حلم لم يكتمل

بارت الخامس

حلم لم يتكمل

كاتبه زوزه
...........................
هلي خلوا الحجي مدثر
هلي لو بيدي مااكبر

....................................... 
مرت ايام عادي من يجي خطيبي اخلي اخوي واختي وكلنا نكعد يمه ابد ما نكعد لوحدنا طبعا خطيبي اسمه عمر هو جابلي تليفون بس مو دائما نتخابر اني وياه حتى لو نحجي فكلامنا محدود بهاي فتره عمتي ام غيث كلش جانت ضايجه لن اي شخص يشوف خطيبت غيث يكلها ضلمتي غيث بيها كلش محلوه مر على خطوبتي شهر  وعمر كام يخابر يوميه وليل كله يريد يحجي بل تليفون فانطي الجهاز. لزهراء اختي لن اثنينا نفس الصوت اضل تحجي وياه ليل كله ومرت الايام عاديه
عمر : هلو زينب اشلونج
زينب : طبعا اتصال بل نهار واختي طالعه ويه امي فضطريت انو ارد عليه .....هلو عمر تمام انته اشلونك
عمر : اذا انتي بخير اني بخير
زينب : دومك شعجب اتصالت بهيج وقت اليوم مااطالع للشغل
عمر : لا والله مطلعت اخذت اجازه
زينب : ليش اخذت اجازه اخاف مريض
عمر : لا مابيه شي بس اريد اجي من وكت الكم عندي موضوع ضروي احجي ويه ابوج بيه
زينب : هله بيك شوكت ما تجي بس شنو الموضوع
عمر : والله يا زينب البارحه رقم غريب خابرني وكال انو امج عدها علاقات غير شرعية وقبل طلكت بسب هذا الموضوع ورجعت وهسه اتعلمجن انتن هم على هاي العلاقاات وصراحه اني سالت وكالوا صح هيه طلكت بس محد يعرف موضوع العلاقات ومحد انطاني خبر اكيد
زينب : طبعا من حجه هيج كلش تعصبت ونكرت هل موضوع انته منو سمحلك تحجي هيج وياي وشنو انته حضرت جنابك دور ورانا اذا ما عاجبك افسخ وانتهى الموضوع لا تضل تصفط حجي بكيفك
عمر : اكيد افسخ لعد عبالج ابقى ويه وحده امها عدها علاقات مثل ما امج تخون ابوج انتي هم تخونيني
زينب : كلش اذاني بهذا الكلام ولكم افهموني اني اريد  بس سند احمي روحي بي قويت روحي وكتله.....مااسمحلك تحجي هيج تعال ويه بابا وتفاهم
عمر : اكيد اني مااعندي حجي ويه نسوان هسه اخابر غيث واجيبه واجي
زينب : سديت موبايل بوجهه كلش نرفزني وصرت عصبيه ضلت ساكته بس افور احس كل الي ديصير بسبب غيث حتى مااعرفت عليمن ادعي على امي لو ابوي اناني لو غيث الي خلني احبه وتركني بنص الطريق لو أمه الي وكفت بوجه حبنا ماادري عليمن ادعي بقيت بس ابجي على حضي وتالي ما يوم راح تضحكلي الدنيا يربي اريد بس سند احمي روحي بي من هاي الووحوش وره ساعتين اندك الباب وطلع بابا
الاب : هله عمو غيث تفضل
غيث : السلام عليكم تعال عمر
عمر : السلام عليكم اشلونك عمي
الاب : هله بيكم اشلونكم تفضلوا تفضلوا
زينب حضري ضيافه
زينب : وديت لهم ضيافه وسلمت عليهم وردت اطلع
عمر: ابقي زينب خلي يصير الحجي بحضورج
الاب : شكو عمر صاير شي
غيث : صلوا على نبي وخلونا نتفاهم كلشي اله حل
الاب : شكو صاير فهموني
عمر : والله يا عمي قبل يوم اتصل عليه رقم غريب وكالي انو ام زينب عدها علاقات غير شريعه وانته طلكتها قبل سبب هذا الموضوع
الاب : انته اشلون تجرأ وتحجي بشرفي هيج مااسمحلك يله كوم اطلع بره وما عدنا مره الك
غيث : عمي استهدي بل الرحمن وخلونا نتفاهم
الاب : هو هذا صديقك خله شي نتفاهم عليه بنص بيتي ويحجي على عرضي
عمر : يعمي اني مااحجي على. عرضك لو عندي اريد احجي مااجيت وخطبت بس رقم الي اتصال عليه دوخني وخاصه هو يعرفكم وانطاني كل تفاصيلكم واي شخص بمكاني يشك بل موضوع
الاب : منو هذا الي اتصال عليك ما عرفته
عمر : والله مااعرفه
الاب : شوف عمر اني صح قبل طلكتها لحرمتي لن جانت اكو مشاكل بيناتنا وساعه شيطان وطلاكتها .....طبعا بابا انكر كل شي وخله صوره ماما كدام عمر ابيض من الابياض .....
عمر : اني اسف يا عمي وحقك عليه بس انته روحك بمكاني اني ردت اجي واتاكد وخلي ابوس راسك واني اعتذار وانتي زينب اني هم اعتذار منج اخاف حجيت شي محلو بحقج اني كلش اعتذار منج
الاب : بويه اعتذارك مقبول ومره ثانيه لا تصدك كل شئ ينحجي
عمر : أنشأ لله عمي
الاب : اني اعرف من وره هااي مشكله
غيث : منو عمي
عمر : انته تعرفه ؟؟
الاب : اي شي اكيد هذا طليق بنيتي زهراء وره هاي مشكله طلك اولى ويريد يوكف بقسمة الثانيه الله يسامحه
غيث : عمي تريد نروح ونتفاهم وياه
الاب : لا بويه عوفوا الله ياخذ حقنا

زينب : طلعت من الاستقبال لن حسيت روحي اختنكت حيل إلى متى نبقى نستر على ماما والى متى اضل دمر مستقبلنا وشنو الشي الي يخلي بابا يستر عليها عمر وغيث ضلوا يحجون شويه بعدها استاذنوا وطلعوا  واني لميت البيت وراهم ودرت انام بس اتصال عمر
عمر : هلو زينب اشلونج
زينب : هله بيك الحمدلله
عمر : بعدج شايله بكلبج عليه
زينب : تره الي سويته ما يغتفر بسرعه
عمر : صح حقج اني جنت متسرع بقراري ومااعرفت اميز الصح من الغلط اسف سامحيني
زينب : مسامحتك ولا يهمك
عمر : من كل كلبج لو بس حجي
زينب : لا اطمأن من كل كلبي
عمر : يبعد روحي اي عفيه هيج صيري سباعيه لا تخليني شي يفركنا
زينب : أنشأ لله
عمر : اي حبي زينب شوكت عاجبج نروح نعقد
زينب : بكيفك ماادري اني
عمر : ما بالج يوم محدد أو يوم انتي تردين نعقد بيه نروح اني وياج المحكمه ونعقد
زينب : لا والله ما بالي يوم انته شوف يوم يناسبك وما عندك شي ونروح اني وياك
عمر : لعد خليها على. اسبوع الي جاي 
زينب : اوكي براحتك الي اتشوفه مناسب
عمر : زينب صح اني متسرع وعصبي وما انحمل بس اني يتيم الأب والام انتي صيري امي وأبوي وام بيتي وام جهالي لا تخلين هاي عصبيتي تأثر علينا خلينا واحد يسند الثاني
زينب : شنو الي بيدي اسوي اذا انته كلش عصبي وما تتفاهم
عمر : كل الي عليج تسوي من تشوووفيني عصبي لا ترادديني انتي اسكت من اهداء نتفاهم اوكي حبي
زينب : تمام احاول ماااكلك اني كدها بس احاول الزم لساني
عمر : تمام حاولي شكد ما تكدرين حاولي حتى نستمر بعلاقتنا بحلوها ومرها
زينب ::تمام عمر راح احاول واسوي كل الي اكدر عليه
عمر : يله زنوبه اني. اروح اريد اتسوك للبيت من اخلص اخلص شغلي اخابرج
زينب : تمام باي

سديت الخط من عمر واني افكر شنو نهايتي ويه عمر ..............

انتضرونا بارت جديد ولاتنسون تصويت وتعليق حلو مثلكم

حلم لم يتكمل
الكاتبه زوزه