت قريب تاكلني معاهم
-هههه يحرز جيعانا
-أي فهمونا شنوا هالتخلويض الي تحكيو عليه (مريم)
-ماكلة هندية (زيد)
-أي و اليوم الجو عندي و تو نعمللكم اللادو و البرياني و الكاري و تو تشوفو كيفاش يعجبكم
-انشالله تتعدالكم لاباس ههههه (وئام)
-ربي يستر (عمر )
-تي يزيو والله باهين ذوقك قبل و بعد احكمو
-باهي بركا هيا تو كل واحد يروح على روحو و بعد نتقابلو الكل في ***** و نمشيو لدار أحلام مع بعضنا (عمر )
**************************
تركح في آخر اللمسات في الطاولة و الصالة ... قريب يوصلو و لازم كل شي يعجبهم .. لبست و ركحت روحها تقول يخطب فيها ... حاسة الي باش تصير حاجة باهية اليوم ... زينت الدار بالباهي ... جات باش تكلمهم تشوفهم وين و الباب دق ... للا وئام شرفت ... قبل الكل ... بعد شويا جاو البقية ... فطروا و حلاو و شربو... كل شي عجبهم اول مرة يذوقو الشي هاذا الكل اما عجبهم ... و كانو ماخذين عالهند و ماكلتهم و كل شي يخصهم موقف سلبي و احلام كل مرة تعمل حاجة تقنعهم بيها و ماغير مايشعرو بداو يتغرمو بيها بالشويا بالشويا
قاعدين في الصالة يشربو في الjus و يحكيو كل مرة على حاجة ... مرة على هبال أحلام بسي راجلها شاروخان 😂😂 مرة على وئام و عمر الي ولاو كوبل محلاهم ... و مرة على زيد .. يلمح في كلامو الي هو يحبها و هي كلامك يا هاذا موش معاه جملا أو بالأحرى ماتصورتش انو يحكي عليها ... تسأل فيه بكل تلقائية ... و موش حاسة بقمة الألم و الوجيعه الي قاعد يحس بيها ....
كانت تحكي معاه ... منسجمة تسمع في حكايتو و تسأل تسأل ... أسأله بمعنى و بلا معنى .. لدرجة أنها ما سمعتش الباب الي دق ... و الي مشات وئام حلتو
كانت تحكي و تضحك معاه. .. حاطة يدها على كتفو و موش فايقة بحد و على تلفيتتها....