ဆွေကလိုက်ပြပေးဖို့ပြောတော့ အဆောင်ပိုင်ရှင်အန်တီကြီးကလိုက်ပြပေးတယ်။အိမ်ရဲ့ခြေရင်းဘက်လမ်းကလေးကနေသွားတော့ နှစ်ခန်းတွဲလျှက် တစ်ထပ်ဆောင်ကလေးတွေဟာ အလျားလိုက်တစ်ဆောင်၊တစ်ဖက်တစ်ချပ်မျက်နှာချင်းဆိုင်အနေအထားတွင် တစ်ဆောင်ဆီဆောက်ကာထား၏။
" လွတ်တာကဒီအဆောင်သမီးလေးတို့ မိန်းကလေးတွေချည်းပဲမို့ ကျန်တာတော့မကြောက်ရပါဘူး"
"ဟုတ်ကဲ့အန်တီ"
"အန်တီကလည်းအပျိုကြီးလေ တူမလေးနဲ့နေတယ်အဲ့တာကြောင့်နောက်ကပိုနေတဲ့ခြံကွက်လပ်ကိုအဆောင်လေးတွေဆောက်ပြီးငှားဖို့လုပ်လိုက်တာ"
"ဒါဆို ငှားမယ်နော်အန်တီ စာချုပ်ကဘယ်လိုချုပ်ပေးလဲရှင့် "
"စာချုပ်ကတော့ ၃လစာအရင်ချုပ်ပေးတယ်သမီးလေး နောက်လတွေကြတော့ တစ်လချင်းပဲပေးလို့ရပါတယ်"
"ဟုတ်ကဲ့"
သုပိုင်လည်းခဏနေပြီးတော့ သူမအမေရဲ့ဆိုင်လေးကိုပြန်လာခဲ့သည်။ ဆူးတို့ကတော့အဆောင်မယ် ကျန်ခဲ့လေ၏။
" ပိုင်....ကျောင်းခေါ်နေပြီဆရာမလေးတို့ရော"
"စာချုပ်ချုပ်နေတယ်မေမေ။တွေးပူမနေပါနဲ့မေမေရယ် ဆရာမလေးတို့သိမှာပါ ဟိုကတောင်ခေါင်းလောင်းသံကြားရတယ်"
"ကျောင်းပြန်တက်မယ်ဆို ပိုင်"
မေမေမေးတော့ ကျမပန်းကန်လေးတွေထည့်ရင်းမေမေ့ကိုလှည့်ကာကြည့်မိတယ်။မေမေ့နဖူးထက်မှာကျနေတဲ့ ချွေးစက်ကလေးတွေပြီးတော့ လက်မှာစွပ်ထားတဲ့ ပဲမှုန့်တွေနဲ့ အသုပ်ထဲထည့်တဲ့အစာပလာတွေပေကျန်နေတဲ့ အကြည်ရောင်ကြွပ်ကြွပ်အိတ်လက်အိတ်ကလေး။
" ပိုင် ဆယ်တန်းပြန်ဖြေမယ်မေမေ ဒါပေမယ့် ကျောင်းမတက်ဘူး"
"အင်းပါ ဖြေမယ်ဆိုပြီးရောသိလား လိုအပ်တာအကုန်ပြောမေမေဝယ်ပေးမယ်နော်"
"လောလောဆယ်တော့မလိုအပ်သေးပါဘူးမေမေရယ် ပိုင့်မှာရှိတဲ့စာအုပ်တွေနဲ့ကြည့်လို့ရတယ်နော်"
ပြုံးနေတဲ့မေမေ့ရဲ့မျက်နှာကိုကျမသဘောကျတယ် ။မနက် ၄နာရီတည်းကထပြီး ဆိုင်ဖွင့်ဖို့ချက်ပြုတ်နေတဲ့မေမေပင်ပန်းပေမယ့် ကျမစကားကိုကြားလိုက်တော့ချက်ချင်းအားတက်သွားသလိုပဲမေမေ့မျက်နှာရွှင်လန်းသွားတယ်။မေမေဟာကျမကိုသိပ်ချစ်သည်။
YOU ARE READING
ရင်မှာဒဏ်ရာဆူး
Romanceအချစ်စစ်ဆိုတာတကယ်ရှိကြောင်းကိုသက်သေပြချင်တယ် အထူးသဖြင့် မင်းလိုအယုံအကြည်မရှိတဲ့သူမျိုးအတွက် အခ်စ္စစ္ဆိုတာတကယ္ရွိေၾကာင္းကိုသက္ေသျပခ်င္တယ္ အထူးသျဖင့္ မင္းလိုအယုံအၾကည္မရွိတဲ့သူမ်ိဳးအတြက္
