حلم لم يكتمل

بارت الأخيرة

حلم لم يتكمل
الكاتبه زهراء حسين
________________________

زينب : جهزت نفسي والبنات حتى عمر يأخذنا وصدك طلعنا متوجهين البيت عمي طبعا همه قريبين على بيت عيالي عمر أخذ البنات لأهله واني دكيت الباب على بيت عمي فتحت الباب بتهم الصغيره دخلت مباشره شفت مرت عمي الي صاير بيها لا يسر لا صديق ولا عدوه
ام غيث : ها انتي زنيبه
زينب : اي عمه هاي اني
ام غيث : ولج حبيبج راح
زينب : هسه عرفتي هو حبيبي ..... حجيت هل كلمه واني انهرت من بجي حسيت الي جنت كاتمته بكلبي طلعته بجيت بحركه كلب لدرجه كل الي بل بيت اجه وبجه على صوت البجي مالتي بجيت لحد ما حسيت نفسي راح يغماء عليه من كد البجي عمتي ارتفع عدها الضغط ضليت ساكته واباوع بل الوجوه اريد اشوفه بينهم

رنا : زينب اشلونج
زينب : الحمدلله
رنا : تعاي نصعد اني وياج فوك
زينب : ليش
رنا : عندي موضوع اريد احجي بي اني وياج
زينب : ليش ما تحجين أهنأ
رنا : المصلحتج مااريد احرجج تعاي نصعد فوك
زينب: صعدت الغرفه مالتهم واباوع صور العرس واحس الغرفه تخنك بيه ..... رنا وين كنتور غيث
رنا : لا حبابه لا تفتحينه والله من اشوف هدومه وأتذكر بعد هو ما موجود وبعد مااراح يلبسهن احس حتى الهواء يخنكني
زينب: ماكدرت احجي ولا كلمه بعد
رنا : شوفي قبل يومين جابوا غراض غيث
زينب : شنو يعني
رنا : الي أقصده موبايله ومحفضته فتحت موبايله لكيت محادثات انتي وياه شكد جنت اكرهج ومااحبج واحسج راح تأخذين غيث مني بس البارحه حسيت على جنت اسوي شفت محادثتكم شكد جانت طاهره وما بيها شي غلط شكد جان حبكم طاهر ونقي تندمت لن وكفت بطريق قسمتكم
زينب : لا تعذبين روحج السبب مو منج هاي قسمتنا واذا انتي اليوم جايبتني الاهنا حتى تحجين هيج فأحب اكلج كلامج هذا مراح يفيدنا لا يقدم ولا ياخر بعد ماايفيد الحجي
رنا : اني خليتج اليوم تجين لاهنا بس حتى انطيج شغله لكيتها بمحفضت غيث واعتقد هذا الشغله الج ما يصير اخذها
زينب : اباوع انطتني كلاده فضه قلب ومحفور بي زينب
رنا : هاي للكلاده تخصج اني على مودها اليوم خليتج تجين
زينب : اني مدري اشلون اشكرج ممكن هذا الكلام يجرححج بس والله اني محتاجه ولو قطعه وحده تبقى عندي من غيث تره والله لحد لأن فكره موته ما مقتنعه بيها
رنا : ولا اني وصلن كلساع اكول هسه يطلع جذب ويدخل علينا ويفرح كلوبنا
زينب: الحمد لله على كل حال

زينب : رجعت البيتي بعد مااخذت شي يخليني احس بوجوده يمي بكل وقت مرت الايام والشهور طبيعي الكلاده ابد ما انزعها ومرتين رحنا اني وعمر زرنا وراها بفتره حللت وطلعت حامل مااكدر أزوره ولا اروح اله ولاودت وره ولادتي باربع شهور بعد ما شرفنا امير ابني  رحنا اني وعمر وأخذنا اموري اله وهيج مرت على وفات غيث سنتين عمر صار اسبوع اشوفه متغير وأسلوبه هم متغير ويدخل للبيت بأوقات متاخره واليوم منتضرته وصارت الساعه بالخمسه الصبح وهو ماكوو نعست ودخلت الغرفه حتى انام وسمعت صوت الباب الخارجي انفتح عرفته هوو اجه شوي ودخل الغرفه
عمر : بعددددج كاعده
زينب : وين جنت
عمر : معليج شو وخري هيج اريد انام
زينب : عزا العزاك عمر شنو هل ريحه
عمر : ضاهر ما راح تخليني انام تعاي للاستقبال افهمج
زينب: طلعت من غرفه رحنا على استقبال لن ما خفت الجهال يكعدون ....... شتفهمني عمر شنو هذا
عمر : عر...........اك شنو مشايفه
زينب: صدك تحجي انته شكبرك بعد تصير ما تفكر عندك جهال بأجر عكبه يقلدوك صدك جذب
عمر : هييييي انتي لا تكعدين تحاسبيني
زينب : احاسبك ونص عمرررررررررر مره ثانيه اذا اجيت للبيتت شاررررررررب تشوف شي ما يعجبك
عمر : تعاي لج انتي تصيحين عليه
زينب ما حسيت اله على شعري انجر بحيث نصه تكطع بيده ضربني واذاني بكل همجيه وحشيه وهو أصلن ما واعي على الي يسوي عافاني بل كاع وراح بقيت اوون لحد ما غفيت بمكاني وماادري شوكت نمت بس كعدت على أدين. ناعمه تلزم وجهي
اسينات : ماما لا تعوفيني اني احبج
زينب: امممممم ماعوو فج حبيبتي اني وياج للابد
اسينات : يمه خفت عبالي راح تموتين
زينب : لا بعد امج لا تخافين
اسينات : ماما ليش وجهج بي دم
زينب: هاااا......... مو البارحه وكعت من درج ابوج وين
اسينات : نايم اكعده ياخذج للدكتور
زينب : لا حبيبتي هسه اسبح واصير زينه
كمت سبحت وفتحت ألمي ودموع تجري ويه الماي ليش بشنوو قصرت وياه ليش هيج وهواي اساله ضليت ابجي لحد ما حسيت راسي راح ينفجر طلعت وحضرت اكل للبنات خطيه منتضراتني واني مالي نفس اكل ضليت منتضرته لحد ما كعد
عمر : هلو الحلوين شيسووون
اسينات : هله بابا هله
عمر : يمه فدوه للبابا شبيها امج كالبه خلقتها
اسينات : ماما وكعت من درج
عمر : صدك هل حجي
زينب : لا تسوي روحك فقير وغشيم وما تريد شنو صاير
عمر : بابا اسينات العبي ويه اخوانج وديري بالج عليهم هسه نجي اني وماما تعاي زينب الغرفه اريدج بشغله
زينب : رحت وره الغرفه لن ما اريد جهالي يفهمون ...تفضل شرايد
عمر : احجي شكو لا تبقين تشمرين بل حجي
زينب : انته شنو من بشر تكتل وتمشي بجنازه يعني انته ما تعرف صار البارحه
عمر : يعني انتي كالبه خلقتج علمود البارحه
زينب : ليش انته برئيك البارحه شي عادي
عمر : خلي افهمج تره والله جماعتي قشمروني ومن مديت ايدي عليج جنت ما واعي على الي اسوي اعذريني
زينب : شنو انته طفل ويقشمرونك جماعتك تره ما يصير هيج حسب حساب انته عندك جهال حرام عليك يا بشر بشنو قصرت وياك حتى تسوي هيج عمر : اعذريني زينب بعد ما تكرر وبعدين اذا انتي ما تسامحيني منو راح يسامحني واني لا ام ولا اب
زينب : اسامحك بشرط
عمر : شنو هو
زينب : ممنوع بعد تشرب أو تعيدها
عمر : هذا هو وعد ما عيدها بس هل عيون الحلوات لا تزعل
زينب: سامحته وعساني لا سووويته اول اسبوع عادي وطبيعي بس وراها رجعت حليمه لإعادتها القديمه صار يوميه شرب ويوميه يجي يضرب ويهين وأكثر من مره يجي وبجسمه علامات اقرف من نفسي مجرد اشوفها وصار احنا على هل حاله شهرين واليوم ما طالع
عمر : زينب صبيلي غداء
زينب : هسه اصبلك سم حجيت بكلبي ....... هاك تفضل
عمر : ما تكعدين تأكلين
زينب : لا مااريد اكلت ويه البنات قبل شوي
عمر : خوش
زينب : رحت للمطبخ بقيت أعزل وارتب وانضف لحد ما عمر جاب الصينيه
عمر : زينب جيبلي جاي الغرفه وتعاي اريدج بموضوع
زينب : دخلت البنات للغرفتهن وامير هو أصلن نايم صبيت الجاي ورحت اله اريد اشوف اليوم شعنده من سالفه
عمر : اكعدي اريدج بموضوع
زينب : شنو احجي اسمعك
عمر : زينب مااريد الف وادور وياج شنو رئيج اجيبلج صاحبي
زينب : شنو ولك ما سمعت
عمر : لا تخافين ما اخليج تحبلين منه ناخذ احتياطنه وتره انتي تتونسين وهم تحصلين فلوس
زينب : لك انته شنو من بشر والله حرام اسميك زلمه
انته حتى أشباه الزلم هواي عليك
عمر : احترامي نفسج لج وبعدين شكو صايره شريفه براسي هذيج امج الكو........اده يوميه ويه واحد بلكي ابوج يحجي يشتكي والفلوس مكومه على كلوبهم بس انتي مو وجه نعمه
زينب: انته منيلك هل حجي
عمر : تره لا عبالج غشيم وكلشي مااعرف كلشي ادري بس اني ساكت ومنطيج مجال تحجيلي
زينب : عمر وديني لاهلي
عمر : كومي حضري روحج اوديج الدعا.......ره مالتكم ههههههههههه
زينب : على سريع لمت كم قطعه الي والجهالي واخذتهم وطلعت البنات بس يباوعن عليه وهنه يشوفن ابوهن مندمج يغني وكلساع يكول تاليتي ترجعيلي واني بس ابجي نزلت وهو ما كلف روحه ونزل مجرد ما نزلت حرك وطلع كبل واني دخلت لاهلي
زهراء : يمه شبيج حبيبتي منو وياج
زينب : هذا الجلب عمر
زهراء : بس اهدئي وفهميني صار
زينب : قبل شهرين ................ وحجيت كلشي الزهراء
زهراء : خلي يولي لا تهتمين هسه تجي امي وتعرف تصرف وياه
زينب : ليش هو منو ضيعنا غير امج وعمايلها
زهراء : اسكتي لا تحجين هيج انتي ما عايزه مشاكل وبعدين كومي غسلي شوفي بناتج سوده عليه راح يموتن من الخوف عليج غسلي وتعاي يمي اكعدي محد بل بيت بس اني وزينه
زينب: ليش وين البقيه
زهراء : كلمن طالع بصفحه