حلم لم يكتمل

بارت ١١

حلم لم يتكمل
الكاتبه زهراء حسين
_____________________________🦋
يا گلبي حطلك گلب لا اشلعك من العرگ

مو تدري طبعك گطن

المن تماشي الفحم

ماخايف من اللثگ
__________________________🦋

زينب سديت الخط من عمر واني مكسور خاطري جان بنفسي اروح للفندق بزفه بس هو ما قبل كلت يله هسه بقت على هاي كلشي انحرمت منه نمت على أمل بأجر يكون احلى واحسن  وفزيت على صوت هوسه وحجي وصياح غسلت وجهي وطلعت اباوع عليههم كلها مخبوصه الي ينضف والي يتريك والي يعزل وصايره هوسه هاي كلها صفحه وهوست جهال صفحه ثانيه
زهراء : صباح الخير
زينب : صباح النور
زهراء : اشلونها عروستنا الحلوه
زينب : الحمدلله بخير شنو هل هوسه
زهراء : تره شي عادي وطبيعي غير كلها مخبوصه هو هذا العرس هيج يصير شنو جديده علي
زينب : مااعرف احس مالي خلك اسمع ولا صوت اريد انام
زهراء : لا عيني يا نوم بيبي خبصتنا عليج كعدوها وكعدوها وهسه انتي تردين تنامين
زينب : ليش بيبي شتريد مني
زهراء : لن بيبي هيه تروح ويانا للصالون وتريدج تكعدين من وكت دكول احسن حتى تخلص بسرعه وهم ما نتأخر بصالون
زينب : ماما ما تروح ويانا
زهراء : لا ما تروح بيبي كلتلها ابقي اني اروح وانتي استقبلي الخطار ورتبي البيت ونضمي كلشي
زينب : ها تمام
زهراء : يله عوفج من الحجي وبسرعه خلصي حتى تتريكين
زينب: لا مااريد ريوك مااشتهي
زهراء : تريكي لا بعدين دوخين وبعد شيخلصج من بيبي
زينب : اوكي اني راح ابدل واجي
زهراء : يله حبي عفيه عليج وهم بطريقج ابتسمي لا تبقين هيج معبسه
زينب : احاول
زهراء : يله اني رايحه وانتي الحكيني

زينب : راحت زهراء واني ردت ابدل كعدت بملل مالي خلك ابدل احس نفسي ما جاهزه لهيج يوم تعوذت من شيطان وبدلت وحضرت غراضي وطلعت
زهراء :: زنو حبيبتي تعاي تريكي
زينب : لا مااريد مالي نفس
غيداء :: اي اكيد من فرحه مالج نفس بس ميخالف لزم تأكلين لكمه حتى لا دوخين بعدين
زينب :: والله يا عيوني مالي نفس اكل عود من نرجع
زهراء : لا حب قلبي لزم تأكلين حتى لو شويه
زينب : تمام ............
اكلت وجهزنا نفسنا وطلعنا اني وبيبي وزهراء عبالي راح ناخذ تكسي ونروح للصالون بس صدمه الي حسيت كلبي يرجف من شفته واكف منتضرنا حتى يأخذنا الف سوال بالي ليش اجه ليش مو وكته مفروض هاي فتره كلها يختفي من كبال عيني ليش من احاول انسى يصيير كبالي
غيث : السلام عليكم
الجميع :: وعليكم السلام
غيث :: اشلونكم يأبه
الجميع : الحمد لله
زهراء : ليش اجيت احنا ناخذ تكسي ونروح
غيث : لا يأبه شني سالفه اني اخذكم واني ارجعكم
زهراء : ما نريد نتعبك
غيث : لا تعبكم راحه يله عيني اصعدوا خلي اخذكم
زينب :: صعدنه واني ساكته ما حجيت ولا كلمه كعدت وراه وهو كلساع يباوعلي من جامه نص الطريق وشغل اغنيه

مااريد بأجر يجي
بأجر حبيبي يروح
ياربي كبل الصبح موتني
وأخذ الروح مااريد اشوف الغالي
مني يضيع كبالي
بوداعه راح انجرح
ما عايز أنا جروح
يا زمن ارتاحيت سويت الي ردته
الغالي راح يروح هسه ارتاح انته

زينب : اسمع واحس روحي اختنكت ودموعي بطرف عيني شفته يباوع عليه بل مرايه وصارت عيوني بعيونه عيونه صايرات لونهن احمر وادري بي عصبي بس هو يتضاهر كانوا مصاير شي شفته وبسرعه وكعت دمعتي ما سيطرت عليها حسيت روحي انسلبت مني تمنيت هل لحضه ويوكف الزمن لو يطلع كل هذا حلم بس هيهات لا. حياه لمن تنادي زهراء انتبهت علينا
زهراء : شني سالفه ابن عم
غيث : شنو شكو
زهراء: احنا فرحانين وعرس طلعنا غير هاي الاغنيه
حزينه محلوه غيرها حباب
غيث : اي دللي ست زهراء اني بل خدمه
زهراء : بضحكه . ... خادم ربك عيوني
غيث : يله وصلنا انزلوا
زهراء : يله عيني تعبناك اليوم ويانا
غيث :: لا اني بل دللوا ..... من تخلصون اتصالوا عليه اني ارجعكم
زهراء : لا كافي وصلتنا احنا ناخذ تكسي منا ما نريد نتعبك
غيث : لا يمعوده تكسي شنو خابروني ما عندي شي اني ارجعكم
زهراء : تمام براحتك من نخلص نخابرك
زينب : وصلنا للصالون ونزلنا طبعا صالون مالت ماما خلصنا
زهراء : حبيتي عجبج مكياج وستايلج
زينب : اي حبي هذا هو
زهراء : لعد تمام اخابر غيث حتى يرجعنا
زينب : عوفي لا تخابري خلي نرجع بتكسي
زهراء : لا يمعوده شفتي اشلون مصر يرجعنا وبس أخذ تكسي هاي بيبتج تسويلنا سالفه خلي نعديها على خير 
زينب : تمام الي تشوفي مناسب سووي

اتصلت زهراء بغيث نص ساعه واجانه صعدت وأني احاول اغطي وجهي حتى لا يشوفني ولا اشوفه احس كلشي واكف على شعره وممكن كلشي يتهدم بلحضه زهراء تحاول ترفع غطاء عن وجهي حتى لا يخرب المكياج واني ارجعه من وصلنا نزلت بيبي اول وحده وبعدين زهراء بدت تساعدني حتى أنزل
نزلت وهو اجه ساعدني وكمش يدي ولما ردت ادخل للبيت
غيث : شوفي الوكت الغبر مي عيني راح ازفها بيدي للغيري
زينب :: ما حجيت ولا كلمه غير باوعتله بنضره خيبه والم وخذلان وجرح وفراق نضره مستحيل احد يكدر يفسرها بس الي عاشها دخلت وشفت غيداء مدمعه عيونها واقتربت مني
غيداء : حبيبت كلبي طالعه جننين
زينب : شكرا حبيبتي
بدت البنات يركصن ويهلهن واني بعالم ثاني كلساع اصفن وارجع الواقعي واضحك بل الوجوه جذب بعدها كالوا اجوا اهل العريس دخلت نسوان هلاهل وهوسات وبعدها دخل عمر بدلنا الحلقات وضل كاعد شوي وراها بأس راسي وطلع 

لا تنسون تصويت وتعليق حلو مثلكم