حلم لم يكتمل

بارت السابع

حلم لم يتكمل

الكاتبه زوزه
.................................................

زهراء : دعوفي هاي سوالفج وروحي بدلي يله تره غيث وعمر يم بابا  كاعدين مننتضريج تخلصين
زينب : وشعنده غيث.جاي
زهراء : وشمدريني شعنده غيث جاي يله كومي كدامي
زينب : حاضر ........ كمت مباشره للحمام
زهراء : يله يمعوده تره بابا خبصنا
زينب : يله خلصت خلصت شبيكم مستعجلين
زهراء : شمدريني روحي اسالي ابوج
زينب : كملت. وطلعت بدلت لكيت زهراء منتضرتني حتى تخليلي مكياج كعدت وبدت هيه تخليلي  وترتب مطولت هواي وخلصت
زهراء : يله عيني كومي شوفي نفسج اللهم لا حسد ولج شهل جمال
زينب : يروحي تسلمين مو بجمالج
زهراء : الله يحفضج من العين يارب يله كومي شوفي نفسج واذا شي ما عجبج كليلي حتى اغيره
زينب : اوكي هسه اشوف ...... شفت نفسي تفاجاءت  طلعت صدك حلوه ونازكه مكياج كلش حلو ومناسب ونازك واني داباوع على مرايه سرحت بخيالي شنو الي يصير لو هسه عقدي اني وغيث راح تنكلب الدنيا مثلا اوف يربي لا أهل بيهم خير ولا حبيب يدافع عليج وياخذج غصب عن الي يرضاء والي ما يرضاء
زهراء : شني الحلو وين صافن اخاف من عجبج مكياج اغيره الج
زينب : لا بلعكس كلش حلو ومرتب عاشت ايدج
الاب : زينب زينب وينج
زينب : ها بابا أهنأ اني
الاب : شنو تسوين ليش تاخرتي
زينب : بابا داحضر نفسي خلصت
الاب : هاي شنو مسويه بوجهج امسحي يله
زهراء : ليش بابا تمسحه كلش حلو واصلآ ما مبالغه بي
الاب : وانتي شنو محامي دافع الها
زهراء : مو محامي بي خطيه تكسر فرحتها
الاب : بدون لغوه زايده امسحي يله
زينب : كلش انصدمت من ردت فعل بابا حتى بهاي ما يخليني افراح .......... تمام بابا لا تعصب راح امسحه
زهراء : لا لحضه ما تمسحينه انتي ما مسويه شي غلط
الاب : انتي شنو تتحدايني  لا وطالعج السان فوك ما متحملج هم مطلقه وهم ضاله على كلبي
زهراء : والله عايشه بفلوسي ومعيشتك هم
الاب : لا انتي السانج حيل طولان يراد كص
زينب : كافي زهراء خليها تعدي على خير  هذا هو بابا هسه امسحه
الاب :  يله امسحي بدون لغوه وثانيا اريد اكلج انتي راح تعقدين ممنوع تاخذين صور اهناك افتهمتي وكلامي مااعيده مرتين

زينب :: طلع بابا وخلني بحاله صدمه على حزن غيم حيل على كلبي دمعت عيوني اريد ابجي
زهراء :: يحضي عليمن تبجين وعلي مااسكت اله اصبري. اتصال على امي واكللها

زينب : اتصلت زهراء بامي وخبرتها بكل الي صار وكلتلها اني اتفاهم وياه نص ساعه واجه بابا

الاب : يله عيني ست الحسن فضيني  لا تمسحين المكياج خلي بس الصور ممنوع تاخذين
زينب : حاضر بابا راح ألبس عباتي واجي
الاب : يله بسرعه فضيها
زينب : عرفت ماما مقنعته انو مااامسح المكياج  بس بعدهي غصه بداخلي
زهراء : مو كتلج هسه اخابر امي وتتفاهم وياه
زينب :: الله كريم خلي البس عباتي لا انوب يسويله سالفه جديده ................. كمت بدلت وطلعنا بسياره غيث

انتضرونا بارت جديد ولاتنسون تصويت وتعليق حلو مثلكم

حلم لم يتكمل

الكاتبه زوزه