ရုန်ယိ ကိုယ်ရံတော်တွေကို လှမ်းမေးလိုက်သည်။
"သူပြောတာဟုတ်လား"
ကိုယ်ရံတော်တွေက ခေါင်းငြိမ့်ပြလာကြသည်။
ရုန်ယိ ထိုတွင်းကြီးနားကို အကြည့်တွေလှမ်းပို့လိုက်တဲ့အခါ အညိုရောင်ဝတ်စုံနဲ့လူကို တွေ့လိုက်ရသည်။
"ဆိုတော့ သူက ပထမအကြီးအကဲဆိုတာပေါ့.. သူ့မျက်နှာတည်ကြီးကိုကြည့်ဦး.. မသိရင် လူတိုင်းကဘဲ သူ့အပေါ် အကြွေးကြီးကြီးတင်နေတဲ့ပုံနဲ့"
ကိုယ်ရံတော်များ "......"
"ဒါဆို ဆဌမအကြီးအကဲကရော ဘယ်သူလဲ"
"ခက်ထန် ရက်စက်တဲ့အကြည့်တွေနဲ့လူက ဆဌမအကြီးအကဲဖြစ်လိမ့်မယ်"
"......"
ကိုယ်ရံတော်တွေက ခေါင်းထပ်ငြိမ့်ပြလာကြ၏။
"ဟုတ်ပြီ.. ငါမှတ်ထားမယ်"
ရုန်ယိက မျက်မှောင်တွေကြုတ်လိုက်ကာ
"ငါတို့ ဒီမှာဘဲတော့ စောင့်နေလို့မရဘူး.. သူတို့လည်း တိုက်ခိုက်လို့ပြီးရော ငါတို့လည်း အိုမင်းပြီး သေသွားနေလောက်ပြီ"
ကိုယ်ရံတော်များ "......"
ရုန်ယိခန္ဓာကိုယ်က ပြောလိုက်၏။
"တစ်ယောက်ယောက်ကသာ အဲ့တွင်းထဲ ခုန်ချလိုက်တာနဲ သူတို့တွေလည်း သေချာပေါက် လိုက်ခုန်ချကြမှာဘဲ"
ရုန်ယိက ခဏလောက်စဥ်းစားပြီးနောက် သူ့ခန္ဓာကိုယ်ကို ဝတ်စုံတစ်ခုထုတ်ပေးလိုက်သည်။
ရုန်ယိခန္ဓာကိုယ်က ဝတ်စုံပေါ်မှာ အဆင့်မြင့် ပျံသန်းခြင်းအင်းကွက်ကပ်လိုက်ကာ ဝိညာဥ်စွမ်းအားနဲ့ အင်းကွက်ကို အသက်သွင်းလိုက်ပြီး အမြန်ဆုံးအရှိန်နဲ့ တွင်းထဲကို ပျံသန်းသွားစေလိုက်သည်။
တွင်းထဲကို အနက်ရောင်အရိပ်တစ်ခု ဝင်သွားတာတွေ့တဲ့အခါ တိုက်ခိုက်နေကြတဲ့နှစ်ဖက်စလုံးကလည်း မျှော်လင့်ထားသလိုဘဲ တွင်းထဲကို အမြန်လိုက်ပြီး ခုန်ချသွားကြတော့၏။
လူအားလုံးခုန်ချသွားပြီးတဲ့အခါ ရုန်ယိခန္ဓာကိုယ်က အခြေအနေကို တစ်ခဏလောက် အကဲခတ်ကြည့်လိုက်သည်။ ဘာအော်သံ ဟစ်သံမှ မကြားရဘူးဆိုတာ သေချာတော့မှ သူပြောလိုက်သည်။
"လာ.. သွားကြစို့"
YOU ARE READING
ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]
Historical FictionI Became A Virtuous Wife And Loving Mother In Another Cultivation World Original Title - 贤妻良母 (xiánqī-liángmǔ) Original Author - 金元宝 (jīn yuánbǎo) English Translator - Guy Gone Bad Total Chapter - 315+ 14 extra **I'm just translate this and I don't...
![ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]](https://img.wattpad.com/cover/286996218-64-k128039.jpg)