قًصّصّ 📝وَبّسِ🪐:
[البارت الرابع والاربعون]
عن لسان داغر:
جازيت الدمع حد نزف العيون
وبـــڰــلبي الحزن سكنته ممنون
من راد الفرح يدخل على البــيـت
ســــد البيت بابه وصاح مسكـون
من كد ماحملت بروحي حسرات
زهڰـت الاصابع عــض السنـون
داينت العــمر للـرادني بــعــــوز
من عازتني روحي اطلعت مديـون
شعــتب عــالحمل لو قصر الحيل
شــني ذنــب الحـمل اعتب عالمتون
انــــه مــعاشـــر وكــت متلثم بليل
على عيــون الصبح بلـثام الظنـــون
عــلى حــــساب العـمر ينعدن ايام
يــوم يكــل للاخر باجر تهـــــــــون
✩✩✩✩✩ ✩✩✩✩✩
-تبارك: جاااي تنزف ماما شوفو الددددم
-سحر: عمتت عيننيي ولچن گعدنههه
-ملاك: جيبو مي بسررعه لچ نجوووم طيررري
ركضت نجوم للمطبخ وكلنه محاوطين لُباب الغشيانه، شممناهه عطر وذبينه المي ؏ وجهها حست، فتحت عيونهه بتعب ذبلانه وصايرة غائره...
-تبارك: حبي لُباب تسمعيني؟
-لُباب: بطنيي اااه
سندناهه ودخلت وياهه اني للحمام وبده النحيب والنواح، تخبلتتتت تبچي وتصيح بأعلى صوت شلون الجاي تجيب لازمه ظهرها وعاطت بيه...
-طلعييييي تباررررك طلععععي
-خلينه وياچ فدوه متگدرين وحدچ
-لاااا ااااه لااا روووحييي
عرفت بيهه تستحي مني وعفتهه وحدهه بالحمام ولگيت الأمة العربيه واگفه بالباب، ظلينه ننتطر بالباب ميتين قهرر نسمع عياط لُباب الجاي تسقط اوووف انمرد گلبي ويه كل صوت تصيحه، تلهج بكلمة "امي لحگيلي" وتبچي..
-لُباب: ماااامااااااا اااااااه دا امووووووووووت
حاولنه نفوت عليهه من حسيناهه انهارت حتى صوتهه اختفى وهيه قافله الباب متقبل نفوت..
سمعنه صوت موبايلهه يدگ راحت نجوم تشوفه واجت تگمز وتصيح...
-نجوم: دااغر هذااا دااغررررر يبووو يبوووو
-سحر: صخااام الصخممني تعززززينه اليوم ولچن تعزززينه
-هند: كااافي يمعودات انطونه صبررر
اخذت الموبايل من ايد نجوم ورحت جوه حاچيته وگتله نايمه لُباب صدگ بسرعه همزين ماشلع گلبي، سديته ورجعت للصاله واشوف امي خربانه وواگعه وملاك وشُعلة وبيبي محاوطاتهه..
حرت وين اروح مادري دخت البيت مخبوص وهووسه ماعرف شسوي، تطمنت ؏ امي ورجعت لـ لُباب نجوم چانت واگفه بالباب تصيح بيهه..
-نجوم: لُباب فتححي الباااب لُباب فتحيييههه
-لُباب بتعب: روحو ماريد احد
