"အန်တီပိုင်ဘာဖြစ်တာလဲဟင်"
"ခွေးအူတာကိုလန့်တယ်ထင်ပါတယ်သမီးလေးရယ် ပိုင်ကသိပ်ကြောက်တတ်တာ မီးပျက်ရင်လည်းမနေရဲဘူး "
"ဟုတ်လား ပိုင်ကတစ်ယောက်တည်းပြန်မယ်ဆိုတော့ပိုင့်ကိုသမီးကမကြောက်တတ်တဲ့ကလေးလေးလို့ထင်ခဲ့မိတာ"
" ပိုင်ကသိပ်ကြောက်တတ်တာဆူးရဲ့။ လူများရင်လည်းမသွားရဲဘူး အလှူတွေ ၊မင်္ဂလာဆောင်တွေဆိုလည်းပိုင်မသွားရဲဘူး တစ်ယောက်တည်းပဲနေတယ် သူအကြောက်ဆုံးကတော့ခွေးအူတာပဲ"
"တောင်းပန်ပါတယ်အန်တီရယ် ဆူးလည်းမသိတော့ပိုင့်ကိုတစ်ယောက်တည်းပြန်လွှတ်မိတယ်"
"မဟုတ်တာပဲကွယ်၊ ဆူးတို့အမှားမဟုတ်ပါဘူး အန်တီကသာသိရဲ့သားရဲ့ပိုင့်ကိုလာမကြိုမိတာ"
ကျမတို့စကားတွေပြောပြီးတော့ ပြန်လာခဲ့တယ် ပိုင်ကသူ့မိခင်ရဲ့ရင်ခွင်ထဲမှာအိပ်ပျော်သွားတာပါပဲ။ အန်တီတို့အိမ်မှာပိုင့်အဖေဖြစ်သူကိုကျမတို့မတွေ့ခဲ့ရဘူး။
" ဆွေ ပိုင့်ဖေဖေကိုမမြင်မိဘူးနော်"
"ဟုတ်တယ်နော်ဆူး ပိုင့်ဆီလာတုန်းကလည်းအန်တီပဲ။ပိုင့်အဖေအလုပ်ကပြန်မရောက်သေးလို့နဲ့တူတယ်"
"မဟုတ်ဘူးသမီးလေးတို့ရဲ့ ပိုင့်မှာအဖေမရှိဘူး"
"ပိုင့်မှာအဖေမရှိဘူး!!! "
အံ့သြစွာသံပြိုင်ထွက်သွားတဲ့ ဆူးနဲ့ဆွေက တစ်ယောက်မျက်နှာတစ်ယောက်ကြည့်သည်။
" ဦးအမျိုးသမီးပြောတာကတော့ မမတင်နဲ့သူ့အမျိုးသာ ပိုင် ၃တန်းနှစ်မှာကွာခဲ့ကြတာတဲ့လေ။ပိုင်တို့သားမိနှစ်ယောက်ကသနားဖို့ကောင်းပါတယ် စရောက်တုန်းကပိုင်လေးကချူချာတယ် ခဏခဏနေမကောင်းတော့ မမတင်က ပိုင့်ကိုကျောမှာပိုးရင်းစျေးရောင်းရတာ အိမ်မှာတစ်ယောက်တည်းထားခဲ့ဖို့စိတ်မချလို့လေ ပိုင်ကလည်းအရမ်းကြောက်တတ်တဲ့ကလေးလေးပြီးတော့ ရပ်ကွက်ထဲကကလေးတွေနဲ့တစ်ခါမှထွက်မကစားဘူး သူ့ဘာပဲနေတတ်တာ အတန်းလေးကြီးလာမှသီတာစိုးတို့ ဆုနိုင်အောင်တို့နဲ့ပေါင်းတာ"
YOU ARE READING
ရင်မှာဒဏ်ရာဆူး
Romanceအချစ်စစ်ဆိုတာတကယ်ရှိကြောင်းကိုသက်သေပြချင်တယ် အထူးသဖြင့် မင်းလိုအယုံအကြည်မရှိတဲ့သူမျိုးအတွက် အခ်စ္စစ္ဆိုတာတကယ္ရွိေၾကာင္းကိုသက္ေသျပခ်င္တယ္ အထူးသျဖင့္ မင္းလိုအယုံအၾကည္မရွိတဲ့သူမ်ိဳးအတြက္
