- ကြီးမြတ်လှတဲ့အရှင့်ရဲ့နည်းလမ်းတစ်ခု -
unicode
ထိမ်းမြှားခြင်းပွဲတစ်ရက်အလို ။
အရှင့်ရဲ့နှုတ်ပိတ်လုပ်ဆောင်ထားမှုကြောင့် နန်းတော်ထဲကြင်ယာတော်ပျောက်ဆုံးသွားမှုကဘယ်သူမှမသိကြတဲ့ကိစ္စတစ်ခုလိုဖြစ်နေတယ်။နန်းတွင်း နန်းပြင်မြို့တော်တစ်ခွင်ကတော့ မနက်ဖြန်လို နေ့ကြီးရက်ကြီးအတွက်စောင့်မျှော်ပြင်ဆင်နေကြတုန်းပဲ။ ထိုအထဲမှာ အရှင့်ရဲ့မယ်တော်သည် မျှော်လင့်တကြီးအပါအဝင်ဖြစ်သည်။
အရှင့်အိပ်ဆောင်ကနေတစ်လှမ်းမှခွာခွင့်မရှိဘဲ ကောင်းကောင်းအနားယူခဲ့ရသော ရှောင်းကျန့်သည်လည်း အားအင်ပြည့်ဝလို့နေလို့ကောင်းခဲ့ပြီဖြစ်တယ်။
ယခုလည်းထွက်မသွားနိုင်သေးဘဲ မနက်ခင်းမှာရေသန့်စင်လို့နေတဲ့ ဝမ်ရိပေါ်ကိုထိုင်စောင့်နေရတယ်။ သူ မရှိဘဲဒီနေရာကနေတစ်ဖဝါးမှမခွာမိစေနဲ့လို့ ခြိမ်းလားခြောက်လားလုပ်သွားခဲ့တာကို။
နာရီဝက်လောက်ထိထိုင်စောင့်နေခဲ့ရပြီးနောက် အတွင်းဝတ်ရုံတော်ကိုသာရေချိုးပြီးလဲဝတ်လာတဲ့ဝမ်ရိပေါ်နဲ့အတူ ဘေးကနေခပ်ကျို့ကျို့ပါလာတဲ့ကျိုးဖိန်ရယ်ပါတွေ့လိုက်ရတယ်။
" မနက်စာဝိုင်းကိုယူလာလို့ရပြီ နှစ်ယောက်စာပြင်ခဲ့ပေး "
ငြိမ်ပြီးထိုင်နေတဲ့ကုတင်ပေါ်ကသူ့ကိုတစ်ချက်လှမ်းကြည့်ရင်းမှ ကျိုးဖိန်ကခေါင်းငုံ့လို့ထွက်သွားတယ်။ ဝမ်ရိပေါ်အနားမှာနေနေတဲ့ကျိုးဖိန်ကို ရှောင်းကျန့်သနားမိသလိုရှိသား။ အကြံပေးအမတ်သာဆိုတယ် အခုလိုကိစ္စအရပ်ရပ်အကုန်လုပ်ပေးနေရတာ.. ဝမ်ရိပေါ်လိုလူလက်အောက်မှာဘာကိုများသည်းခံပြီးနေနေသလဲ။
" ဗိုက်ဆာနေပြီလား "
" မဆာတာမို့ ဒီကနေပြန်ခွင့်ပြုပါလား အခုကျွန်တော်ကအပြစ်သားတစ်ယောက်လေ "
ဒီလိုပြောတော့ ဝမ်ရိပေါ်ကရယ်ပါတယ်။
" ဒါပေါ့ အပြစ်သားဆိုတော့ အပြစ်တစ်ခုခုတော့ပြေးသင့်တယ် စိတ်ချပါ ကိုယ်တော်ကမင်းကိုဒီတိုင်းလွှတ်ပေးမှာမဟုတ်ဘူး "
YOU ARE READING
Darkness Of Paradise《 Completed 》
Fanfictionအရှင်က စစ်သုံ့ပန်း ရှောင်းမျိုးနွယ်စုရဲ့ စစ်သူကြီးအပေါ် ကျရှုံးသွားပြီ ( yizhan ) အရွင္က စစ္သုံ႕ပန္း ေရွာင္းမ်ိဳးႏြယ္စုရဲ႕ စစ္သူႀကီးအေပၚ က်ရႈံးသြားၿပီ