ဈေးဆိုင်တန်းများ မုန့်ဆိုင်များ တန်းစီနေသော ချုံချင်း၏ ညဈေးတန်းလေးတွင် လူတန်းစားအမျိုးမျိုး အရွယ်အမျိုးမျိုးသော လူများဖြင့် စည်ကားနေကြသည်။
လည်ပတ်ကြသောလူတို့၏ တီးတိုးစကားပြောသံလေးများ၊ ဈေးသည်တို့၏ ဧည့်သည်ကို ဖိတ်ခေါ်နေသည့်အသံလေးများဖြင့် ကြိတ်ကြိတ်တိုးဖြစ်နေသည့်အချိန်တွင်...
အသက် ၁၇ နှစ်အရွယ်ကောင်လေးတစ်ယောက်က လက်ထဲတွင်ပန်းသီးတစ်လုံးကိုင်ကာ ခင်းကျင်းထားသော ဈေးဗန်းများ တွေ့တွေ့သမျှလူများကို တွန်းတိုက်လို့ ပြေးနေသည်။ သူ့နောက်တွင်လည်း ဈေးသည်ဖြစ်ဟန် လူကြီးပိုင်းတစ်ယောက်က ပြေးလိုက်လို့နေပြီး...
"ဟေ့ ဟိုကောင်လေး ရပ်စမ်း ငါ့ပန်းသီးတွေကို ဝယ်မလိုလိုနဲ့အလစ်သုတ်သွားတာ...ရုပ်လေးကြည့်တော့ ကလေးသာသာနုနုဖတ်ဖတ်လေးနဲ့ အကျင့်က $&%€#^..."
လူကြီးကပြောလည်းပြော ပြေးလည်းပြေးလိုက်ရင်း တစ်နေရာရောက်တော့ အသက်အရွယ်စကားပြောတာကြောင့် လိုက်လို့မမီတော့။
ထိုအခါ အရှေ့ကပြေးနေတဲ့ကောင်လေးက သူ့လက်ထဲက ပန်းသီးကို တစ်ကိုက်ကိုက်လိုက်ရင်း လက်ညိုးနဲ့လက်ခလယ်လေးကို အသုံးပြုလို့ ငြိမ်းချမ်းရေးသင်္ကေတလေးထောင်ပြလိုက်၏။ပြီးတာနဲ့ လက်ထဲက ကိုက်လက်စပန်းသီးကို အနောက်မှာကျန်ခဲ့သည့် ထိုလူကြီးဘက်သို့ပြန်ပစ်ပေးလိုက်ပြီး လျှာထုတ်ပြကာ ဆက်၍ပြေးသွား၏။
"ဟား...ဟား...ဟား..."
လူရှင်းတဲ့နေရာအထိပြေးလာတဲ့ကောင်လေးက လွတ်လွတ်လပ်လပ် အကျယ်ကြီးကို ရယ်မောလိုက်သည်။ ပြီးနောက်ဘောင်းဘီအိတ်ကပ်ထဲက ပီကေကို ပါးစောင်အတွင်းသို့သွင်း၍နီးစပ်ရာသစ်ပင်အောက်က ခုံတန်းရှည်ကြီးတွင် သူ့အိပ်ရာအလား လှဲလျောင်းလိုက်၏။ ကောင်းကင်ကြီးကို မော့ကြည့်ရင်းမှ မျက်လုံးတွေကို မှိတ်လိုက်ရင်း လေညင်းခံနေတဲ့ပုံက အေးအေးလူလူ။
အနက်ရောင်စွပ်ကျယ်လက်ပြတ်နှင့် ဂျင်းဘောင်းဘီဒူးပြဲကိုဝတ်ဆင်ထားသည့် ထိုကောင်လေးက ပီကေကိုဝါးနေပြီး တမင်တကာ မပွ ပွအောင်ထိုးဖွထားတဲ့ ဆံနွယ်ပျော့ပျော့တို့ကြောင့် လမ်းသရဲအငယ်စားနှင့်တူနေ၏။ လှဲနေရင်း ဒူးနန့်နေတဲ့ပုံက မည်သူ့ကိုမှ ဂရုမစိုက်သည့်နှယ်။
YOU ARE READING
The Kid Who Snatched My 💚
Randomကပြားပန်း မှ ကရင်ပန်း ဆီသို့ 🌻 [မဆိုင်သူများ ဝင်မဖတ်ရ 😛 ] မည်သည့် platform မှာမှ share ခြင်းမပြုရ။ Cover Photo Crd:
