Oops! This image does not follow our content guidelines. To continue publishing, please remove it or upload a different image.
تزامن دخول إبراهيم المتأخر مع دخول الإسعاف للمدرسة تحت نظراته اللي عاجزه تفهم وش اللي قاعد يصير .
بدون شعور تبعهم الى ان لقى نفسه يتأمل الجسدين المتمدده على الارض، نوح اللي تلطخ وجهه بدمه كان جامد وعيونه تتحرك ببطئ وكأنه شخص يستفيق من سكرته .
على عكس الهزيل الممدد جنبه وتملكت جسمه انتفاضات ارعدت اطرافه وكل جسمه من قوتها، ولما رفعوه المسعفين من الأرض تبين اثر قيء اختلط بدم على جانب وجهه الشاحب،كان غائب عن الوعي بشكل مرعب بحيث سبب شكله للبعض ان يتنباء بموته.
ازدحام الطلاب حول الحمامات عرقل عمل المسعفين، وتكفل إبراهيم بابعادهم وعيونه تبحث عن الشخص اللي مفروض يكون موجود هنا ،بس ماكان في اي اثر لمعن.
والغريب انه ماكانت عيون إبراهيم الوحيده اللي تبحث عن معن ،وقتها كان علي اكثر شخص يبي يعرف معن وينه ،بينما اكتست ملامحه بالتوتر اللي كان مجهول السبب للجميع.
بسرعه خرجت سياره الإسعاف من الحي متجهه للمستشفى ،بينما بقي معن حبيس السطح كعادته الدائمة في اللجوء لذاك المكان، راقب السياره وهي تبتعد بسرعه.
فرغ العلبه اللي ما بقى فيها الا حبات قليله بعد اللي بلعه أيهم ،فرغها ويده ترجف وكان قلبه يرجف اضعافها.
شخص بخبره معن في مجال سيء مثل هذا كان قادر يبصم بالعشره ان اللي فيه أيهم اوفردوز ،وأن على الانتفاضة والشحوب اللي بوجهه فهو أقرب للموت من الحياه.
عيونه من شده فركه لها احمرت وتورمت ولا دمعه راضيه تنزل منه ،صدره يرتفع وينخفص بشكل سريع بس مو قادر يبكي .
اي شي بيحصل بعد ما حصل من دقائق فهو شي مفصلي في العلاقه اللي ما اتزنت في يوم من الايام ،من بدايتها.
من ذاك اللقاء العقيم في فناء المدرسه ثم انكشاف حقيقه معن لنوح في الحديقة ،إلى تورط أيهم مع فارس وتدخلهم ،وبعدها هروب نوح من اهله وكل حدث كانو الثلاثه فيه ما عمره كان حدث سار .
