ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*99* ကလေးမွေးဖွားခြင်း

အော်သံကြောင့် ယင်ကျင်းရဲ့ အခန်းထဲအမြန်ဝင်သွားကြည့်လိုက်တဲ့အခါ ရုန်ယိက လက်သည်လီရဲ့လက်ကိုကိုင်ထားတာကိုသာတွေ့လိုက်ရသည်။

ရှင်းဟယ် မျက်မှောင်ကြုတ်သွားပြီး မေးလိုက်သည်။
"ဘာဖြစ်လို့လဲ"

လက်သည်လီရဲ့မျက်နှာမှာလည်း မေးခွန်းများနဲ့ပြည့်နှက်နေ၏။

ရုန်ယိ သူ့နဖူးသူအုပ်ကိုင်လိုက်ပြီး
"မင်းတို့ သူ့ကို ကလေးမွေးမဲ့သူက ယောက်ျားတစ်ယောက်ဆိုတာ မပြောပြခဲ့ကြဘူးလား"

ယောက်ျားတွေအကုန်လုံးအခန်းထဲကနေထွက်သွားကြတဲ့အခါ လက်သည်လီက သူ့ရေမြွှာပေါက်နေပြီလား စစ်ဆေးကြည့်ရအောင်လို့ လက်ဆန့်ပြီး သူ့ခွကြားကိုလက်လှမ်းလာလေသည်။ ကံကောင်းလို့ သူအမြန်တားနိုင်ခဲ့တာဖြစ်သည်။

ယွီပင်းက တိုးတိုးလေးပြန်ပြောလာသည်။
"ဟင့်အင်း..မပြောခဲ့မိဘူးထင်တာဘဲ.."

အရမ်းအလျှင်လိုနေတာကြောင့် လူတစ်ယောက်ကလေးမွေးမလို့လို့သာ သူပြောခဲ့တာဖြစ်သည်။

ရုန်ယိ "......"

ယင်ကျင်းရဲ့ "......"

"အစ်မကြီး..ကလေးမွေးမဲ့သူက ယောက်ျားလေးပါ..မိန်းကလေးမဟုတ်ပါဘူး"
ရန်ချိုးရွှမ်က ဖြစ်နေတာတွေကိုအမြန်ရှင်းပြလိုက်သည်။
"အစ်မကြီးလက်ကိုကိုင်ထားတဲ့သူက ကျွန်မရဲ့သားပါ"

လက်သည်လီမှာ ထိတ်လန့်အံ့သြသွားရသည်။
"သူ...သူက..ယောက်ျားလေးလား"

"ဟုတ်ပါတယ်"

လက်သည်လီက အလောတကြီးပြောလာသည်။
"ကျွန်မ ယောက်ျားတစ်ယောက်ကို ဘယ်တုန်းကမှ ကလေးမမွေးပေးဖူးဘူးရှင့်..ကျွန်မဘယ်လိုလုပ်ရမယ်ဆိုတာလည်းမသိဘူး..အတွေ့အကြုံရှိတဲ့ တစ်ယောက်ကိုရှာလိုက်တာပိုကောင်းမယ်ထင်တယ်..ကျွန်မကိုခွင့်ပြုပါဦး"

သူမလှည့်ထွက်လိုက်တဲ့အချိန်မှာ သူမရှေ့ကနေ ယွီပင်းနဲ့ရှင်းဟယ်က ပိတ်ရပ်လာသည်။

သူတို့နှစ်ယောက်စလုံးက ရုပ်တည်ကြီးတွေဖြစ်နေတာကြောင့် သူတို့ သူမကိုနှုတ်ပိတ်တော့မယ်ထင်ပြီး တုန်ရီနေတဲ့အသံနဲ့မေးလိုက်သည်။
"ဘာ..ဘာလိုချင်လို့လဲ!"