كرونيك: و_شاءت_الاقدار

45

🎶 الحلقة 45 🎶
. يتأمل فيها و في الحالة الي وصلتلها. .. ماكينات دايرة بيها من كل جهة .... موش قادرة لا تتكلم لا تتحرك و لا تعمل حتى شي ... حتى النفس ساعات ماتنجمش تتنفس ... حاسس روحو انو هو السبب لو كان مامشاش لدارها ... لو كان ماواجهش الكلب راجلها ... لو كان ما تحداهاش هي ... هذا الكل ماكانش صار من اصلو ... اما تو حصل ما في الصدور ...واقف حاطط يدو عالبلار. .. دموعو على خدو ... لحيتو هايجة .. وجهو شاحب ..... كل يوم على نفس الحال ليل و نهار من قدام بيتها مايتحركش ... يراقب فيها 24/24 ساعة ... أكثر حتى مالطاقم الطبي... الدنيا زادت فرقتهم مرة أخرى. .. و تاريخ تجمعهم مرة أخرى مجهول ... أو الأصح أمل تجمعهم ضعيييف يكاد يكون منعدم ... تحرم منها مرة اخرى بعد ما صدق لربي عاود لقاها ... زاد ضيع من عمرو عام و نص و هو يستنا فيها تفيق . يدعي ليل و نهار أنها ترجعلو ... علاش موش هو جا في بلاصتها !!؟؟ كل يوم يتمنى يكون محلها ... يتمنى انو هي الي نجات و هو دخل في غيبوبة ... انو يعيش شبه ميت في غيبوبة ... ما يحس بشي و مايفهم شي ارحم و احسن الف مرة بالنسبة ليه انو يزيد يعيش ميت بالحياة ... ممكن في أي دقيقة يتحرم منها للأبد ... هاجس خسارتها قاتلو ... مدمرو. ... 6 سنين و نص محروم منها موش ياسر يا ربي !! شنوا الذنب الي عملو في حياتو باش يتعاقب العقاب الشديد هاذا ... !! كونو حبها لدرجة الجنون زعما !!لا مستحيل ! الحب عمرو ماكان ذنب ولا جريمة ....
يا ريتو خباها وراه لحظتها و الرصاصات الي صابوها... قتلوه هو ... علاش هو منع منها و إصاباتو موش خطيرة !! و هي دخلت في غيبوبة شوف تقوم منها شوف لا !!!
يشوف فيها تتهز و تتنفض فوق الفرش .. قلبو خرج من بلاصتو ... رغم انو حظر عليها اللحظة هاذي برشا مرات ... وجهو لخلخ. .. و عينيه قريب تخرج ... دار ماشي للطبيب ... لقاهم déjà طاقم كامل سبقوه ... دخلو يجريو للبيت مما يؤكد على خطورة الوضع ... بعدوه بالسياسة ماحبش و بالسيف كيفكيف. .. مستحيل يبعد و يخليها تحارب الموت وحدها ... مايخليهاش تنازع و تقاوم باش تعيش وحدها .. لازم يساندها ...... يدعمها و يوقف معاها . ..
يشوف فيهم يعمللولها في ال Défibrillation باش يرجعو النبض لقلبها. ... قلبو هو وقف ... تتهز و تتنفض تحت تأثير ال Choc ... تواجه في الموت .... عملولها .. المرة الأولى و شي ... الثانية كيفكيف. .. و الثالثة زادا ... مانجمش يزيد يشوفها كاك ... ماعندوش قدرة يشوفها تموت ... دور وجهو .. و هبط مع الحيط حاطط راسو بين يديه و يبكي ...
دوب ما خرج الطبيب تنطر عليه
-طمني دكتور .. أحلام شنوا وضعها !!
-سامحني مسيو زيد ... مفماش تقدم .. كيما قتلك قبل ... قلبها ضعيف ياسر ... موش قاعدة تستجيب جملا .. قلبها مستسلم للموت Par contre مخها رافض الفكرة.. و قاعد يقاوم ... سامحني باش نقلك . يوقف قلبها مرة أخرى نظطرو نحيو المكينات و تتسمى ماتت ...
و مشى و خلاه ضااااايع في متاهة افكارو. .. موش قادر ينظمهم و يستوعب الي سمعو ... ..
يا ريتو ينجم يعطيها قلبو تعيش بيه ... كيما سبق و عطاها كلوة و سبق و تبرعلها بدمو ...
-اااه يا ربي اشفيها... رجعهالي و ماتحرمنيش منها راني ماغيرها مانسوا شي (هذا الي قالو و هو باقي يتفرج فيها مالبلار قبل ما يقاطعو تاليفونو .. أنغام تطلب فيه )