ငါလေးကတာဝန်ကျေတဲ့ဇနီးလေးနဲ့မေတ္တာရှင်မိခင်ဖြစ်လာတယ်[ဘာသာပြန်]

*165* ငါကိုယ်တိုင်နဲ့ကစားရတာပျင်းဖို့ကောင်းလိုက်တာ

ရုနယိခန္ဓာကိုယ်က အပြစ်ကင်းတဲ့မျက်နှာလေးနဲ့ မိစ္ဆာသားရဲကြီးကို ကြည့်ကာ ဓားမြှောင်နဲ့ ပါဝင်ပစ္စည်းတွေဆက်တူးထုတ်နေရင်းနဲ့ မေးလိုက်သည်။
"ခင်ဗျားက စကားပြောနိုင်တယ်လား"

မိစ္ဆာသားရဲကြီး "......"

ဒါက အဓိပ္ပါယ်မရှိလို့လား...

အရိုးသန့်စင်မှုအဆင့်ရောက်နေတဲ့ မိစ္ဆာသားရဲမှန်သမျှ စကားပြောနိုင်တာ မသိတဲ့သူ ဘယ်သူရှိလို့လဲ..။

တစ်ခြားသူတွေမှာတော့ သူ့အစားထိတ်လန့်သွားကြပြီး မိစ္ဆာသားရဲကြီးက နောက်တစ်ခဏမှာဘဲ သူ့ကို အရှင်လတ်လတ် မျိုချပစ်လိုက်မှာကို စိုးရိမ်နေကြလေသည်။

ရုန်ယိမှာ သူ့နဖူးသူ အုပ်ကိုင်လိုက်မိသည်။ သူ့ခန္ဓာကိုယ်က တစ်ကယ်အခွင့်အရေးယူတဲ့နေရာမှာ တော်တာဘဲ.. သူတို့က မိစ္ဆာသားရဲကြီးကို တိုက်ခိုက်ဖို့အတွက် အလုပ်များနေတဲ့အချိန်မှာ သူကတော့ ပါဝင်ပစ္စည်းတွေ သွားပြေးတူးနေလေသည်။

ချီလန်က ရုန်ယိကို တစ်ချက်လှမ်းကြည့်ကာ နှာခေါင်းရှုံ့လိုက်ပြီး
"စိတ်ထင်တိုင်းလျှောက်လုပ်တတ်တဲ့ နောက်တစ်ယောက်ဘဲ"

ယင်ကျင်းရဲ့မှာ မျက်လုံးတွေကျဥ်းမြောင်းသွားပြီး ရုန်ယိကို ဂရုစိုက်ဖို့ ပုချီကိုပြောလိုက်ကာ ရုန်ယိခန္ဓာကိုယ်ကို မိစ္ဆာသားရဲကြီးလက်ထဲကနေ ဘယ်လိုကယ်ထုတ်ရမလဲဆိုတဲ့ နည်းလမ်းကိုရှာကြည့်လိုက်သည်။

ရုတ်တရက် ထောက်ခနဲ အသံနဲ့အတူ နံရံပေါ်က ပါဝင်ပစ္စည်းတွေက ရုန်ယိခန္ဓာကိုယ်လက်ထဲကို ပြုတ်ကျလာ၏။

ကျင့်ကြံသူတွေမှာတော့ သူတို့နှလုံးတွေ လည်ချောင်းဝကို ရောက်လာသလိုခံစားလိုက်ရပြီး ဘာထောင်ချောင်တွေများ ပေါ်လာဦးမလဲဆိုပြီး သူတို့ပတ်ပတ်လည်ကို လိုက်ကြည့်လိုက်ကြသည်။ တစ်ချိန်တည်းမှာဘဲ စိတ်ထဲကနေ ရုန်ယိကို ကျိန်ဆဲလိုက်မိကြ၏။ မိစ္ဆာသားရဲကြီး အနားမှာရှိနေတာတောင်မှ သူဘယ်လိုတောင် ဆက်ပြီး တူးရဲသေးရတာလဲ..။

"......"
သားရဲကြီးကလည်း သူ့ကို ခက်ထန်စွာနဲ့ စိုက်ကြည့်လိုက်သည်။