١____٢
️
[البارت الاول]
بصوت قوي ثقب طبلة اذاناتنه عاط ؏ الولد وگال بصوته الشرس المُرهق من السهر...
-انهضضض قشمرررر
وگف العسكري ؏ حيله ودگله تحيله، حچه مُتمثل القوة...
-العسكري: حاضر سيدي
-ساعه بيش؟؟
-العسكري: ساعه 2:10 بالليل سيدي
-وشجاي تسوي چنت؟؟
صفن العسكري بوجهنه چنه قرد سكران، مبحلق عيونه ومثبتهن علينه، رجع صاح...
-ادبسزززز عايف واجبببك وگاعد ؏ الموبااايل
-العسكري: اسف سيدي
-شنو چنت تسوي ؏ الموبايل؟؟؟
ظل ساكت والهدوء احتل المكان ماسمع غير صوت الكلاب تنبح جاي من بعيد...
-وللككك احچيييي گو**
-العسكري: چنت اراسل صاحبتي سيدي
-اكيييد فاتحين كاميرا
-العسكري: نعم سيدي
گالهه وسد سحابة بنطرونه، ايا اثول فضح روحه ومستحيل هذا ابو لسان الزفر يسكت عليه..
فرك وجهه وحط ايده ؏ خصره وزئر...
-فاااااقدددد
همست بصوت ناصي...
-فاقد: أأمر سيدي
-فاقددد تاخذ موبايله وتكسره وتبلغ بي للآمر مالته
-فاقد: حاضر سيدي
-العسكري بترجي: اسف سيدي والعباس اخر مرة
-صوووتك اذا سمعته والخلقك انقلك لعرعر ولا تشوف مرتك ولا جهالك ادبسسسززز جاي هنا تتملعب ويه صاحبتك و**** سوه عبالك ماشوفك وما اللگففك وربك اذا انعاد الموضوع اشعل شيب الخلفك يا سرسري!!!
حچة هالكلام بجملة وحدة بدون انقطاع، سكت وجر نفس عميق ورجع هرج بيه بطريقته المُعتادة كلما تجيله الحالة...
-ولللللك فااااااقددددد
يا طلابة فاقد ويا حظ فاقد الملطم الصاير بنص الطين...
**
بــغــداد الساعة 15 : 8 صباحاً
لفيت شالي وجريت كحيله وحطيت حميره والمسكارا اكيد مننساهه ولطختين حُمر ؏ الخد، رفعت تك حاجب وباوعت لروحي بالمرايه وگلت بقهر...
-الله لا ينطيك حاتم
اجاني صوت نبع الحنان الرنان وهيه تتفنن بطريقه عياطهه وكل يوم مغيره الرنه حتى اخاف املهه...
-لچ يللللللله
-اييي أممميي اييييي
نزلت الدرج صارت بوجهي، واگفه ومتخصره...
