ရိပေါ်လက်ထဲက CD ချပ်ကသတ္တုရောင်ပြန်
နဲ့ဆေးရိုက်သားကိုခြစ်ထုပ်နေတယ် ။"ဘာလုပ်နေတာလဲ "
နှစ်ထပ်အမြင့်ကသူ့အခန်းပြတင်းပေါက်ကိုကျွီခနဲဖွင့်ပြီးခေါင်းပြူလာတဲ့ရှောင်းကျန့်ကြောင့်သူ
လန့်သွားပေမဲ့ပြုံးပြလိုက်တယ် ။ ပြင်ပလေမဝင်တာကြာတဲ့အခန်းထဲ လေအေးအေးကအလုအယက်အောက်ဆီဂျင်ဖြည့်တင်းပေးကြတယ် ။ စိတ်မချလို့ထကြည့်တော့လှေကားနဲ့တက်လာတာဖြစ်ပြီး အောက်မှာအိမ်အလုပ်သမားတွေက လုံခြုံအောင်ကိုင်ထားပေးကြတယ် ။"ကိုယ် CD အကြည်လေးတွေလုပ်နေတာ ၊ မင်းကရော? "
"ပျားအုံလေ အဲကွန်းစက်နားမှာစွဲနေလို့ "
"ဟုတ်လား "
ရိပေါ်ခေါင်းပြူကြည့်တော့ စက်နားသစ်ကိုင်းလေးမှာပျားအုံအတွဲလိုက်လေး ။
"ပျားအုံကိုဘာလုပ်ချင်? "
"ပျားသလပ်ကျိတ်မယ်လေ "
"မလုပ်ပါနဲ့ကွာ ၊ နေပါစေသူ့အိမ်သူ "
"မရဘူးစားမှာ "
"ကိုယ်ဝယ်ကျွေးပါ့မယ် "
"အဲ့ဒါသဘာဝမှမဟုတ်တာ "
"ကဲနေပါဦး စားတာမစားတာထက် မင်းအတုပ်ခံရမှာကိုယ်ပူတာ "
"ဒါလေးများအေးဆေး ပျားဘုရင်ရှောင်းကျန့်ဆိုတာငါပဲ "
"ကိုယ်ဖွတ်ပေးမယ် မင်းနေ "
"မင်းသာနေစမ်းပါ ပျားဘုရင်ပါဆိုဒါလောက်လေးကတော့လား "
. . .
မျက်ဝန်းတွေယောင်ကိုင်းတဲ့အထိငိုနေတဲ့ရှောင်းကျန့်ကိုသူမချော့တတ်တော့ ။ ပျားတုပ်ခံထားရတဲ့မျက်နှာလေးက ရုပ်ဆိုးနေပြီး သနားစရာ ။
"ကိုယ်ပြောပါတယ် "
"မင်းပြောရုံပဲပြောတာလေ အခန်းထဲဆွဲခေါ်ခဲ့ပါလား မင်းပျားတွေအကြောင်းသိရင် "
"ဟောဗျာ ကိုယ်... "
"မင်းမကောင်းတာ "
"အေးပါကွာ "
"နာတယ် "
"ဆရာဝန်ပြန်ခေါ်လိုက်ရမလား "
"မခေါ်နဲ့ ငါ့ကိုမျောက်လိုကြည့်နေတာသူက ၊ ငါပျားသလပ်လေးပဲစားချင်ခဲ့တာပါ "
YOU ARE READING
- M̶i̶s̶o̶p̶h̶o̶n̶i̶a̶ -
Fanfiction- This is just a work of fiction. Disclaimer // CW ဆေးပညာဘက်ဆိုင်ရာမှားယွင်းမှု ၊ အမှတ်မှားစေမှု စသည်တို့ဖြစ်စေနိုင်ပြီး ဆေးဘက်ဆိုင်ရာစာတမ်းများထက် တစ်ဦးတစ်ယောက်သာခံစားခဲ့ရတဲ့ရောဂါလက္ခဏာတွေကိုထည့်သွင်းရေးသားထားပါတယ် ။ အဓိကဇာတ်ကောင်သည် ရာသက်ပန်ရောဂ...