unicode
Chapter 29
မိသားစုတွေ့ဆုံပွဲမှာ တော်ဝင်ဥယျာဉ်ထဲတွင် ဖြစ်သည်။
လင်းကျဲ့သည် ရှန်းချင်းဟန်၏နောက်မှာ နီးကပ်စွာ လိုက်လာပြီး သူ ဘယ်တုန်းကမှ မမြင်ဖူးခဲ့သောပန်းပွင့်များ အား ကြည့်နေသည်။
“ဟေး ဟေး ရှန်းချင်းဟန်၊ ဒီပန်းနာမည်က ဘာလဲ”
“…”
“ဒီပန်းတွေကကော ဘာတွေလဲ”
“…”
“ဒါတွေကရော”
ရှန်းချင်းဟန်က ပြန်မဖြေသော်လည်း လင်းကျဲ့သည် မမောနိုင်စွာ မေးမြန်းလျက်ရှိသည်။
လင်းကျဲ့သည် သူ၏အင်အားကို ဘယ်နေရာက ရလာသလဲဆိုသည်ကို ရှန်းချင်းဟန်မှာ အမှန်ပင် နားမလည်နိုင်ပေ။
“ရှန်းချင်းဟန်၊ ရှန်းချင်းဟန် ဒီပန်းနာမည်က ဘာလဲ”
လင်းကျဲ့သည် တောက်ပသော အရောင်ရှိသည့် ပန်းပွင့်အား ညွှန်ပြလျက် အံ့အားသင့်စွာဖြင့် မေးလိုက်သည်။
“ငါပြောပြရင်တောင်မှ မင်းသိမှာမဟုတ်ဘူး၊ မြန်မြန်လျှောက်”
ရှန်းချင်းဟန်သည် လင်းကျဲ့၏ အင်္ကျီလည်ပင်း (ကော်လာ) အား ဆွဲ၍ သွားလိုက်သည်။
“ဟေး ဟေး ဟေး”
နောက်ဆုံးတွင် လင်းကျဲ့သည် တစ်လျှောက်လုံး ဆွဲခေါ်သွားခြင်း ခံရလေသည်။
သူတို့သည် ဥယျာဉ်အနီးသို့ ရောက်လာသောအခါ ရှန်းချင်းဟန်သည် လင်းကျဲ့အား လွှတ်ပေးလိုက်သည်။
“ကျွန်တော့်မှာ ခြေထောက်တွေရှိပါတယ်၊ ခင်ဗျားဆွဲခေါ်စရာ မလိုပါဘူး”
လင်းကျဲ့သည် သူ၏အဝတ်အစားများကို သပ်ရပ်စေရန် ပြုပြင်လိုက်ပြီး မပျော်ရွှင်စွာဖြင့် ပြောလိုက်သည်။
“တိုတယ်၊ နှေးတယ်”
ရှန်းချင်းဟန်က ပြောလိုက်သည်။
လင်းကျဲ့၏ပါးစပ်မှာ ရွဲ့သွားပြီး ပြောသည်။
“ဒါက ပုဂ္ဂိုလ်ရေးအရ တိုက်ခိုက်မှုလို့ မှတ်ယူနိုင်ပါတယ်”
YOU ARE READING
ထွက်ပြေးချင်နေသော အိမ်ရှေ့စံမိဖုရား
Romanceဘာသာပြန်သူ- နေရီ လင်းကျဲ့က ချစ်ဖို့ကောင်းတဲ့ ကောင်လေးပါနော်။ ဘာသာပြန်သူက တော်တော်လေး ကြိုးစားပြီးတော့ ပြန်ထားတဲ့ စာစဉ်လေးပါ။
