( A/N ;;;အပေါ်ဆုံးမှာပြူးနေအောင်ထည့်ထားတာကိုတော့ ကျော်မသွားနဲ့လေနော်။ပြီးမှလာပြန်မေးရင်မပြောပြဘူး။
အိမ်နိမ့်စံဆိုတာက အိမ်ရှေ့စံမဟုတ်ပါဘူး။မင်းသားတွေထက်တစ်ဆင့်မြင့်ပြီး အိမ်ရှေ့စံမရှိရင် နန်းလျာမင်းသားဖြစ်နိုင်ပါတယ်။ဝမ်ကအိမ်နိမ့်စံကနေ မင်းကြီးဖြစ်လာခဲ့တာပါ။
စတင်စီးမြောနိုင်ပါပြီ )
✨Suwolga ✨
ဇာမဏီနှစ်ကောင် ရစ်သိုင်းထားပြီး ဖောင်းကြွစာလုံးတွေနဲ့ အလှဆင်ထားတဲ့ မိဖုရားကြီးနန်းဆောင်တစ်ခုကို အရိပ်ဖြူငယ်လေးဟာ ရပ်ကြည့်နေတယ်။
ဘေးနှစ်ဖက်မှာတော့ လိပ်ပြာဖြူလေးတွေ ဝဲပျံလို့။
ချယ်ရီတွေကြွေနေတဲ့ နန်းဆောင်။
ဒါ.....ဒါဟာ သူ့နန်းဆောင်။
တစ်သက်တာလုံးချစ်မြတ်နိုးခဲ့ရတဲ့ ပြည့်ရှင်မင်းတစ်ပါးဟာ သူ့နန်းဆောင်ရှေ့မှာဒူးထောက်ရင်း မျက်ရည်တွေကျနေတယ်။
ဘာကြောင့်လဲ......?
မျက်ရည်တွေမကျပါနဲ့လားအရှင်.....။
ရင်တွေကွဲထွက်မတတ်နာကျင်ရလို့ပါ....။
တစ်သက်တာလုံး ဆန္ဒရှိသလိုနေပေးခဲ့တယ်လေ......။
အေးချမ်းတဲ့နေရာကလာခေါ်နေချိန်မှာတော့ စွဲလမ်းပြီးမကျန်ရစ်ပါရစေနဲ့။
ကျေးဇူးပြုပြီးတော့......။
✨Suwolga✨
ဥယျာဉ်တော်ထဲက ငှက်ကလေးတွေ သီကျူးနေတဲ့ မနက်ခင်းလေး။
" အရှင့်သားနဲ့ဖုရန်တို့ နန်းတော်ကိုကြွမြန်းရပါမယ် အရှင့်သား "
အပြင်ဘက်က အထိန်းတော်ရဲ့အသံက အတွင်းခန်းထဲထိ ပျံ့လွင့်လာတယ်။သူ့ရင်ခွင်ထဲက အရိပ်ကလေးကလဲ ဖြည်းဖြည်းချင်း လွန့်လူးလာတယ်။
နာနေမှာသေချာတဲ့ ခန္ဓာကိုယ်ကြောင့် မျက်ခုံးတန်းလေးတွေစုကြုံ့သွားကာ သူ့ကိုဖက်တွယ်ထားတာတွေ ဖြုတ်ပြီး ထထိုင်ဖို့ပြင်နေတဲ့ သူလေးဟာ အမူအရာလေးတွေ ရပ်တန့်သွားတယ်။
