Unicode
ရှောင်းကျန့်ရဲ့ ကလေးလေးဝမ်
နေရာပေါင်းစုံအတွက် အကန့်တစ်ကန့်ချင်း ခွဲခြားလို့လူတွေထည့်ထားတဲ့ လူတွေထက် အကန့်တိုင်းမှာ လူတစ်ယောက်ကိုပဲ ထားလို့ အဲတစ်ယောက်အတွက်ပဲ ရှင်သန်လာကြတဲ့သူတွေဆီက အချစ်ခံရတာ နည်းနည်းတော့မွန်းကြပ်စရာကောင်းလိမ့်မယ် ။ ဒါပေမဲ့ အဲလိုလူနှစ်ယောက်ပေါင်းစည်းသွားရင်ရော? သေချာပေါက်လိုက်ဖက်ညီတဲ့စုံတွဲတစ်တွဲဖြစ်လာပါလိမ့်မယ် ။
---------
ဖြူစင်နေခဲ့ပါလျက် အချစ်တွေ စတင်ပြီး အရောင်ပြောင်သွားခဲ့တာ ဘယ်တုန်းကဖြစ်မလဲ ။ ကလေးဘဝက ဒိုင်ယာရီလေးကို ကိုကို့ကိုပေးဖတ်မယ်ဆိုပြီး ယူလာခဲ့တုန်းက ဖြစ်မလား ၊ မာဖလာနီနီလေး ထိုးပေးမယ်ဆိုပြီး သိုးမွှေးထိုး club ထဲ နှစ်ခါမစဥ်းစားဘဲ ပြေးဝင်စာရင်းသွားပေးတုန်းက ဖြစ်မလား ။
ဒါမှမဟုတ် သူ့ကြောင့်စာကြိုးစားပါ့မယ်လို့ ကတိပေးပြီး တကယ်ကြီးလည်း ကြိုးစားခဲ့တဲ့ကလေးအချိန်ကတည်းက ၊ သူအထီးကျန်နေမှာစိုးလို့ဆိုပြီး အိမ်ကိုကျူးကျော် ကိုကို့ကိုကာကွယ်ပေးမယ်လို့ ပြောခဲ့တဲ့လူဆိုးကလေးဟာ သူ့နှလုံးသားထဲကိုပါ ကျူးကျော်သွားခဲ့လေသလား ။
ရှောင်းကျန့်လည်း သေချာမသိခဲ့ပါဘူး ။
ဒါပေမဲ့ သူ အတည်မပြုချင်ခဲ့တဲ့ သေချာတဲ့အရာကတော့ သူချစ်စရာအိမ်နီးချင်းညီငယ်ကလေးအပေါ် မဖြူစင်နိုင်တော့တာပဲ ။
ပထမဆုံးအကြိမ် ဝမ်ရိပေါ်ရဲ့လည်ပင်းသားဖွေးဖွေးလေးတွေပေါ် အရာထင်အောင်ကိုက်ခဲ့တယ်လို့ အိပ်မက်မက်တုန်းက ရှောင်းကျန့်အတော်ကိုထိတ်လန့်ခဲ့ရတယ် ။ သူ့အပေါ် သိပ်ကောင်းတဲ့ သူ့ညီလေးလို ကလေးတစ်ယောက်ကို သူ့မှာ ဒီလိုအတွေးမျိုးရှိနေတယ်တဲ့ ။ နောက်တစ်နေ့ မနက်မှာ ဝမ်ရိပေါ်ရဲ့မျက်နှာကိုတောင် ရဲရဲမကြည့်ရဲခဲ့ပါဘူး ။
ချစ်ခြင်းမေတ္တာဟာ ငြင်းဆန်လေ ပိုခိုင်မာလေပါပဲတဲ့ ။ ရှောင်းကျန့်အတွက် စိုးရိမ်ပူပန်မှုတွေနဲ့ ညတာတွေဟာ ပိုမိုရှည်လျားလာခဲ့တယ် ။
YOU ARE READING
Diary of Wang
Fanfictionကိုကို့ကို ချစ်တယ် ။ ဒါပေမဲ့ အဲလိုပြောရင် ကိုကိုက မုန်းသွားလိမ့်မယ် ။ ---- ကိုကို႔ကို ခ်စ္တယ္ ။ ဒါေပမဲ့ အဲလိုေျပာရင္ ကိုကိုက မုန္းသြားလိမ့္မယ္ ။ Mini-story || zsww Both of Unicode and Zawgyi are available.
