✍️ Unicode
ငိုပြလို့မရတဲ့မျက်ရည်တွေကို ကျွန်တော်တို့ဘယ်လောက်တောင်မျိုချခဲ့ရပြီလဲ။
ထုတ်ပြလို့မရတဲ့ဆန္ဒတွေကိုရော ကျွန်တော်တို့ဘယ်လောက်တောင်ခဝါချခဲ့ရပြီလဲ။
နာကျင်ခံစားနေရပြီဆိုရင် ဘယ်လိုအရာမျိုးတွေပဲဖြစ်ဖြစ် ကိုယ့်ကိုမပျော်ရွှင်စေနိုင်တော့ဘူးဆိုတာ ခင်ဗျားတို့လည်းသိနေမှာပါပဲလေ။
တစ်ခါတစ်ရံကြတော့လည်း ဘုရားသခင်မကြားနိုင်တဲ့ဆုတောင်းတွေကို ရူးရူးမိုက်မိုက်နဲ့ ဆုတောင်းနေမိတတ်ပြန်တယ်။
ဆန္ဒနဲ့ဘဝ တစ်ထပ်တည်းကျခဲ့ရင်ဘယ်လောက်ကောင်းလိမ့်မလဲလို့ပေါ့။
ဒါပေမဲ့လည်း ဖြစ်ချင်တာတွေဖြစ်လေ့မရှိဘဲ မဖြစ်ချင်တာတွေပဲ ဖြစ်လေ့ရှိတတ်တာကိုက " ဘဝ " ပဲမဟုတ်လား။
ဇာတ်သိမ်းခန်းတိုင်းဟာပေါင်းဆုံကြရတာမျိုးမဟုတ်မှန်း သိနေပေမဲ့လည်း ပျော်ရွှင်စရာပေါင်းစည်းခြင်းကိုလိုချင်တတ်ကြတာ လူ့သဘာဝပဲလေ။
အရေးကြီးဆုံးကတော့ တစ်စုံတစ်ယောက်မရှိတော့ဘူးဆိုတိုင်း တစ်စုံတစ်ယောက်ကိုဆုံးရှုံးသွားတဲ့အခါတိုင်း လဲပြိုကျမသွားဘဲ အသစ်ကနေပြန်စကြရမှာ။
တစ်စုံတစ်ယောက်မရှိတော့ဘူးဆိုတိုင်း ဘဝကြီးကအဆုံးသတ်သွားတာမှမဟုတ်တာ။
~~~~~~~~~~ " Without ........ "
ဆေးခန်းအမိုးသွပ်ပြားတွေပေါ်ကို နှင်းတွေကျနေတဲ့အသံ တဖျောက်ဖျောက်ကလွဲလို့ ဘာသံမှမကြားရ။နှင်းမှုန်တွေကြားမှာအလင်းရောင်ဖျော့နေတဲ့လမ်းမီးရောင်တွေကလည်း ပတ်ဝန်းကျင်ကိုအလင်းမဖြာနိုင်ကြတော့။တစ်ခါတစ်ရံငှက်စုန်းအော်သံကလွဲရင် ပတ်ဝန်းကျင်တစ်ခုလုံးဟာ အသက်မဲ့နေသည့်အလား။မာန်ကဖယောင်းတိုင်နဲ့ပဲနေချင်တယ်ဆိုလို့ အခန်းထဲမှာဖယောင်းတိုင်မီးပဲထွန်းပေးထားရတာကြောင့် အလင်းရောင်ကမှိတ်တုတ်မှိတ်တုတ်။အခန်းထဲမှာလူသုံးယောက်ရှိပေမဲ့ တစ်ယောက်မှစကားမပြောကြတာမို့ အသက်ရှူသံတိုးတိုးနဲ့သက်ပြင်းချသံကလွဲရင် အရာရာဟာတိတ်တိတ်ဆိတ်ဆိတ်။
VOUS LISEZ
💕 " Without ........ "
Roman d'amourဇာတ်လမ်းတိုင်းက ဖြစ်ရပ်မှန်မဟုတ်ပေမဲ့ ဖြစ်ရပ်မှန်တိုင်းကတော့ ဇာတ်လမ်းတစ်ပုဒ်ဖြစ်ခဲ့တာချည်းပါပဲ။ ~~~~~~~~~~~~~~~~ " Without ........ " ဇာတ္လမ္းတိုင္းက ျဖစ္ရပ္မွန္မဟုတ္ေပမဲ့ ျဖစ္ရပ္မွန္တိုင္းကေတာ့ ဇာတ္လမ္းတစ္ပုဒ္ျဖစ္ခဲ့တာခ်ည္းပါပဲ။