"အယ် ... ကျွန်တော်အကုန်စားလိုက်မိပြီ"
ဆိုပြီး ပြူးကြောင်ကြောင် မျက်လုံးလေးဖြင့် မော့ကြည့်လာလေသည်။
ခေါင်းလှည့်လာတဲ့ကောင်လေးကြောင့် ရေသုတ်နေတဲ့ Yoongi လက်တွေရပ်တန့်သွားရသည်။
ငုံ့ကြည့်နေတဲ့ သူ့မျက်လုံးတွေနဲ့ အကြည့်ချင်းစုံသွားတဲ့ ကောင်လေးရဲ့ မော့ကြည့်နေတဲ့ မျက်လုံးတွေဟာ ပေကလပ် ပေကလပ်ဖြင့် ဝိုင်းစက်လို့နေသည်။
တရှူးရှူးဖြင့်စပ်နေတဲ့ ကောင်လေးရဲ့နှုတ်ခမ်းတွေဟာလည်း အနည်းငယ်ထော်ပြီးရဲနေသယောင်။ ထိုနှုတ်ခမ်းသားများကို စိုက်ကြည့်ရင်းရေငတ်လာရတဲ့ Yoongi ..... မထိန်းနိုင်တဲ့အဆုံး ငုံ့ကာ နမ်းရှိုက်မိပါတော့သည်။
ရုတ်တရက်နီးကပ်လာတဲ့မျက်နှာကြောင့် Hoseok အလ်ိုလိုမျက်လုံးမှိတ်ကျမိသွားသည်။ ထို့နောက် သိမ်းပိုက်ခံလိုက်ရတဲ့ သူ့နှုတ်ခမ်းတွေ။
အပေါ်တလှည့် အောက်တလှည့်ကိုကျွမ်းကျင်စွာစုပ်ယူရင်း မူးမေ့စေနိုင်လောက်တဲ့ အနမ်းတွေကို Hoseok ပြန်မတုံ့ပြန်သော်ငြား မငြင်းဆန်မိ။
သူကိုယ်တိုင် ထိုအနမ်းပေါ်ရင်ခုန်နေမိသည်မှာအမှန်။
"ငါ ... ငါ "
နမ်းလို့ဝမှ လွှတ်ပေးပြီး စိတ်ဆိုးခံရမှာစိုးနေတယ့် လူကြီးက စကားပြောသည်မှာ အ ထစ် အ ထစ်နှင့် ။
သူလုပ်ချင်တာလုပ်ပြီးမှ ဖြစ်နေတဲ့ လူဆိုးလူကြီးရဲ့ပုံစံကို ကြည့်ကာ Hoseok ရယ်ချင်စိတ်ကို ထိန်းချုပ်လိုက်သည်။
"ခင်ဗျား ဆေးလိပ်သောက်ထားတာလား"
နမ်းတုန်းက ဆေးလိပ်နံ့နဲ့ သူ့နှုတ်ခမ်းပါးက ခါးသက်သက်အရသာတစ်မျိုးရတာကြောင့် Hoseok မေးမိခြင်း။
"အင်း ... စောနက ခေါက်ဆွဲပြုတ်ရင်း ခံတွင်းချဥ်လာလို့ နဲနဲ ... "
သူပြောတာကို ခေါင်းတငြိမ့်ငြိမ့်လုပ်ပြီး ရှေ့ပြန်လှည့်သွားတဲ့ ကောင်လေးအား Yoongi အရိပ်အခြည်ကြည့်မိသည်။
YOU ARE READING
Heartbeat Of Kiss (Completed)
Fanfictionစီးကရက်ရဲ့အရသာက ခါးတယ် ။ စတော်ဘယ်ရီရဲ့အရသာက ချိုတယ်။ ကျွန်တော်က အဲ့ဒီအရသာ နှစ်ခုလုံးကို အကောင်းဆုံးခံစားရစေတဲ့ ခင်ဗျားရဲ့နှုတ်ခမ်းပါးတွေကို စွဲလန်းတယ် စီးကရက္ရဲ႕အရသာက ခါးတယ္ ။ စေတာ္ဘယ္ရီရဲ႕အရသာက ခ်ိဳတယ္။ ကြၽန္ေတာ္က အဲ့ဒီအရသာ ႏွစ္ခုလုံးကို အေကာင္းဆုံ...
