Tulang Tradisyunal: Samu't saring Tula Mula Sa Puso
Table of contents

    BINABASA MO ANG

    Tulang Tradisyunal: Samu't saring Tula Mula Sa Puso

    Poetry

    Ang tradisyunal na tula ay mga pahayag na kadalasang nagtataglay ng sukat at tugma sa bawat taludtod, o mga salita at paraan ng pagbuo ng pahayag ay piling-pili, matayutay, at masining bukod sa pagiging madamdamin.

    #tradisyunalnatula #tula #tulangtradisyunal

    Liham Pamamaalam

    6 1 0 
                                        
    
                                              
    Pagal na ang mga matang walang habas sa pagluhà
    Naghihintay lang sa wala na magliwanag ang talà
    Nang tahanan ay magningning at manumbalik ang diwà
    Naglaho na parang bula sa pag-ibig ay nagsawà.
    Lubos ako ay nasaktan ngayo'y nagdadalamhatì
    Sa salita'y nauutal hindi na kaya ng labì
    Nang nabasa ang 'yong sulat katawan ko'y naunsyamì
    Animo ay naiihì at para bang nakatalì.
    Sabi mo ang 'yong pangako hinding-hindi mapapakò
    Sapagkat itong tadhana hindi mabilog—mabirò,
    Tinitiis ko ang sakit ng sinturon mong pamalò
    Ngunit bakit ka lumayo at tuluyan nang naglahò.
    Nagpunta ng ibang bansa upang ikaw ay kumità
    Bakit nag-iba ka ina! nagkapamilya ng kusà
    Pa'no na si ama't ako rito sa salat na lupà
    Ang iyong mga ginawa batid kong hindi na tamà.




















    #LIHAM
    TRADISYUNAL NA TULA
    Paksa:LIHAM 
    Panuntunin sa Pagsusulat
    Saknong: 4
    Taludtod: 4
    Sukat: 8,8 bawat taludtod
    Tugmaan: Tuldik, Monorima (AAAA)
    Malumay - mga salitang binibigkas nang banayad o marahan, walang impit sa huling pantig. Hindi ginagamitan ng tuldik.
    Hal:
    mahinay, balakid, pasakit, larawan, mainam
    aso, tabako, masyado, martilyo, abogado, mestiso, palikero, papaya, dalaga
    Malumi - mga salitang binibigkas nang banayad o marahan, may impit sa huling pantig ng salita. Ginagamitan ng tuldik na paiwa sa ibabaw ng patinig ng huling pantig.
    Hal:
    wikà, lawà, diwà, talì, labì, sapì, lutò, birò, palò, pakò (nail)
    Mabilis - mga salitang binibigkas nang mabilis, walang impit sa huling pantig ng salita. Ginagamitan ng tuldik na pahilis sa ibabaw ng patinig ng huling pantig.
    Hal:
    alís, tahíd, kiskís, panís, walís, wakás, sabláy, talóng, itlóg, sahóg, bahóg
    libró, ngiló, waló, limá, dalawá, tatló, silbí, tindí,
    Maragsa - mga salitang binibigkas nang mabilis, may impit sa huling pantig. Ginagamitan ng tuldik na pakupya sa ibabaw ng patinig ng huling pantig.
    Hal:
    walâ, gawâ, mithî, sawî, malî, ngitî, likô, sampû, dugô
    Magsusulat naman tayo ng isang TRADISYUNAL NA TULA
    Paksa:LIHAM
    TRADISYUNAL NA TULA
    “Liham Pamamaalam
    Tulang Tradisyunal: Samu't saring Tula Mula Sa PusoTahanan ng mga kuwento. Tumuklas ngayon