ذيب بابل

13-14-15-16

قًصّصّ 📝وَبّسِ🪐:
١٣_١٤

[البارت الثالث عشر]

دا ادير التمن بالمصفايه وصار صوت رجلين مشي بالمطبخ انداريت اشوف گلت اكيد ريتال، شهگت شهگه طلعت من نص گلبي والجدر راد يوگع من ايدي..

-؏ كيفچ ؏ كيييفچ

اخذت الجدر من ايدي واني باهته بوجهها..

-لُباب: شجابچ هنا؟؟

-اجيت اشوفچ

-شمعرفچ بمكاني؟؟؟

-لُباب اهدأي خلينه نسولف ؏ كيف

-تباااارك شجااابچ هنااا شمعرفچ اني هنااا؟؟؟؟!

-تبارك: لبوة شبيچ تخبلتي؟؟!

-خبلتوووني كلكم خبلتوووني

-تبارك: حقچ حبي بَـس اهدأي وتعاي نگعُد بره نسولف

سحبتني من ايدي وتمشينه للصاله وريتال راحت للمطبخ..

-لُباب: انتي اخت ذيب؟

هزت راسهه..

-ليش مگلتيلي من قبل؟؟

-تبارك: لُباب فدوه اسمعيني...

-يعني چنتي تضحكين عليه واصلاً مو صديقتي؟؟! لو طلعتي انتي اخت ذيب مجرد صدفه؟؟؟

-تبارك: لُباب ذيب يخاف عليچ وگلي احچي وياچ و......

-يعنيييي اخووووچ حاطچ جاسوووسه عليه موووو؟؟؟؟؟

-مو جاسوسه يا عيني بَـس سمعينيي.. ذيب من خوفه تصرف هالشكل ورادني اتقرب منچ ونصير صديقات

-وشيستفاااد؟؟؟؟

-هوووواي استفاد هووواي

-مثل؟؟؟

-تبارك: چان يتطمن ان انتي بخير وماصارلچ شي

-وليش يصيرلي شييي طلعتوو كلكم مخابيييل داده

-لا لبوة مو مخابيل بَـس الموضوع چبير وصدگيني اني بنفسي لسه ماعرف شكو

-وصرتي صديقتي هيچ بَـس لان اخوچ گلچ!!

-بالضبط ويشهد الله كُلش حبيتچ واحس صرتي جزء من يومي ومن ما اسولف وياچ بيوم يظل بالي عليچ

-وخرييي عني كذابه شنو شايفتني جاهله گدامچ!!

-حقچ بكلشي تگولي بَـس والله اني مو نيتي أذيچ وترا ذيب جاي يحاميچ ويخاف عليچ بَـس انتي ماچنتي كُلش صادقه ويايه وخفيتي عني هواي شغلات

-طبعاااً ليش شكووو اسولفلچ سجل حياتيي انتي منووو؟؟ كله ؏ بعضچ صديقه الكترونيه ترديني انطيچ شجرة العائله بعد؟؟!

-بَـس اني سولفتلچ كلشي

-وشمعرفني مچنتي تكذبين

ذبلن عيونهه وتقوس حلگهه...